將來

聖誕節期間去了看容祖兒演唱會，其中有一part係講媽媽的愛，我真的聽到眼濕濕。做了媽媽後深深感受到媽媽的愛。。。

容祖兒扮大肚，更加令我想起包包出世時嘅情形！

同一日在fb睇到下面幾幅漫畫。。。

我睇完真的流左幾滴眼淚，講出來可能有點傻，但我已可以想像將來包包可能唔得閒理我地倆，甚至可能會在外國生活。。。

不過，包包，mama只希望你做個有愛心，有品德，有上進心的人，可能將來的你不會記得媽媽有多愛你，可能你會忘記自己曾經有多愛黏著媽媽，但正如最後一幅圖所寫。。。

時光總要豐滿你的羽翼，帶你去更遠更精彩的地方。在你還那麼依戀我的時候，我會盡可能地陪伴你，享受這只屬於我們的短暫又幸福的時光 。

*********

有時我諗我想太多了，是母愛氾濫嗎？？？

Merry Christmas !!

包包祝大家聖誕快樂！:D

裡面著左羊毛底衫同羊毛褲，所以好漲呀！

Photos by Sunny : X'mas 篇

拿拿聲打埋佢先，預祝大家聖誕快樂呀！！

話說包包開始扭眼訓。。。

又喊又扭，於是我就暗下佢，暗暗下就訓著左。我地就好小心咁同佢擺pose

第三個look

全家幅

本來想轉look，但包包醒左，又扭計，所以只係轉頂帽。。。

係咁喊，我知包包都攰啦，所以就唔再影了。

暗左佢訓，之後幫佢換返衫。

攪掂走得時(我地著鞋時)包包醒啦，仲好精靈咁周圍望，唉，畀佢激死！

P.S. 

~ 嗰度開暖氣，我同老公勁熱！早知著短

~ studio 唔大，但好多道具

~ 地毯同佢啲衫衫感覺上唔算乾淨，返屋企即刻同包包沖涼

Photos by Sunny: Causal 篇

包包NEW BORN時, 無論時間同心情都無法帶去佢影相, 三個月大就帶左佢去SUNNY度影相... 揀SUNNY係因為見到YUKI真係影得好靚呀!!

點知BOOK SUNNY時佢WEEKEND既BOOKING已排到去3月!!
得返WEEKDAY, 而咁啱佢地有X'MAS PROMOTION, 只要$500, 有埋X'MAS THEME....

不過收相後有D失望:
1. 包包當日狀態唔好
2. 可能係最後一個BOOKING, 感覺上有點求其
3. 唔知點解SUNNY鏡頭下的包包肥左咁多!

包包一去到成舊蕃薯咁, 笑都唔笑，只識皺眉同o咀呀....
你睇下SUNNY影到包包幾肥! (真人瘦好多!)

第一個look

下面呢兩張，包包"正常"返

朋友話佢好有老細feel, haha

同我平時影嘅相好唔同，肥左好多呀！><

第二個look

除衫衫lu....
有胸架 ><

呢輯相得呢兩張係笑嘅
好肥豬呀

同duck duck 影相

訓超細床仔

mama papa 的結婚戒指

呢個時候，包包開始扭眼訓，下一篇係聖誕篇，而包包打後嘅相都係訓緊覺。。。。。

唉。。。。

發現了自己的右手

包包仲細，手仔未係好靈活，雖然有時唔飲奶奶會推開支奶，但其他時間佢手仔都係唔點郁。

大概兩個多星期前，包包快三個月時，有日佢訓喺high chair 時，舉高自己隻右手，然後啲手指郁下郁下，自己就望住自己啲手指，好似發現左自己隻手係可以郁咁！

我返工睇cam 時，有時會見到佢自己喺度玩隻右手，又係自己望住自己隻手郁下郁，好得意架！

之不過，佢隻左手就仲係唔點郁，佢暫時只係發現左自己隻右手ja, haha!!

而我就嘗試令佢主動啲，呢日包包心情好，好幾次主動捉住mama嘅手指呢！

而呢一兩日，包包都開始郁隻左手，因為成日捽面面呀！

bb每日都有唔同嘅進步，好奇妙呢！

漲爆

冬天嘅包包只可以用兩個字形容： 漲爆！

天氣凍，大家要著夠衫，唔好凍親呀！

(艾利絲已經失手，感冒中><)

認人

omg, 包包已經開始認人了！！
剛剛的星期六去我媽媽度，包包唔肯畀婆婆抱，之前唔會架，仲會我因為我媽媽好啲有肉地而覺得好舒服架！我啲家姐抱都喊呀，可能因為又有點眼訓，好扭計呀，要我抱先唔喊><

包包先得嗰三個月大，咁快識認人？？
之前喺element 搭時喊，可能就係太多陌生人呀！真係要多啲帶佢出街先得呢！

仔呀仔，唔好咁細膽啦！

去婆婆度之前去左megabox 行，去街街時包包又ok喎，心情好好！

好多人話包包好得意^^
又有人話架bb車好靚。。。去到邊都好多人望呢！

幾開心！

 同聖誕樹影相

 同papa影相

同mama影相

呢幾日包包好似發左福，個頭愈來愈大，仲有個雙下巴都愈來愈犀利。。。
條頸成日摺住又出汗，攪到紅晒 ><

第一次坐地鐵@Element + olympic city

我想同包包去街街，影下相，但又怕多人，所以就揀左element 呢個唔多人嘅商場。第一次同包包坐地鐵，佢個樣好緊張呢！其實包包一去到陌生地方就會變左舊蕃薯，好呆無反應！

之前出街都係訓carry cot，今次可以坐啦，等包包可以望到多啲野。

我幫包包著左件厚外套，因為就快唔啱著，點知熱親佢要除，哈！

都好似坐得幾舒服吖！

去到九龍站就訓左！

見佢訓左，咁我就同老公去行街街啦，點知包包喺人地間店無啦啦放聲大哭，好似發惡夢咁！因為包包好少喊得咁淒涼架。。。

抱左佢一陣無喊就放返落stroller , 見佢狀態好似ok就想同佢影相，不過我地忘記帶相機囉！只可以用手機影。。。

坐落下一層，唔知做咩一出又喊得好大聲，唔知係咪因為好多陌生人？？

你睇佢個樣幾慘慘！

接下來呢個衰包好唔情願咁影相，你睇佢個hea 樣！

笑下啦衰豬！

唔係擔天就望地！！

papa企右邊佢係都望左邊！之後仲開始喊同扭計，唔通太多人佢唔鍾意？呢度已經唔算多人啦喎！

呢一次去element 無駕車，因為我同老公想去奧海城食all day breakfast... 揸車又要泊車，又element 又奧海城，又上上落落，所以坐地鐵仲方便呢！

上一次黎已經係懷孕前啦！咁啱呢日天氣好，都幾舒服呢！

等食物期間同papa玩！

 玩得幾開心！依家包包有時會玩口水，所以墊條紗巾。。。

all day breakfast ， 無之前咁好食，又好似求其左，不過價錢一啲都唔貴！

 太餓食左先記得影相。

是日老公送給我的聖誕禮物！ ^3^
其實我地除了生日好少送禮物，畢竟在一起多年，你送給我我又送返畀你好無謂，所以老公突然話送給我都好開心！可能佢見我湊仔辛苦呢！仲話唔使送返禮物畀佢呀。。。

其實生左bb之後，老公已經獎勵左我架啦，再一次多謝老公啦，love u!!!