包包三歲(3)：媽媽感言

希望可以keep住每年寫一篇，留個回憶!

呢一年相比上一年又輕鬆左，包包大左，生活規律都已定，雖然食野都仲係麻麻煩煩，但麻煩嘅地方已經少好多。感恩包包身體頗健康，除了剛返學病左幾次，touchwood 近半年來都無乜病!

8-9點起床: 8安奶，唔食其他

10:00: 食少少麵包，一時時

12:00 lunch

2:00 午睡

4:00 tea

5:00 踩單車

7:30 晚飯

10:00 入房，睇書，傾計，訓覺

呢一年最開心嘅係包包識講多左，所以交流都多左，呢個年紀真係好得意好好玩。聽到個仔講媽咪我好鍾意你呀～ 我好錫你架! 我好掛住你，你快啲返啦! 我想攬住你呀! 真係甜到入心!

每晚陪訓時間特別sweet，指定要媽媽陪訓，講故事，唔畀爸爸講架! 睇完書就會話媽媽抱我，我就抱一抱佢，唱good night song 之後就放低佢關燈。自從識講嘅野多左，關燈後如果唔太眼訓，佢係會不斷講野。我就同佢review下嗰日做過咩，第二日又做咩咁，佢又問下問題，問問下通常我都不知不覺訓著，哈哈～ 如果眼訓，佢就會攬住我條頸，面貼面訓，又或者轉身，但拖住我隻手攬住佢訓。

呢一年可能返左n班，見多左世面，無之前咁怕醜。雖然都係勁痴媽媽，但人大左，少左無顧發脾氣，專注力都好左。性格都變得更明顯，慢熱，不愛說話，愛分享唔自私，愛整齊，但執著，唔鍾意人地搞亂佢嘅野，指定物件要放指定位置 (有少少強迫症咁!?!) ，愛乾淨，超愛車，愛唱歌但不愛跳舞不愛表演(即係只會在家唱歌)，不愛畫畫。愛行路，不愛抱。總結來說算幾乖，唔難湊。

12月因姐姐放假，有幸做ftm三星期，說實在湊包唔難，反而係做家務難啲呢！

年初去左九州旅行，包包好enjoy，成日話要去日本! 8月去左澳門，又係玩得好開心。希望細佬生性，可以快啲再去旅行!

剛剛k1 開學了，同n班唔同學校，但包包比我想像中適應得快，媽媽真係好開心，覺得你好叻仔呢!

呢年最大改變，就係媽媽懷孕了，好快包包就會有個細佬! 包包“好似”幾鍾意細佬，因為佢平時都好喜歡bb，希望細佬出世都一樣啦～ 我明白一向痴媽嘅包包點都會有點吃醋，但希望呢個過程唔會太耐。爸爸媽媽都生於大家庭，好明白兄弟姐妹嘅重要，希望你倆相親相愛，長大後互相扶持，手足情深!

最後，媽媽永遠愛你!

 

 

K1 INTERVIEW

 

 

N1 開學

 

 

打醮

 

 

親子裝

 

 

OCEAN PARK

 

 

九州之旅

 

 

 

開心上學去

 

 

MOTHERS' DAY

 

 

坐西鐵

 

 

RAINING DAY

 

 

未夠高

 

 

FATHERS' DAY

 

 

N1表演

 

 

去MACAU

 

 

 

四眼包

 

 

父子裝

 

 

3歲BIRTHDAY!

 

 

重溫

包包兩歲(4)：媽媽感言

包包一歲(4)：媽媽感言