酒席方面,其實係無得選擇,要係新界西,交通方便的,而且要擺到40圍...
有考慮過:
1.黃金海岸 - 交通不便,而且於TUEN MUN, 也不太方便圍村人
2.喜上加喜 - 於元朗,不過唔係元朗人係唔會搵到佢,方便圍村人,但不方便朋友同事!
3. 新元朗中心好彩 - 近西鐵站,今年先開,地方大
所以其實係無得選擇... 只可選新元朗中心好彩
裝修唔差,重有兩個新娘房呀!
8月23日,我同KENNETH去左會展個婚紗展落訂,因有$4000回贈,暫定40圍...
"鄧周聯婚"
從WEBSITE上找的....似乎可以唔搵DECORATION...
門口的影相位,都幾靚...
兩個假CAKE!
第一步行出了,真真正正的開始籌備我地的婚禮,開始覺得緊張了!
我地的擇日過程可謂一波幾折,由於我讀書關係,BIG DAY日子有好多RESTRICTION... 我本想選2010年9月,因為我有SUMMER HOLIDAY, BIG DAY前都有D時間去籌備婚禮,但係擇日嗰個胡生,舊曆七月唔得,八月沖我,九月沖KENNETH,我新曆12月頭EXAM,所以又唔想NOV 同DEC... 好煩...
後來我話不如新曆一月啦,阿胡生又好快咁俾到1月15日我地,我12月EXAM後有一個月假,本來好開心,就拿拿臨去搵酒席啦.... 點知... 元朗好彩居然已經俾人BOOK左! 我自覺都叫早BOOK,依家D人真係好癲... 唉又要再擇過啦...
左想右想,最終有2個日子,1月29日同2月26日,前者新年前,後者新年後,KENNETH爸爸PREFER新年後....終於,定左BIG DAY為2011年2月26日, YEAH!
