媽媽會半歲party

上星期我第一次出席媽媽會活動，9月bb半歲party 。其實湊住個仔好忙，無點影相。

去到覺得好多人呀，有22圍呢！

同banner影張相先！

三個鐘嘅時間裡面，要食野，換片，餵奶，包包nap，抽獎，交收團購物品，影相，玩遊戲，真係cher一聲就夠鐘！

義工媽媽好犀利，搵到好多贊助，連cupcake都有！

題外話：怕熱嘅包包去到會場要除外套除襪除鞋！mama幫你扮到幾型仔都無用啦！

一向我都認為包包係中碼b，唔算大隻，但去到見到好多bb比我想像中細粒，包包喺厭奶嘅情況下都算唔錯大隻啦！

我都好開心join左呢個媽媽會，可以知道自己個仔嘅發現同行為係咪都同大家嘅bb差不多，又有好多有經驗媽媽解答我地呢啲新手媽媽嘅問題！fb真係好犀利！

最開心係識到幾個bb同包包同一日出世嘅媽媽呢！呢日只有我地三個可以出席：

包包已經識拖女仔手手啦，哈哈！

唔知係咪男仔重啲，包包真係重手好多呀！

返到屋企我隻手攰到酸痛呀！

期待我地下一次只係907嘅gathering ！

反身啦！

反到啦反到啦！

懶包終於喺6m15d 反到身啦！

呢日我如常同包包喺playmat 玩，我通常會幫一幫佢反，心情大好嘅包包突然自己反，我好surprise ，又好開心，好開心可以見證到呢個moment ! 仲立即叫姐姐黎睇，後來先醒起要拍低佢！

已經反左幾次嘅包包已經有啲唔耐煩，哈哈

包包已經六個半月大(well...mama仲未寫六個月成長紀錄)，真係大得好快，mama會一直喺你身邊，陪伴你，守護你，愛著你，給你一個快樂童年！

Photos by Always Smile Studio (Alvin Yau)：精華篇

包包六個月大，又帶佢去影下相先！

之前見過好多blogger 媽媽去alvin度影都影得好好，所以我三個月前已經book左呢日，因為alvin 2014已經加左價啦！

overall黎講我係滿意，只係包包繼續佢cool爆嘅作風，唔點笑囉！

先黎便服。。。

全家幅 ，包包個樣幾大少爺！

六個月嘅包包識坐一陣，但唔係好穩

第二個造型：黄色小雞
雖然包包唔多笑，但呢個look真係超可愛呀！

呢張係alvin執過嘅，colour sharp 好多

肥腿一雙~

第三個造型：馬騮仔

“hello，外賣一支奶奶唔該！“

懶包唔鍾意扒嘅，扁晒咀咁！

好鍾意下面呢張，好似諗緊野咁！

第四個造型：gentleman
呢個時候嘅包包已經無電，勁扭眼訓！

扒喺度想訓著咁濟！

嘻嘻，我個仔係咪好可愛呢？(忍唔住爆發嘅母愛！)

你地覺得邊個造型最好呢？

我都會recommend人地黎呢間studio，因為地方新，大，同光猛，好細心有換片area，仲有ipad同好多玩具引bb attention！

係咪覺得包包好乖咁畀人影呢，梗係唔係啦！我決定下一篇整"扭計篇"，好多扭計相架！

手腳模@2 months

呢篇blog遲左兩個月先寫，因為啲相喺細機，依家先有時間upload :-P

包包喺兩個月大時，我找人上門造手腳模。

時光倒流到2013年11月頭 (時間飛逝呀，包包嗰時真係好bb呀！)

兩個月嘅包包仍然係食完就訓，整模嘅時候全程訓著，所以整得好順利！

整完都未醒，哈哈！

細細雙，真係好得意！

兩個月後先收到完成品，好滿意！

我呢個係my hema baby, bb兩個月大$688, bb愈大愈貴，但相比網上出名啲嘅甘生平。唔好嘅係兩個月後先收到，我諗佢應該幾好生意。

也有媽媽報料話呢set架餐淘寶只賣幾十蚊，有興趣嘅可以自己買黎玩下！

要爆了！

我同老公都要爆了。。。

呢個星期六無啦啦同包爹嘈，佢話我近排語氣好差好燥！我嗰刻先諗起自己真係無咩耐性，下下一句得埋佢度就走開。又話我最近完全ignore左佢，同佢講野都係離不開包包。。。

包包六個月開大開始食固體，因為包包仲係厭奶中，除左開奶茶，我最近就成日諗可以整咩畀佢食，希望呢個曳豬可以食多啲。咁我要返工，就緊係放工放假先攪呢樣嗰樣。呢幾日工人姐姐病左，星期六又要同佢去睇醫生。雖然包包食得唔多，但又煲粥又要blend啲veggies ，食水果要磨要過濾網，都好take time又多野攪！我仲要用lunch time 時間買整畀bb嘅食物 (因為放工要仆返屋企)！當然仲有上網search info 嘅時間。。。

而且呢個曳豬包，依家唔肯畀papa餵奶，papa餵一啖都唔飲，要我同姐姐餵！所以夜晚last一餐要我餵。久而久之，我都係夜訓。一日24小時都唔夠用，個人好攰。

可能因為咁，個人變得忟同緊張。

包爹話我，你唔好咁緊張啦？！(個語氣係好唔耐煩咁講)

呢句看似關心嘅說話我聽完就爆啦，係因為佢覺得我做得太多，簡單啲講佢覺得我做嘅野好多都係無謂！

我好唔開心呀，原來我做咁多野佢一啲都唔appreciate ，仲嚴我緊張得濟，攪太多野！佢只係見到我買好多野返黎，然後呢埋廚房攪一大輪，
完全唔明我點解咁做同做緊咩野！

我都想唔整咁多野，第一，包包如果咩都食我就唔使煩啦！第二，啲野我唔做邊個做呢？

當然，女人嘅眼淚永遠係勝利嘅。。。
我會檢討下自己嘅態度，但都希望你地啲男人好好欣賞我地為bb所付出嘅努力！

包包，你乖啲啦，你乖啲食多啲papa mama就唔會嘈交啦！

上星期去左alvin yau 度影相，等我有時候upload 相再分享 (>_<)

結婚三週年(下)

艾利絲成日覺得celebration要有蛋糕！所以呢日當然有蛋糕啦！

帝苑fine food mango cheese cake
但我唔開心啲字寫得好醜呀，我自己寫都靚過佢！
芝士味道唔重，我唔好甜，所以覺得too sweet，有點失望呢！

"mama又係蛋糕嘅。。。。。。"

最近真係食左好多蛋糕。。。。

到晚上我地就二人世界一下

Savour Cafe (元朗)
地址 :元朗達輝徑3號華健大廈地下3-4號店舖
電話 :2442 2111
網址 :http://www.openrice.com/restaurant/sr2.htm?shopid=8683

餐廳佈置好靚，雖然唔大一啲都唔迫又唔嘈！

面包係暖，仲有幾款，有牛油有醋serve，好味！

starter 有幾款揀，呢個mushrooms on mashed potatoes 唔只賣相靚仲好好味！

另一個caesar salad, 新鮮！

  雜菜湯好濃味，好少雜菜湯係咁濃呢，好多料！

 main course 大蝦墨魚面，呢個就小小失手，無墨魚味之餘有點咸同乾身！但啲大蝦好大隻同彈牙。

老公main course 要steak, 相比上一次lam tai grill 好食多了!

最後coffee and tea, 好滿足！
waiter 好有禮貌，仲問我地覺得食物點樣，我地都有comment，我相信我地會再黎食！

老公，我知包包出生後我真的冷落左你，最近包包厭奶訓得唔好都令我好攰好攰。。。成個人都只係諗住個仔，完全無理過自己老公！呢日本來係book左老公最愛嘅鐵板燒，但你怕我咳咳而轉食西餐！更估唔到你還買了禮物畀我，而我就咩都無做，我呢個老婆真係慚愧！我希望包包快啲back to normal ，咁我地就有好日子過！雖然包包係第一位，但我應承你盡量唔咁偏心啦！(≧3≦)

呢三年來多謝你的愛護！照顧方面應該我照顧你多點，哈哈！有一天我問你如果無左我會點？你好大反應咁話，下，我唔會畀呢樣野發生架！

希望係真的，希望到包包大個成婚，我倆都依然在一起！！

(三年前)