2010年6月25日
今日同伴娘MABEL同KENNETH去左IN WEDDING試衫, 原來我上年9月已經JOIN左, 宜家個PRICE貴左千幾蚊!!!
本來無咁快上去HOLD衫, 但見到2個JM, 一個3月BIG DAY, 一個4月都已經HOLD左衫, 見得閒就上去啦...
HOLD左既衫為保持神秘感唔POST啦, 不過估唔到我有機會試褂!!! 其實我都試過褂, 但o個次無影相, 今次重試埋潮褂呀...
IN WEDDING話佢D褂係冠南華造, 件褂皇同件褂后都好新, 手工好好, 價錢都OK, 不過佢地各得一件, 我驚到我BIG DAY時已經舊啦... 再諗下先...
潮褂呀... 第一次著, 雖然我覺得好得意, 著得好睇過傳統褂(因為修身一D).... 我都係覺得傳統褂有嫁人既感覺多D, 潮褂好似拍戲D古裝衫, HAHA....
呢日試衫好開心, 因為真係有就快嫁人既感覺
!!!
OUR HOME除左個廚房可謂大功告成, 而師傅已經收工啦...
露台玻璃門同蚊網門都裝好啦, 由於OUR HOME係村屋, 露台要有鋼門(防盜), 玻璃門,蚊網門(防蚊), 所以有成3對門咁多架... 效果當然無私樓咁靚(人地通常得一對玻璃門), 但比想像中好呢...
重有未POST過既餐桌, 深圳家之福買, 但QUALITY MAMA...
呢幅就係開左蚊網門, 關左玻璃門同鋼門... 露台都已經擺左我地套"優閒桌椅"啦...
實在太太太喜歡呢個位置(都係家之福買, RMB500 ONLY!), 得閒o係度發呆都唔錯... HAHA....
姑丈已經度左尺, ORDER左板, 下星期應該會裝廚櫃啦...
其實OUR HOME都幾"吉", 有D傢私重未買, 諗緊北上買定香港買, 但係北上真係好累, 15/16... 而且宜家一返到OUR HOME就唔想再出街, 加上要睇WORLD CUP, 又落雨, 真係唔願出街...
見到TIM LAU話ELLE一年出一次既WEDDING MAGAZINE出左, 又"咁岩"見到有得買, 立即買左番屋企.... $30
點知過幾日又見到COSMO BRIDES出左WEDDING MAGAZINE, 心諗唔買啦, 應該都係o個D野, 但係見好多BLOGGER都買左, 日日番工搭地鐵都見到個AD, 又"咁岩"見到有得買, 又買左番屋企.... $35
今日見到有BLOGGER話JESSICA都出左WEDDING MAGAZINE啦, 只係$20, 宜家又1516.... 買唔買好呢? 唔知多唔多野睇呢?
其實我都係最近先知ELLE, COSMO同JESSICA都會一年出一次WEDDING MAGAZINE, 唔係結婚既人真係唔會留意...
我覺得對於剛開始攪WEDDING既人好有用... 雖然好多都買/用唔起 (太貴), 但係有唔少幾好既IDEA同REAL CASE... 我覺得COSMO好過ELLE.... D資料實用D...
唉... 個玻璃門重未到, 成屋都好多塵, 辛苦KENNETH成日要抺間屋!!!
廁所已經裝好晒所有野, 已經用緊啦...
呢個浴屏都唔平架...
家之福訂既洗手盆套櫃, 有個燈仔, 兩塊層版, 洗手盆同個吊櫃 (因為廁所好窄, 好難影), 遲D會買野裝飾下....
不锈鋼吊櫃, 枱面用石英石, 唔錯架....
全屋裝晒窗花蚊網, 唔怕有蚊啦... 白色蚊網, 比我想像中好睇!!
露台玻璃都裝好, 唔使驚會跌落街啦.... HAHA... 不過未開始清潔...
個棚都拆左, 即係師傅都就快收工啦! 全屋只爭對玻璃門, 之後我地就要全力再抺抺抺抺啦.... 而且其實OUR HOME重有好多傢俱未齊, 要買買買買....
姑丈下星期會開始整廚櫃, 好期待!!
本來suppose係今個week完工, 但裝修既野又點會咁順利呀....
師傅話露台玻璃門有問題要再訂!!! 而一訂要10日時間!!!! 連同一齊訂既窗花同蚊網都會遲d先裝... 最衰係我地買左既傢俱電器都到左, 雖然有鋼閘, 但間屋好似"穿窿"咁, 而且無門會好大塵, 之後要抺多幾次啦...
星期六我地就o係屋企抺抺抺, d磚一塊一塊咁刷, 而梳化, 電視, 地櫃, 冷氣都到左, 我地叫做有個廳啦, 好開心!!
2010年最新model - 47" LG LCD TV(係全屋最貴既ITEM!) + 家之福買既地櫃 (好滿意!) + SAMSUNG HIFI (正!)
去過芝華士,芝曼尼, SOFAMARK睇梳化, 因為我地想要L型梳化同埋要長D (因為廳長), 睇中既都要過萬, 實在買唔起, 最後去左直銷中心, 3座位既4千幾, 我地加多一座位就五千幾, 重送多個腳踏, 腳踏可以打開放野... 不過顏色比色版深色, 有D唔襯個purple wall, 希望愈睇愈順眼啦... 個玻璃几仔係家之福送 (佢唔肯減價我地就屈佢送個几仔), 可以"sip"落梳化底... 睇下KENNETH幾爽!!
冷氣同燈都裝好, 呢個就係OUR HOME個廳啦~~~
燈都裝晒啦, 一個一個咁睇下先~
露台波波燈
露台大燈
燈槽+射燈
客廳水晶燈, 真係好靚呀~~
水晶燈+燈槽, 係咪好靚呢?? 係呢.... (HAHA, 自問自答)
飯廳燈, 都好正呀~
睡房燈, 好有FEEL... 好ROMANTIC架...
另一房燈, 型! 不過有D暗呀...
餐枱都到左, 不過因為怕大塵, 未開封... 不過比想像中差, 遲D再講...
廁所都攪好, 座廁, 浴屏, 花灑同洗手盆櫃都裝好, 不過因為剛剛整好, 未清潔, 好DIRTY, 下次先影相... 家之福個洗手盆櫃好得, 好鍾意呀~
睡房用番KENNETH自己本來既床 (already a king size bed), 雖然重有d傢俱未買, 但叫做有床瞓啦...
辛苦完一日後, 舒舒服服咁同KENNETH坐o係梳化睇world cup, 冷氣都唔使開, 哈哈...
呢刻覺得自己好幸福
(出賣左KENNETH隻毛腳, HAHA....)
特別鳴謝KENNETH一個人將D燈既水晶玻璃珠一粒一粒咁穿... 穿到十隻手指損晒, 真係抵錫 (因為我重住o係九龍呀)
美心做PROMOTION, 因為我家在港親戚唔多, 買左150張餅卡, 送10張, TOTAL 160張, 平均HK$36@, 希望夠啦...
雖說相比其他人, 我地買得唔算多, 但都五千幾銀架!!
上次師傅話間屋好快完工, 攪到我好興奮, 諗住呢個星期應該差不多啦, 原來重有好多野未攪架.....
基本上間屋係未住得人既....
不過因為已經油左油, 見到間屋個初形, 真係好開心呀...
終於都見到個地版啦...
我地油左一邊牆紫色, 真實無相裡面咁深色架, 好鍾意!!
燈槽都差不多啦, 只爭裝光管同射燈 (姑丈話好快可以裝埋)
兩間房入口, 中間會有個壁燈同會掛幅油畫...
兩間房油左淡淡既蘋果綠, 因為KENNETH想房有種FRESH 一D既感覺!
露台閘都裝左啦, 不過未有玻璃門, 用手機影, 有D暗
用左好多錢既SCHNIEDER制都裝左啦, 真係好靚呀!!!!
(不過姑丈話電視機後面D制無人睇到, 唔使買咁既喎, 係喎,又笨左!)
有LED燈架 (燈OFF時LED會著)
樓梯底個閘都換左, 爭個邊位未整番靚, 個閘都幾靚呀~
黎緊呢個星期大部份傢俱電器都會送黎, 即係OUR HOME就快可以入住啦...
好緊張呀~~~~~~
2010年6月4日
我地放工去左會展既婚展, 可能因為太晏, 唔係好多人, 比起上次去九展, 行得真係好舒服, 一個鐘內就攪掂左兩樣野, 其中一樣野KO左既係婚前檢查, 其實早幾個月已經想JOIN, 因為我諗住打埋子宮頸癌疫苗, 3 針要打半年, 而且其間唔可以懷孕, 所以婚前半年打就最好...
上網做過RESEARCH, 都係家計會同毅力(KINETICS) 中選一....
最後揀左毅力(KINETICS), 參考左BLOGGER飛‧月 - FLY to the MOON
最主要係毅力有驗地中海貧血，家計會的只包初步分析(或加錢), 同埋可以揀醫生or護士講解report...
婚前檢查 : $1280 (每PAIR), 送平安包or流感疫苗or$50百佳券, 見過個平安包, 幾好架, 禮物可以遲D揀...
子宮頸癌疫苗: $2700 (可揀CERVARIX/ GARDASIL), 送流感疫苗or$50百佳券or子宮頸塗片檢查 (我揀左PAP TEST, 始終覺得做左TEST先打針好D)
咁就無左$3980!!
毅力個位小姐重解釋得好詳盡, 我地都好放心JOIN...
不過好攪笑我俾錢之後KENNETH個樣好擔心, 佢話好驚驗身喎, 男人又要驗"o個D野", HAHA....
毅力醫護健康集團 Kinetics Medical & Health Group
前兩日見到報紙麥玲玲講燈, 雖然我唔係好信玄學野, 不過有d似環境學, 講得都幾有道理呀...
2010-06-02
古時，文人為求高中狀元，光宗耀祖，挑燈夜讀是平常之事。在現今社會，燈不只用作照明，更是居室不可或缺的裝飾品。位處天花的吊燈、座地燈或內置石英膽的射燈，均具有存在的價值。從玄學角度而論，燈飾並無催旺家宅運之效，但倘若裝置不恰當，卻會為住客帶來不吉利影響。
坐臥之地勿用強光燈
何處是經常坐臥之地？即是住客需要長期逗留的空間，如睡房的睡床、客廳的沙發，或是飯廳的餐椅。每天辛勞工作過後，回到家中，總是喜歡黏著沙發收看電視節目，不少住客喜在沙發或餐桌旁擺放一盞座地燈飾，被強光長時間照向，尤其是具有聚光功能的石英燈，熱力更強。由於燈飾會發光發熱，容易令人「心火盛」，脾性暴躁，為瑣事大發雷霆，不但影響家人之間的親密關係，更會因一時急躁，容易作出錯誤的重要決定。
每天躺臥睡床逾八小時，身體徹底放鬆之際，同時是最受四周環境所影響的時刻。大家謹記一點，切忌在睡床範圍內的天花位置裝置燈飾，不論是碟形或吊燈（影響更甚），燈飾壓向身體的部位，即寓意會出現病痛。另外，不宜模仿酒店床頭的閱讀燈飾設計，裝嵌於牆身的兩盞射燈，直接打向住客的頭部，聚合熱力，同樣容易令人脾性暴躁，以及招徠小病小痛。而置於頭櫃上的燈則問題不大，重點在於選擇柔和的燈泡。
款式不宜呈尖角
為求配合室內設計，燈飾款式花多眼亂，不論是形狀趣致、時尚型格，或是富有東南亞特色的燈飾，重點在於勿選尖角及鑲上鏡面的款式。尖角屬於強而有力的煞氣，銳角對向住客定必帶來不利影響；至於鏡面燈飾則有機會反射不利的景觀。謹慎起見，還是選用圓形或表面平滑的燈罩為妙。
燈色選擇要統一
燈色必須遵守統一的原則，在同一個空間內，切勿選擇過多的燈色，客廳選用明亮的雪白色調，飯廳卻是予人太空感的天藍色，這樣會令住客精神難以集中，處事欠缺穩定性。
燈泡數目不宜二或五
至於燈泡的數目，對於玄學的影響最為輕微，只要避免在同一個區域裝置二或五個燈泡便可，客飯廳屬於同一個區域，燈泡數量切忌是二或五，二代表流年飛星的二黑病符星（虎年位於東北），五代表流年飛星的五黃大災星（虎年位於西南），若然在凶星位置裝置燈泡，則難免會增強凶星的力量。總括來說，燈泡數量愈多，即代表屋內的熱力及亮度愈強，為住客帶來「發光發熱」的影響則會倍增過來。
地磚已經舖好啦, 不過舖左膠布睇唔到, 都OK滿意, 清清地啦....
師傅開始線灰啦, 呢兩日會開始油房同整燈槽...
冷氣都訂左啦, 決定左唔用冷暖機, 又唔用分體式啦, 用最BASIC既WINDOW TYPE冷氣機!
露台都舖好磚, 爭塊透明玻璃, D磚顏色唔錯, 不過師傅話呢D磚唔靚喎!! 但發現有D唔平, 驚好易積水...
露台鐵閘都到左啦...
露台閘門位都整番靚啦...
師傅話兩個星期內可以完工, 而我地都已經訂左D傢俱電器下星期送黎, KENNETH話要WORLD CUP之前攪好, HAHA....
