WEEK 35: 健康院檢查, final Shopping + hair cut

今次去健康院主要做個乙型鏈球菌檢查, 2個week後返去睇report, 希望唔好收到電話啦... 其他一切正常, 好快就走得啦...

weekend我仍然十分busy, 主要係我仲未買齊bb用品, 唔知點解買極都係爭少少, 所以星期六同老公去AEON final shopping, 應該真係買夠啦... 起碼必需品買齊啦...

之後又要去picsmile 度揀相... hm... 可能blogger 你地讚得我太犀利, 唔知醜既我諗住輯相會好靚, 所以有少少失望... 不過我都因此而慳返, 無加相! (揀相後一星期先收到相, 遲d 出post)

Sunday 係我兒甥晴晴B 3歲生日party, 見到晴晴咁可愛, 真係好想生返個女, haha...

回家時見到太陽出來了!! 久違了的太陽呀!!!

我同老公拿拿聲拎d野出黎洗同晒...

bb四寶 - high chair, stroller, carry cot, carseat

原來都好多野要洗... 呢日洗衫仔先啦...

雖然有工人, 但老公怕工人太粗魯所以我地都係自己做返... 粗重野老公做, 但我都要整理下家中一袋二袋的東西... bb衫都有好多, 有d朋友送, 有排都未o岩著, 所以要過濾一大輪...

攪到我呢2日又好攰.... 但仲係好多野未執.... 感覺上仲未ready好...

法國醫院個走路袋執好了 (因為包好多野所以自己要帶既唔多)... 要唔要執多個for 屯門醫院呢??

係時侯要剪頭髮, 其實我好耐都係曲髮, 真係唔捨得.... 我頭大面圓, 短髮唔好睇架, 所以都keep返少少個長度, 主要剪薄d方面吹乾!!
個髮尾成日HIL起, 唔知佢想點!!!

WEEK 34: 腰酸背痛+私家檢查

呢個week覺得個肚肚大左好多呀, 已經有39"了, 而且真係重左好多好多, 有時食完飯我真係會捧住個肚肚黎行, 連我奶奶都問我點解個肚會咁大?!

因為個肚真係重, 所以腰酸背痛更加嚴重, 訓得耐又痛, 企得耐又痛, 坐得耐又痛... 都唔知想點!! 我諗緊係咪要買條托腹帶??
而阿B既movement都好大, 成日攪到我個肚變晒型... 有時都整到我有d痛架... 好唔鍾意我行緊既時候佢起勢咁yuk, 真係行得好辛苦!

呢次去DR CHEUNG度檢查, 阿B已經5.5lbs啦... 醫生話出世會有6.5 - 7lbs 重, 都幾好呀! 不過好多人話醫生通常估大左, 係咪呢?

仲有一個月就放產假啦... 好期待好期待.... 呢個weekend 2日都出左街, 返到屋企又勁攰, 畀老公話我咁大個肚仲咁多節目!! 所以嚴禁我生之前約朋友去街呀 ~~~~~

今次係肥斑馬look...

WEEK 33: 影大肚相

由於我7個月前個肚肚都好細, 我一心驚自己個肚肚細影相唔好睇所以就BOOK左33 WEEK先影...

不過依家我覺得個肚肚已經好大啦.... 其實可能早一兩個星期影會無咁辛苦...

對大肚相, 我無咩要求, 因為天氣太熱, 個肚太大, 個人又開始辛苦, 老公又一向唔鍾意影相.... 所以我地都係搵間STUDIO影好了...

印象中好多BLOGGER影 PICSMILE, 當中柑柑仲影得好靚呀... 我問左價錢又唔貴所以就BOOK左了... BOOK左最BASIC個PACKAGE, 包3個LOOK, 我覺得3個LOOK都夠了...

化妝係唔包的, 我搵左好友幫忙....

呢日老公下午約左人, 我地勁快45MINS 就影好, 連老公都話個攝影師有效率, 而且比佢想像中輕鬆呢!!

說真的個STUDIO比我想像中還要細, 個攝影師係女仔, 無咁尷尬...

呢條係自己帶去既.... 家裡唯一一條長裙....



老公偷影的....

2個星期後先有相睇....

BB展收穫 (3)

我地好幸運, BB車有家人送, 所以可以唔睇價錢買BB車

老公話BB車最緊要舒服同易推, 因為我地有車, 所以重D都唔係問題

今次BB展我地揀定左我地要既BB車... 就係QUINNY MOODD啦... 好多COLOR可以揀呢...

我地都有考慮STOKKE, 不過我個人還是喜歡QUINNY MOODD既外型 :P

我地都睇過幾次啦, 真係好易推, 不過係真係大架... 有朋友用QUINNY BUZZ, 有時連超市都入唔到呢... 而且收左車都好大好重呢...
不過我呀, 如果自己同BB去街都唔會推車, 太煩了, 如果同老公一齊, 又唔擔心大同重...

而且其實我地仲有一架BB車係人地送架, 細D輕D但就係好舊款... 必要時都有另一架頂上!!

QUINNY MOODD 好處:
- two way reclining seat, 可以自己望住BB (雖然BB未必想望我:P)
- unfolds automatically, 油壓式設計, 收車容易,打開車時更加唔使用力
- smart travel system, 可配合foldable carrycot / maxicosi carseat
- 易推
- 可調整推桿及腳踏
- for 0-4 years old (nb 都可以)

BB展時都研究左好耐 (again, that's why we stayed there for so many hours)
最後... 我地仲要左個限量版 MOODD BRITTO, 係QUINNY同DESIGNER ROMERO BRITTO合作的... 係味好靚仔呢? 黑色也好襟DIRTY呢!

呢架車都要OVER $6000架, 多謝家人厚愛, 阿B真係幸福呀!!

要過2個WEEK先送來, 很期待呢!!

產前講座 (4)

呢個已經係個多月前發生ga la...  趁有時間快D BLOG....

自從JOIN左FB媽媽會之後, 好多INFO都好快收到...

MAMA們話雅培講座D禮品同內容都係最好... 而最吸引我既係套MIDES衫仔!!!  (我認我係師奶仔一名!!)

"咁啱" 講座在逸東酒店, "咁啱" 團購做緊HIGH TEA優惠, "咁啱" 永安大減價.... 我就呃到老公肯陪我去, HAHA (因為我老公成日都好唔願意去聽講座!)

禮物果然實用, 內容都一D都唔悶, 幾值得去聽架!!

最LIKE呢套衫仔!!

 
聽完講座去樓下HIGH TEA
叫左2個WAITER幫我地影都係影到朦查查...
好明顯個TEA好HEA, 我地15MIN就食晒.... $98一人, 不能要求太多...

之後就去永安SHOPPING....
買左MIDES 底衫幾件同包被, 呢間永安唔大, 唔多野買, 之後反而去左樓下超市買野食

7 月初, 奶奶已經開始煲薑醋了...
我都有份刮架..... 2 舊咁多囉... HAHA....

好多薑皮... 奶奶會晒乾FOR我坐月時沖涼用

BB展收穫 (2)

雖然好多人話bb展d野唔係特別平, 但有d offer係bb 展先有架...
下面係我部份買左既野...

(原來有D無影到....)

huggies nb set $100 (紅色個袋)
2包nb 0 碼, 1包nb 1碼, 一盒wet tissue, 一包媽媽m巾, $100 ja, 我覺得好抵呢!!

詩思樂清潔綿 $400 (買10送2)
家姐用開話好用, 而且用得好快, 所以大手入貨, 12包好大袋!!

baby sling $100
見小kim媽媽用, 好似好方便, 只係一百蚊, 仲有好多PATTERN揀, 所以買黎玩下... 我地仲同sales姐姐傾左好耐, 學點用 (that's why我地可以行咁耐囉, 咩都睇一餐!)

crobe hipseat $890
係i-angle既加強版, 至於點好就睇條link啦... 我嚴佢無淨色, 個pattern好似唔太靚, 但老公大力支持買hipseat, 佢好期待帶阿b去街!! 又係同SALES研究左好耐 :D
http://www.babypowershop.com/index.php?main_page=product_info&cPath=&products_id=18702

mustela set $299
四支先$299, 好抵... 仲可以用$40換價值$80既沖涼液, 我見有媽媽換左幾支, 我only換得一支ja....

打針plan $2850
我印象中好多blogger用kinetics, 所以都無點reseach就join 左... 但只係join k1 plan, 因為老公話我地細個咪又係打政府既針, 政府既針係應該enough, 唔需要特別打幾合一個d喎... 我話阿b要打多幾針喎.... 老公話打針ja ma, 有咩好驚, 阿b係男仔唔怕... well.... ok 啦.... 慳返!! (會展join平$100加送左mustela 試用set)

束腹帶+warm pad
在荷花買, very important, 一定要買....

仲買左wet tissue 2大pack ($2xx), 奶瓶清潔濟, 綿花棒, bb睡袋, 包被, 隔尿墊, bb手套, 小玩具 etc...
我地crazy到連浴盆都買埋, haha!!

BB展收穫 (1)

我地一早10AM 就到會展, 因為唔想同人迫, 只係估唔到我地留到咁晏!!

A+媽媽會送左2張TICKET + 書仔, 所以好快入到會場... 我地今次TARGET係CARSEAT!! 一入去就衝去荷花BOOTH...

對於CARSEAT, 我老公就鍾情RECARO...

RECARO
擁有百年歷史，以生產超級跑車座椅聞名，如法拉利、保時捷等賽車座椅，可見其頂級地位。 喜歡改車或賽車朋友，都一定會認識桶型座椅生產商Recaro，一個廣受車迷愛戴的賽車座椅品牌...

老公前一架車都係RECARO座椅, 好友個BB都係由BB開始坐RECARO CARSEAT話好舒服, 荷花係RECARO香港代理, 我地去過睇實物, 老公睇完真係對呢個BRAND既CARSEAT情有獨鐘, 話個PROTECTION做得好好 (雖然我唔識睇), 之後就完全睇唔上其他BRAND啦 (當然我都知有D BRAND都好好既)... 而我地睇中既係RECARO 日本版 (MADE IN JAPAN)CARSEAT, 不過荷花個價錢就真係貴囉! EXPO前幾日得知荷花CARSEAT會減價, 所以一定要去買呢!

我地原本睇中 START +i 呢個MODEL, 好可惜我地去到SALES話EXPO第一日已經賣晒啦

適合初生嬰兒至4歲孩童使用的Start+i，外形美觀用料靚，規格符合歐洲ECE-R44最高安全認證，重量特輕只有7.1kg，5點式安全帶可以緊緊保護孩童，椅背則有3段調校，並設有水平儀方便安裝，最高可以承受18kg重量，正反兩面均可安裝到車上。

原價HK$5999, EXPO價HK$3890, 而且佢個紅色真係好SHARP好型... 可惜可惜呀....

我地唯有退一步, 要左 START IQ 呢個MODEL....



基本上由Start+i發展出來，外形與設計90%相似，一樣符合歐洲ECE-R44安全認證，不過Start iQ重量比起Start+i更輕，只得6.4kg重，對象同為初生嬰兒至4歲小童。

原價HK$4999, EXPO價HK$3490, SALES話呢個有特別版顏色, 不過係粉紅, 紫同深紅色, 阿B係男仔, 所以我地最終要左黑色ja....

可能阿B想幫MAMA PAPA慳錢啦.....

買左CARSEAT之後我地就慢慢行啦, 因為早其實開頭都行得好舒服... 我地仲好天真咁諗住行下先, 見中就返轉頭買, 點知之後就勁多人而我地又唔記得D BOOTH既位置, 好混亂呀....

以下係免費既禮品, 相比其他MAMA, 已經唔算多... 開始時唔多人, 所以好多都係行埋去就拎到, 或者經過已經有人塞畀我 (可以我個肚大), 之後多人就要排隊了, 所以除左尿片SAMPLE, 我都無排其他啦....

 

 

WEEK 32: BB 展 + 健康院檢查

依家健康院檢查係 3 個week一次, 今次好順利, 阿b好正常! 今次健康院要我聽個有關B鏈既talk, 姑娘仲講左一d入屯門醫院生產時要注意既野, 雖然我好大機會去私家生, 但聽到我都緊張起來, 好似好快就要生咁!!  老實講, 我覺得健康院既姑娘幾好架 (元朗容鳳書), 會同我有講有笑, 好過屯門醫院那些木口木面呢!!

呢個week另一件大事就係去BB展啦, 其實呢, 我呢個懶懶行既mama好多野都未買呀... 成日都係一心等BB展時先買... 老公怕我辛苦, 所以我地係由元朗駕車去灣仔會展!! 而我地真係買左好多野, 最估唔到係8個月既我居然可以由上午10點行到下午4點半!! 買完既野就放上車先, 之後再行過!! 中間只係lunch時休息一陣!! 我地呢日用左近萬蚊呀, 好crazy!! (不過其實仲有好多野想睇想買都唔夠時間呢)

因為駕車好快就回到家 (代價係行左2條香港最貴既隧道, 大纜+西隧), 但我返到屋企真係攰到呢...
之後先發覺條尾龍骨同2條腿都勁酸痛呀!!!! 到今日 (tuesday) 都未好返晒!!

原來自己為左BB野可以咁crazy!! 而呢日買左咁多野之後, BB既野都準備得7788, 自己心情都無咁緊張, 所以辛苦D都值得的!! 其實我同老公幾enjoy一齊去買BB野架, 好開心老公都無嚴辛苦呢!!

下一篇會寫下買左咩野!

WEEK31: 老公出TRIP+私家檢查

我的感冒終於好返了, 多謝BLOGGER們教我食康鈣C, 食左真係睇到一日比一日好!!

呢個WEEK又去DR. CHEUNG度檢查, 老公去左英國, 係第一次老公無陪我去檢查呀...
呢次BB好叻, 係中大碼B呀, 31WEEK, 有4.4LB... 好開心阿B終於長肉!! 阿B要一直KEEP住中大碼呀!!

無老公在身邊的一個星期, 係唔習慣, 不過我又發現一個人訓雙人床又好爽喎, WAHAHA...

因為我開始腰骨痛, 訓時成日典黎典去, 仲要攬住個香蕉枕, 所以要好多空間...

依家已經訓得唔好, 睇黎呢幾個WEEK都唔會訓得好啦...

老公雖然出TRIP, 但睇得出佢好排住我同BB呢, 仲買左手信畀我同BB呀.... 因為老公係個唔識買手信既人(因為唔細心), 但我懷孕後, 發現老公真係細心左好多, 反而係我自己變得粗心大意左!!

依家肚圍有37", 但我已經覺得好大個肚!! 唔敢想像個肚肚到最後有幾大個!!!
虎背熊腰已經走出來了......