包包4yr & momo 1yr Outdoor pictures by Coochichi

呢一輯相已經係半年前，

而家睇返我都覺得好鍾意！

 影過咁多次outdoor，都係最鍾意呢個攝影師！

 上fb search coochichi photographer就搵到

唔係廣告，係真心推薦！

攝影師好識氹小朋友，我兩個仔張張都有笑容。而且佢一啲都無趕收工，影到兩個仔無晒電！

唯一唔好嘅係成兩個月先收相

Momo 19個月成長紀錄

本來打算係一歲半的時候黎個round up，點知都係冇時間，因上個月同兩個仔去咗日本石垣，玩好開心但都攰爆！

講下 momo先，呢兩個月繼續健健康康，冇病冇痛，但係濕疹就情況仲係一時時

重
一歲半嘅時候返健康院，重10.25kg
一直都係喺大概50個percent 成長線，出世到而家都唔算肥，不過都叫做健康。因為係爸爸同佢去健康院，佢冇度到高呀

食
食個方面，而家嘅momo真係好麻煩，樣樣嘢都要自己用手食，用餐具食唔到嘅，就用手攞，餐餐都食到污糟邋遢，天一半地一半，最慘係真正食到落肚嘅好少！但係我相信呢個係必經階段， 希望佢慢慢摸索多啲，就食得多啲。飲奶嗰方面，依然係瞓咗先肯飲，同埋唔知點解，佢硬係朝早七點左右就要飲啲奶先再瞓，真係搞到媽媽冇得瞓。另外水果零食飲品湯，佢都非常之鍾意。出街想佢坐耐啲就要帶多啲零食畀佢

瞓
瞓個方面基本上都由兩個nap 轉咗做一個啦。 而家就算係朝早好早起身，佢都只肯瞓一個nap。 而且呢，夜晚如果哥哥唔訓，佢都死都唔瞓，兩個仔都係咁，真係搞著我吖！夜晚瞓覺嘅時候都依然會瞓下醒下，最慘係佢喊就一定要搵媽媽抱，究竟我幾時先有覺好瞓呢？

牙齒
一向都勁慢，呢兩個月都只係出多兩隻牙，總共都係得六隻牙咋！但係長期處於出牙嘅狀態，即係流口水，咩都咬咁，真係想佢快啲過咗呢個時候呀

語言發展
我覺得好好呀，好肯講野， 好多時都會模仿我哋講嘢，真係好得意！已經識講兩個字，奶咀、鎖匙、我要、巧虎、黑色、白色、小巴、oh no, aiya etc... 不過有啲音未識講，二姑媽就叫二媽，叔叔就叫人嗯嗯 :D

問佢知唔知 ，佢一定話知 ！問佢好唔好 ，佢識得點頭或者擰頭 。問佢要唔要，一定話要 。問佢食唔食，會話食 。聽得明好多嘢，有問有答咁，好鬼得意！

肌肉發育
已經行得好穩，行得好快！仲成日爬梳化！
去公園會自己爬上爬落，好大膽！
雖然14個月大先識行， 慢過哥哥，但就穩陣好多，好少跌倒！

情感發展
脾氣麻麻地，成日同哥哥爭野，見到哥哥玩咩都走去爭，去學，曳野學得特別快！好痴媽媽，有時真係去廁所都跟住！如果曳畀我鬧，佢就會偏咀跟住喊（但媽媽我覺得好得意，哈！）
最唔鍾意佢一扭計就r頭r頸，r到損晒！

好古惑，知道媽媽唔畀會唔做，但對住爸爸就會照做。叫佢錫錫，佢就特登錫第二個再偷笑。好貪玩，好易笑！已經認得大部份顏色、形狀、動物，鍾意寫字（學哥哥），專注力都ok。雖然個樣無哥哥細個時咁可愛，但行為上就非常得意呢！細佬大膽為食，哥哥就保守咩都唔食！

好容易笑嘅bb

超鍾意巧虎

我型唔型呢？

我愛哥哥

有幾朝晨6點幾起身，到我夠鐘返工佢就瞓返

水果零食係至愛

去公園走下跑下就開心

好鍾意玩沙

呢個表情就係“無”

唔夠高都玩到

見哥哥戴眼鏡佢又要戴

去草地玩

1.5歲大啦

食橙唔畀餵要自己食

超大膽，自己sir滑梯！

2018 Chinese new year

原來我一直唔記得出post>_<

年三十，放早帶兩個仔去行花市，行完花市仲要去超市買禮，買食物，返家後再貼揮春，執屋，仲有封利是！點解年年唔到last minute都唔做野(；一_一)

阿包大左，知道花市係咩

但呢日佢就掛住食食食haha~

Momo好興奮開心，咩都走去搞下

哥哥好專心咁食食食

Momo一見到呢堆氣球就係咁叫dog dog

慈父更係即買

哥哥繼續食，其實媽媽我都係:P

哥哥大左，話唔要氣球，佢揀左隻George pig

預備糖果盒，畀momo攞左去咁玩！

大年初一！

兩個小朋友真係好難影相

哥哥同爸媽拜年

哥哥成日走咗去玩，媽媽唯有同細佬影相呀

Momo 真係超可愛呀

夜晚沖完涼換過西裝look

初二去婆婆家

哥哥鐘意寫字，去到邊都會搵紙筆嚟寫，細佬見到學埋一份，似模似樣呢

呢日父子裝

Momo嗰件同款唔同色

檸茶盒係吉嘅！

初三一家去附近行下

休息下就算

初四早上同兩個仔去草地玩

熱到除衫！

晚上好多親戚來，包包同momo都著得特別smart架！