媽咪 I LOVE U

2010年9月25日

呢日媽咪一早叫醒我, 話同我去買金!! 媽咪話D金一日一日咁升, 唔係辦法, 話要快D買... 原來媽咪有供開金會 (係一間細細地既傳統金舖), 我同媽咪爸爸飲完茶就去揀金啦...

首先睇龍鳳扼, 媽咪問我鍾意邊對, 但老實講我真係無所謂, 反而驚媽咪要使好多錢, 因為D金真係好貴... 個SALES拎左一對出黎俾媽咪睇, 媽咪就話 "唔得, 咁細對!"... 媽咪就拎左最大o個對話要呢對!! (因為係細金舖, 最大o個對都唔係話好誇o個隻) 媽咪重話想買大對D都無!!!

我真係好感動呀 ~ 就係呢對啦...

之後媽咪就話要買多條頸鍊俾我... SALES就話新返左好多新貨拎俾媽咪睇... 但媽咪又話太細條, 唔得體, 又話唔夠靚... (好似媽咪揀唔係我揀呢!)

根住媽咪就自己揀左2條俾我揀, 2條都ok, 於是我就揀左條輕D既, 因為實在唔想媽咪用太多錢.... 就係呢條啦...

媽咪又話要買埋耳環襯番, 但我立即阻止, 因為耳環真係帶左都無人知, 唔想媽咪破費啦.... 而且我個化妝師有provide埋首飾...

呢日真係覺得媽咪好錫我, 好幸福 ~

呢排都無咩時間陪媽咪爸爸, 好慚愧... 希望婚後有多D時間可以陪佢地!!

 

他和我去迪迪尼 (過中秋)

2010年9月22日

婚前最後一個中秋夜, KENNETH公司 (某大集團) 包左迪迪尼, 我就同KENNETH, 我家姐, 姐夫同我對TWINS兒甥一齊去迪迪尼玩左一晚...

(可能之後既中秋都會同KENNETH屋企人過呢...)

是日公司放四點, 我地五點幾就去到啦... 當時重落緊雨, 好好彩之後成晚都無落雨!

我對TWINS兒甥, 係咪好可愛呢?? (後面個C9左住晒!)

不過同佢地去真係成晚都好唔得閒呀... 同佢地去左玩巴斯, 佢地勁開心...

呢個係哥哥,  抱住隻毛毛唔肯放手... 玩到咁夜, 佢地好眼訓呀...

入夜後先多少少HALLOWEEN氣氛... 不過個PARADE都唔好睇, 我覺得阿JACK, 巫婆同D怪獸好醜樣!!! 鬼屋我地只去左"大街酒店"(因為好多人呀!), 對於去過幾年OCEAN PARK HALLOWEEN既我地, 唔係好驚... 第一次去迪迪尼HALLOWEEN, 始終覺得迪迪尼還是做返迪迪尼好...

到走時先有機會同D鬼影相, 可能因為D細路已經走晒 (無帶相機, 只可用我個IPHONE影, 影得好差)

我家姐買左隻細D既毛毛俾TWINS, 其實我都好鍾意架... 我影相時細佬係咁望住我, 驚C我拎走佢隻毛毛!! HAHA...

是日唯一既合照... 多謝KENNETH陪我去迪迪尼, 我知如果唔係我想去, 佢係唔會去架... 重陪埋我屋企人, 真好呢.... 呢日我地真係玩到好攰呀~~

窩心的信

最近病得好辛苦, 由感冒變成咳咳咳咳.... 咳左都有10幾日啦... 睇左3次西醫, 3次中醫, 宜家好番d, 決定由佢, 希望"吽"下自己會好... 咁大個女都係第一次病咁耐, 所以呢2個week個人都好depressed... (食唔好, 又訓唔好...)

星期六同KENNETH見面時, 佢無啦啦俾封信我, 原來佢知我最近心情唔好所以寫左d野俾我... 好窩心呀...

(佢中文唔好, d字又唔靚, 所以係"打"出黎既, 重用左好CUTE既FONTS!)

我真係好希望我地能夠永遠都好似呢刻咁相愛, 因為我知愛係會因為環境, 心態, 同一d估唔到既野而變質, 所以我決定要blog低多d我地既回憶, 第時睇番, 就會記得我地有幾愛大家... 愛是不可偷懶的!!! 

KENNETH, 我知你自從升左engineer之後就好忙, 你要加油呀, 因為今日既辛苦係為我地既未來準備, 至多我應承你我學煮野食整多d好野俾你食啦... (資質有限, 俾d時間我就得架啦... hehe...)

自從快要做人老婆之後, 突然覺得做女既真係好幸福... 我病媽咪又煮野俾我食, 未來奶奶又係好care我... 我地一定要好好孝順自己既媽咪呀!!!!

星期六晚發生左一單笑料, 話說未來奶奶話荔枝酒可治咳, 佢有d自己釀既荔枝酒, 係咁叫我飲... 其實我係唔飲得酒架, 飲少少就唔舒服... 但我見未來奶奶係咁叫我試下, 我就當飲苦茶咁飲左3大啖... 唔使半個鐘我就開始頭痛, 係痛要訓係度, 又成身無力暈下暈下, 根住就訓著左... 攪到KENNETH同未來奶奶好擔心, 重話以後都唔會俾我飲酒喎... 但我第2朝就咩事都無啦... 只係覺得自己咁易醉好攪笑!!

原來d荔枝酒係用米酒釀, 好勁架... 而且呢次係KENNETH同我拍拖以黎第一次見我飲醉酒, 佢話估唔到我真係咁渣喎... (所以我一向都好disipline, 唔飲酒架!)

近來我地婚禮方面都無咩進度, 因為我地weekend掛住打wii.... haha... 我要返工+返學, KENNETH又成日要OT, 攪到我地一到weekend就懶到死...

不過我地都有d野計劃緊架... 而且都知要快d做下野... 我都俾身邊既朋友仔"哦"啦...

我會加油架啦!!!!! 

 

新玩具 WII

KENNETH 三家姐送俾我地既禮物, 重要係KENNETH最鍾意既黑色版!!

OUR HOME又有多樣野玩啦... 朋友黎到都唔怕悶啦.... (不過宜家得SPORT RESORT一隻GAME)

多謝三家姐!!!!

我預計月尾OR十月頭就會搬入元朗, 到時可以請D朋友黎玩啦!!!

免費執相

從網上睇到呢度幫人免費執2張相, 我都唔執輸...

不過有一張執得有D怪, 我唔POST啦...

呢張相係於麗江影, 天使光係真架!

BEFORE

AFTER

最主要係執光暗同少少細位...

不過之後要俾$30執一張, 好似貴左D喎....

 

執相師傅

http://hk.myblog.yahoo.com/digitalimaginghk

 

Confirmed 裙褂, 馬褂, 奶奶褂

2010年9月4日

去完揀奶奶衫之後, 我地就去揀褂啦... 自上次睇過下之後(第一次試裙褂), 加上之前於IN WEDDING 試過潮褂 (IN WEDDING 1ST TRIAL), 我地決定去永隆租傳統褂...

ME

我喜歡多D金銀線, 所以我先試左2件中五福, 再試左2件大五福... 老實講, 我覺得件件都差不多, 可能D燈照射下都係好"金"... 所以一定要多D人俾意見同埋影相, 最後於家人意見下選左一件銀線多D既大五福 ($880)... 但係著上身好似好肥, 因為多金銀線, 件衫"硬"D, 但未來奶奶話係咁著, 無問題喎... 本以為自己半年前租褂已算早, 但永隆阿姐話都唔算早喎!!! 而且因為自己細粒, 選擇真係唔多.... 所以大家真係要早D去租褂呀!!!

奶奶

我揀好之後, 就到未來奶奶啦... 未來奶奶話黑紅配太老, 所以佢揀左JO紅色褂... 先試小五福, OK呀, 再試中五福, 多D金銀線, 但即刻老左, 未來奶奶立即SAY NO... HAHA... 我就鍾意多D金銀線, 相反奶奶就唔鍾意!! 最後揀左一套小五福! ($580)

KENNETH

因為KENNETH 嫲嫲一定要KENNETH著馬褂, 所以KENNETH都要試呀! 個LOOK真係好"特別"... HAHA... KENNETH試左2套, 我地覺得黃底好睇D (可揀紅底OR黑底), 第一套就太黃 (好金呀!), 第二套就型D無咁金既, 好快就揀好啦, 而且十分抵玩 ($280!), (其實KENNETH都唔係咁想著, 好驚似呆佬, HAHA!) 永隆阿姐好好人, 重叫我著住套褂同KENNETH影相, 所以試得好開心!! 不過我地呢個LOOK要KEEP CONFIDENTIAL呀!!!

嫲嫲

嫲嫲因為行動不便, 我地只可俾尺寸, 但阿姐好好人, 佢叫我地拎嫲嫲是旦一件衫黎就可以, 因為最怕嫲嫲有大肚腩呀... 好在阿姐話我地知ja, 重幫我地hold左件先, 未俾deposit都hold得, 真係好!

嫲嫲當然揀黑色上衣啦...

最後我地更係有講價啦, 重"r"左睡衣tim!!!

我見我地租褂咁開心, 所以我都決定租件褂俾我媽咪, big day當日一齊著褂一定好開心呢! 遲d又要再黎永隆啦!!

 

永隆繡莊

地址:油麻地上海街409號, 電話：2780 3007