2016年1月4日
日航嘅早餐都多選擇，只係飲左奶嘅包包淨係肯飲橙汁! 呢幾日旅行，日日都有果汁飲!
早餐後我地就check out，去熊本城囉!
雖然步行過去只需10分鐘，但因為我地下午就離開熊本，所以直接揸車開去。
去到泊左架車，先知原來遠啲個carpark係近啲個城架!
不過呢日天氣勁好，喺太陽下都好warm，慢慢行都好舒服。
睇下包包, 一見個相機就咩都唔理架啦....
我覺得呢張相包包好似PAPA呀
呢度真係好靚呀
想同呢小朋友影張靚相都難...
到入口啦....
天氣真係超好!!!!! 藍天白雲!
我地仲行上個城上面!
一向鍾意行樓梯嘅包包仲自己一步步行上去，好叻叻!
上到頂望返下面都好好風景
落返下面影多D相先.....
包包見人地影相, 佢又要影
我地笑佢又笑, HAHA
難為我呢個MAMA抱佢抱到手軟!
其實第二個CARPARK就係入口對面
呢個小朋友見到架灰色車, 就話係我地架車, 要PAPA去攞車喎
(但我地架車都唔係泊呢個CARPARK =.=)
行到老遠都唔返來 >.< "
用左好多口水佢先聽....
之後我地就揸架車去櫻之小路，其實有shuttle bus，行過去都好近
呢度其實只有手信店，小食店同餐廳，但感覺好日式幾靚
朋友話一定要試呢度既綠茶雪糕, 果然好味, 好香綠茶味, 又唔太甜, 不過包包就唔太鍾意食....
本來打算去返上下通食LUNCH, 但有個小朋友因為行左好多路太攰而開始
於是就係呢度搵間餐廳食LUNCH算數
度度都有兒童餐具, MAMA我洗少好多野!
都坐得好舒服, 但就唔算平囉....
食完LUNCH就要開車去湯布院, 因為車程要2.5小時架!!
開車無耐包包就訓左, 開左一小時左右, 有個山田既出口, 有廁所有食物賣, 老公同姑媽都落車鬆一鬆
但我睇住包包所以無落車
終於到了湯布院 (又稱由布院), 本來PLAN左行湯之坪, 但見天色開始暗, 怕搵唔到路, 就先去金鱗湖
金鱗湖真係個好靚既地方, 好舒服既感覺...
聽說早上來, 湖面會發光, 閃下閃下, 就好像金色魚鱗, 因此名為金鱗湖
仲見到有鴨子, 包包係咁叫DUCK DUCK
之後就去我地呢晚住既溫泉旅館啦....
只係10分鐘車程, 但係山路, 要小心駕駛
湯布院溫泉旅館－「ぽっぽ庵」
呢篇BLOG有詳細介紹:
選擇呢間旅館，係因為價錢唔算太貴，又有私人溫泉，雖然唔係好華麗嘅酒店，但我地都非常之滿意!
我地住既係4人房, 一入到去好開心，因為間房比想像中大! 一般酒店有嘅設備佢都有齊，仲有收得好好嘅wifi!
窗外景色都好有feel，好似電視劇咁，會睇到火車行過架
呢隻房仲有私人溫泉! 不過啲泉水真係好熱，所以無畀包包浸
包包見到咁大間房梗係開心啦～
旅館仲預備左茶點喺個盒裡面
包包同姑媽喺度玩推櫈，玩到癲左狂笑!
(Mama我終於可以休息下)
後來我地發現左浴衣，更係要著來影相，最可惜無小朋友衫提供～
下面呢張相好搞笑，我地叫姑媽幫我地影相，包包就走去攞我個電話幫我地影相，我地就叫佢行開啲 XD
終於影到相，哈哈！
就係咁我地喺房玩左成個鐘，再同包包沖涼。
之後就過另一間房dinner ，因為我地訂嘅係一泊兩食。
一入到去又好驚喜，又係包箱，個環境好舒服，而且晚餐已經準備好!
也準備了小拖鞋畀包包
見到啲食物咁精緻，睇見都開心
Mama我孤寒，無買餐畀包包(同我share算), 但旅館都有準備餐具，白飯同一小包飯素畀包包，真細心!
食物其實唔係一次過上晒，可能怕食物凍，食食下會多一兩碟咁，結果係超級飽!! 加加埋埋應該有20小碟!
最欣賞個雪巴，係梨嘅味道，裡面仲有梨嘅果粒，好清新又唔甜!
食飯時旅館員工會離開，有需要時打房入面個電話就得! 所以私隱度好高!
食完飯返到房，原來被褥已準備好!
包包換好睡衣，即刻碌上去，睇佢個樣就知幾開心!
結果係佢碌左好耐先肯訓 =.=
不過tatami始終有啲硬，我都訓得唔太好
