錦田十年一屇酬恩建醮

前陣子十分忙碌, 包包INTERVIEWS, 包包開學, 仲有就係錦田十年一次酬恩建醮, 俗稱"打醮"

好多人都問, 其實打醮係咩野?

錦田鄉從清朝康熙二十四年(1685年)，每十年會舉行一次太平清醮。上一次錦田酬恩建醮在2005年舉行。錦田鄉建醮是「吉祥醮」，具有求神賜福、祈禱闔鄉昇平和安居樂業，但最主要的目的是超渡清朝初年因「遷海」而流離他鄉身故的亡魂，並酬謝為鄉民爭取「復界」的周、王二公為主要賀醮緣起。錦田鄉打醮的特色是「行香舞鬼王」，由各村村民接力抬著「鬼王」出巡，重點行程以各村村口為主，祈求合境平安、風調雨順。

(source: wikipedia)

由於係十年一次, 整個錦田既人都十分重視呢幾日, 好多村民都特登請假 (我老公便是)

整個酬恩建醮浩資過千萬, 真係好隆重其事架!

而個場地就係水頭村, 也就是我家附近.... 所以包包幾乎日日去玩呢...

為方便大家，仲搭左臨時木橋

正門入口

打醮5日期間, 全村人都要食齋

而會場會免費提供午晚齋盆

(當然係FOR村民ONLY)

下面呢個位置就係食盆位置

內部就係咁

遠望又一大個棚

其中一個拜神位置

左手邊就係鬼王

人地話圍住鬼王走一圈, 就會變得大膽

好多大人會帶小朋友來走來走一圈

包包都唔知行左幾多次呢

呢個最大嘅棚就係戲棚，打醮期間主要用來拜神

12月就會改造成大戲棚

周王二公廟

呢個咁靚嘅棚其實係士多黎架

估計只係棚都已經用了三百多萬元！

打醮期間，每隔一段時間就要拜神

村內嘅男丁要著住呢啲長衫去拜神

老公都要著架

本來想替包包買一件長衫，但佢太細無佢size，訂造一件要數百元，只著一次太貴了，所以只係買左套唐裝湊熱鬧

士多位置其實有好多攤檔賣野食

其中一個係包包叔公開，所以呢度成為佢成日去嘅地方！

好多野食賣

排隊畀錢先！

呢度嘅粉仔好好味架

仲有好多懷舊野食賣

棚外都有公仔戲睇

睇返大戲棚內

一入門口就有兩個大門神

睇下後面嘅人，個公仔真係好大個架！

包包最開心係好大個地方畀佢跑！

棚內左右兩邊，有參與打醮嘅村嘅booth(唔知點形容 XD)

我地屬於呢個

Setup好靚，一啲都唔馬虎

另一邊有條巨龍，正醮當日有得睇舞龍，要幾十人先舞到佢架！

入夜後更加靚呢

打醮其一習俗係行香

一日行錦田

一日行元朗

村民會一齊行一圈

當日甚至有封路畀我地行呢！

元朗主要街道見到舞龍舞獅，真係十年只有一次！

打醮最後一日，也是最精彩嘅一環

就係化鬼王啦～

連東張西望都有報導架

個鬼王要過百男丁先抬到

男丁們會抬鬼王喺錦田行一圈，語意將衰野嚇走

最後就拜神再化左佢

(可惜女人係唔睇得架)

整個酬恩建醮就完滿結束

其實仲有好多相，但時間關係寫住咁多先!

雖然打醮已結束，但個戲棚會last到12月尾
12月24-27日仲有大戲免費睇架！

想知多啲資料，可參考以下link
http://www.yl.hk/kamtin/

N班開學啦～(上)

包包終於返N班啦～等到頸都長

話說上年apply左幾間N班，但包包係細b，最後得三間有得in。可惜一間撞正台灣之旅，另一間interview嗰日包包發高燒，結果只in一間。基本上呢間私校係必收，但最後只有pm offer。

由於包包係個早睡早起嘅寶寶，午睡係必須嘅！如果要我迫佢唔訓去返學，我覺得好殘忍，而且佢都唔會開心(一定會發癲)。

咁啱畀我知道元朗有間幼稚園開幕，呢間學校(簡稱學校T)其實係由天水圍搬來元朗(之前新聞都有報導過，佢地個校址畀另一大私校以更高價錢收左)。而之前天水圍時嘅comments都幾好。去左interview，覺得啲老師相比之前嗰間有愛心好多，包包都好鍾意呢間學校，最重要係佢收左包包讀am！所以即使之前嗰間交晒留位費同買晒校服，都決定畀包包轉讀學校T。

由於學校T係新校，又剛剛先裝修好，到10月時(包包足兩歲)佢都未攞到N班牌照，(但已有K牌照)，呢個係我完全估唔到嘅！我地可以做嘅就只有等。

到11月初，學校打來話就快攞到牌啦，叫我地去上適應班，仲費用全免！而且一班只有8個小朋友，小班教學真係好好。雖然等到11月先有學返，但覺得學校都好有heart!

包包就咁返左3星期適應班，因為有家長/姐姐陪上堂，所以包包返得好開心！返左學後，喺屋企多左好多野講！雖然都夾住大量bb話 XD。一同佢唱學校教嘅歌就勁開心！最好嘅係佢返學後晚晚都訓得好好！一覺訓天光呢～

第一日返適應班，幾精神！

學校咁多野玩，更係開心啦～

11月尾，學校通知我地攞到牌啦～喺短短三日內，要買校服、鞋、襪等等返學要用嘅野！因為太急，都無時間睇鞋，只喺千色買左普通貨色。又發現原來啲襪好貴！

好在媽媽我一早預備左某些包包嘅返學用品。name label, 布姓名貼，白襪(原來學校仲要灰襪)，手巾仔。其實仲買左手巾盒同杯(但學校有提供)。

姐姐洗完校服，我就密密聯上姓名貼。雖然好攰，但作為母親，自己係非常樂意去做！雖然聯得唔太靚XD

12月1日，終於到了包包返學嘅大日子，媽媽我真係百感交集！包包大個仔啦～

畀個good自己！

媽媽我只係送包包上小巴，由姐姐帶佢返學。因為我知道如果我送佢上學，佢一定會爆喊唔畀我走！而且我之前已經陪過包包上適應班，都已經知道佢嘅上課模式！

第一日嘅情況係點呢？miss中午已經打電話畀我(真係好好呀)，話包包喊左10分鐘，其餘時間都好ok！

第二日

Lunch後外籍miss打畀我，話包包呢日返學無喊啦，只係間中眼濕濕。但就放學時喊，因為佢心急想走但又未到佢所以喊 XD

第三日

姐姐話佢入學校時有喊呀，但放學就無喊。

其實媽媽我都真係好欣慰架啦，包包表現都ok吖，最重要係我問佢返學開唔開心，佢好快就答開心！不過我每次同佢講返學好開心，咁就唔好喊啦，好唔好？佢又會答好架！

希望包包好快適應啦！

一星期後再報告！