包包的私人泳池 2015

上年淘左個水池，夏天到左，等我攞返出來畀包包玩先！

有時包包午睡醒後已4時多，去沙灘泳池已經太晚，我就會開呢個水池畀包包玩！

重溫上年

包包的私人泳池

包包真係大得好快呀～

好掛住圓碌碌嘅包包呀～

呢一年我地仲裝修了天台

包包可以玩嘅空間又大左

而家嘅包包已經懂得自得其樂

個水池都有點太細了

但勝在方便

包包：準備變身先

 

 

包包超人出場！！

Oopsssss

笑到我肚痛 XD

包包21-22個月成長紀錄

上個月太忙了, 今個月一次過寫啦....

重

都係11-12kg，無咩點重。高就無度。

食

奶只有早上飲，大概9安。但包包最近早餐只飲奶，麵包唔食。

鍾意食嘅食物開始時肯自己食，但食得好慢，要提佢食。但食到中段就會唔郁，唔願食，要人餵，仲會手指指電視叫我地開電視！唔鍾意食或心情不好時，可以食一啖就唔食，救命！！啲人話餓下佢就得，但我承認我唔忍心，最後都係電視送飯。其實包包已經每餐隔5-6個鐘，tea都只係食半件蛋糕或水果，點可能唔肚餓架……

蛋糕，水果，雪糕，yogurt，同大部份嘅湯都係佢至愛。仲好鍾意飲水，唔使提佢飲，自己會攞水樽飲。其他零食如餅乾，佢都唔太like，playgroup茶點佢成日都食唔晒(個個食晒得佢食唔晒)

21-22個月係包包嘅過渡期，慢慢轉食大人飯啦，而就算另外煮畀佢食嘅都會加少少鹽，如果唔係包少唔肯食架。但都係少鹽少油為主。雖然去沖繩時都食左唔少餐廳食物，但喺香港出街都會煮定帶出去，盡量唔想佢食咁多街外野。so far只係試過一兩次因趕唔砌返屋企而要食街外飯。出街佢見到我地食佢都會想食，我就畀少少少少佢食咁啦～

訓

最近train緊佢訓一個nap，除非太早起身，大部份時候一個nap都可以，也相比之前早左訓，mama可以追武則天啦～

活動能力

• 自己行上樓梯，唔畀人扶。宜家天氣熱，佢又行得慢又唔畀人扶，但見佢咁努力, MAMA流晒汗都無所謂啦。
• 要自己行落樓梯，但佢未ok自己行，所以我地要扶佢，村屋樓梯又較高，所以都幾麻煩，不過我明白係必經階段，好快佢就識自己上上落落
• 好鍾意搬搬抬抬，櫈呀，玩具，媽媽手袋，咩都搬一餐
• 感恩包包係一個好鍾意行既小朋友

語言能力

呢兩個月叫做有啲進展，明顯肯講多左，終於可以學bloggers整個list啦(之前識太少無list out)

人物: 爸爸, 媽媽, 嫲嫲, YEAH (爺爺), 姐姐, EE, BB

動物: 喵 (CAT), DAK DAK (DOG DOG), 白白(隔離屋隻狗), BIRD, BEAR BEAR,

名詞: 奶奶, 車車, 街街, 燈, 門, 包, 麵

動詞: 畀, 飲, DUM (垃圾)

聲音: HM HM, MOO (牛牛叫), 矮 (喂), 呀! (嘩!)

形容詞: 飽飽

其他: BYE, KIU (THANK YOU), PES (PLEASE)

但包包有啲音發唔到，如：

喂：變矮

魚：變咦

嘩：變呀

最近努力教佢吹bubble同吹candle, 希望包包識得doo長個咀仔

成日都好sweet咁叫爸爸，媽媽。仲會叫姐姐。見到包包一句姐姐，姐姐一句包包，姐姐包包姐姐包包，兩個好似談情咁架

好多時肯COPY我地講既野, 但發音唔太準，而且比較難發既音佢都唔太願意講, 好似"叔叔", "瓜"...

暫時都只係單音, 但MAMA我已經覺得好大鼓舞.... 包包要努力呀!

情感發展

完美主義依舊嚴重。樣樣都要自己做或者指定邊個幫佢做！包括：開燈，開冷氣，開風扇，開電視，掉垃圾，濕綿花(換片)，攞片片，洗手，ji hand wash, 扭毛巾…… 不能盡錄！

嚴重到如果你幫佢做，佢會undo然後再做。例如：

幫佢拎左櫈仔坐，佢會搬張櫈返原位再自己搬黎坐

開左嘅燈要熄左再開過

跌左野幫佢執，佢會再整跌自己執

咁樣有無問題架？？

上兩個星期無啦啦發燒，無其他特徵。醫生話係口腔嘅鏈球菌感染。呢隻菌個個人個口都有，如果抵抗力弱，就會牙肉喉嚨等發炎，引起發燒。也有可能係太熱氣喎! 最高燒到39.8度，嚇死我，差啲想去醫院！好在有七一假，mama可以自己照顧佢。但包包又變左痴媽b，連papa都唔要。仲變左奶咀怪，係都要食奶咀，攪到講野又少左

自日本返來後，沖涼要沖花灑，死都唔肯浸浴，真係估佢唔到。

REVIEW下呢2個月既相先....

呢個入形狀已經玩到好熟啦~

露下腿先....

攞唔到既野識得擔櫈仔去拎

喺沖繩買嘅狗仔公仔，包包嘅新歡

成日錫錫 XD

有時仲會叫我錫 (￣∇￣)

Buddy

古惑仔

上個月去沖繩玩

好開心

去公園玩，唔驚千秋啦～

第一次去睇龍舟

第一次坐巴士

(因為我地揸車或坐西鐵多)

第二個父親節

媽媽的話

感覺上包包真係大個左好多。非常有主見。性格鮮明。愛整齊，做事有規律。但固執。

相隔三個月再上playgroup, 發現包包穩定左好多，好多時都可以坐定定，好聽miss話。但性格內斂，唔會好似其他小朋友咁活躍。十分喜歡小動物。唔孤寒，肯分享。愛音樂，唔愛畫畫。唔眼訓嘅情況下，大部份時間都好聽媽媽話。

感恩，包包算係唔太難攪嘅小朋友。(咪講)

雖然講野無其他小朋友咁好，但每個人都有長處短處，媽媽會同包包一齊努力！

探索大自然 x 動物農莊 2015

星期日去左探索大自然 x 動物農莊 2015
係包包第一年去
聽說好多野玩，所以一早10點幾就到了expo

去買飛先，說真的，都幾貴架。但大熱天時，有冷氣又咁多野玩，最重要係包包玩得開心嘛！

一入去就見到兩隻好大隻嘅恐龍！包包有啲兒歌有恐龍，所以佢知道佢地係dinosaur，仲望左好耐呢

要佢望鏡頭有難道

有左上一次媽媽咪咪嘅經驗，今次入去就趁少人先玩左啲熱門遊戲先！
是日又忘記帶相機，只用手機影，所以相比較濛。

一望左手邊就有大型蜜蜂型吹氣彈床
我去換kinder朱古力，papa就帶包包過去先。
我過到去包包已經除左鞋準備玩，但工作人員話其實三歲先玩得！(papa又唔睇清楚)
但當時少人，只有兩三個小朋友所以照畀包包玩。包包一入去就已勁興奮，係聽到佢卡卡聲笑。但玩左三分鐘就有兩個大啲嘅細路入去玩又好crazy，我就叫工作人員帶返包包出來啦～

跟住就玩隔離個大型滑梯，都排左15分鐘，包包好乖一齊排，但未到佢已經想除定鞋XD

Papa陪佢玩，話包包行緊上去嘅時候已經笑得好開心 (因為包包係樓梯都鍾意架)

我影左video，睇得出包包好開心！

玩完仲想再玩，扭計喊呀！

我就話嗰邊仲有好多野玩佢先唔喊

旁邊有攤位，純粹想畀佢摸下樹葉，但一如我所料唔鍾意呀～淨係玩波，玩玩下仲要走……

旁邊有余仁生，又有海星摸，我好想包包玩架，但佢又畀吹氣彈床吸引走左去……

呢個原來係障礙爬，啱晒包包呢類細bb，更加估唔到包包可以玩得咁開心！

走出來時笑到卡卡聲

Stuck左過唔到自己係度狂笑

要人救佢 (^_^;)

玩完就去另一個大滑梯進發，見到有個波波池喎，玩左先，papa就去排滑梯……

包豬當然又係好興奮，到夠鐘都聽唔到人地叫佢出來，要工作人員的佢出來 XD

 一玩完波波池就去玩呢個大滑梯啦～
Papa話呢個樓梯好難上，包包爬左好耐先上到去

見到包包咁開心就知好好玩啦～

如果唔係要影相，我都想玩呀～

玩完見到對面friso無咩人喎

有沙池玩但包包應該唔鍾意玩沙

就去玩滑梯

臨到我地時包包突然走佬，papa出絕招塞個奶咀畀佢即刻唔走 -_-#

但滑梯一啲都唔好sir....

仲有吹氣車軚玩，但包包應該未識玩無玩到……

經過一輪體力勞動，做返啲靜態啲嘅野先…… 去睇下動物啦～

包包一見兔仔就勁開心，仲要咁啱隻兔走左去佢前面！佢係咁摸呢

仲有倉鼠同唔知咩鼠睇 XP

跟住去睇馬…… 

個場開始多人，同馬影相要排好耐，所以papa排隊，我同包包去睇山羊。

以為包包會好有興趣，點知唔係，後尾可以餵羊佢都無興趣。唔知係咪啲羊太黑？？

終於到我地影相啦～
影完包包想摸隻馬，我就問下工作人員，佢地話可以先畀佢摸。佢好開心呢～

影完話放上fb有禮物，但個袋唔吸引無拎。
包包就畀呢隻怪物吸引，係咁摸佢叫bear bear (^_^;)

值得一讚係在場有得洗手，好細心！

繼續行入會場，見到上一次包包玩過嘅彈床，係for細bb玩，所以勁啱包包玩，又唔多人！

跳完就sir，sir完又再返去跳，玩左5/6次先夠鐘！好抵玩！

諗住啲吹氣玩意都玩得7788，原來最入有智樂攤位！但包包呢個時候已經有疲態，開始唔肯拖手周圍走。所以就只係玩左呢個汽球陣。裡面有勁多汽球，有風機吹到啲汽球四處飛。包包同在場啲細路都好crazy四圍走！

仲幾次差啲畀人撞到訓低，好彩我擋住左ja...

玩左10分鐘就走先，啲細路太crazy

玩左咁耐，可以想像到包包有幾攰！

呢個時候先一點，我地又要食lunch，由於兩點先有巧虎睇 (點解咁遲架？！)，我地最後無睇巧虎就走左啦～

臨走同隻牛影相，包包叫佢moo moo

睇下佢個樣幾攰！

放足電嘅一朝，食完lunch包包訓左兩個幾鐘呢！