包包上k1囉

包包學校9月2日先開學，真係等到我頸都長呀～

K1包包由半日私校轉左全日制卷校。其實好怕佢掛住舊校，唔肯返新校呢! 好在呢間學校都係出名有愛心嘅學校!

第一日返學，媽媽請左假陪上堂，包包更係開心啦！

最開心係有好多車玩!

早上做早操時間

包包係阿呆

佢好內斂

玩遊戲，好cool唔答問題

Story time 好留心

Tea time時間

食得最慢，不過都有食晒

可以同寶品做同學仔，更加令包包加快適應

老師叫左家長出課室briefing

入返去時見到佢自己玩

好獨立

老師會因應小朋友適應力來決定返幾多小時

Day 4 係last一日可以有家長陪

咁啱包包生日媽媽我又請假陪佢

可以唔著校服

阿呆又唔做早操

呢日仲試下喺學校午飯

家長只可以喺課室外等

偷偷望佢，佢好似唔知自己做咩

只係乖乖自己飲水，無扭計無叫走

媽媽我好感動呀～

飲完水老師就帶小朋友去另一課室食飯

偷偷見到佢自己食

係食得最慢嗰一兩個

但都有添飯

放學時仲好開心咁話，媽媽我食晒啲飯呀～

媽媽我簡直超感動，眼淚喺眼中浪下浪

Day 6 老師話包包適應得好好

可以試下喺學校午睡!

呢個係我另一樣擔心嘅

因為包包喺屋企仲係食奶咀訓覺架

但估唔到佢第一日試就成功訓到!!!

Day 7 就試下食埋茶點3點先放學

當然無問題啦！

Day 8 包包已經可以返全日4:30 先放學啦～

有好多小朋友都因為未能適應還返緊半日呢

Day 11 包包還開始坐校車上學! 媽媽我早兩日已經同佢講左要坐nanny bus，又可能n班都係坐校車，所以佢完全無扭計超順利仲揮手bye bye

成個開學嘅過程都相當順利

真係估唔到包包咁叻仔

媽媽我真係 so proud of you!

包包仲話鍾意新學校多啲呢!

希望你呢3年都能夠開開心心上學去!