36週

純粹為自己作個紀錄，寫下感受

還有不到一個月細佬就要出世了。現在肚腩已經好大個，好墮，行得耐企得耐都覺得辛苦。醫生話bb差不多6磅了。

濕疹又返來搵我，但到尾聲，我也懶得戒口，想bb多啲營養，戒奶蛋牛係無可能，身痕加埋去夜尿，所以訓得麻麻。

最近好忙碌，因為包包開學同生日，kill左我唔少細胞。所以最近喺咁blog 包包嘅野，怕唔夠時間。

返工也非常忙碌，好多野想預先做好，怕bb 早左出來無人做。

也要去想想同research一下包包嘅興趣班，好多野諗，我好想包包學得開心，但又明白呢個世代，英文班係必需，仲有好多興趣班，唔知點揀。

細佬快出世，除了包包留下嘅物資，我咩都未買，36週嘅我真係只係想住大仔包包。踏入9月，要好好準備了。

心裡面全部都想著兩個仔，身心俱疲。

昨晚如嘗要食宵夜先訓，但發現屋企無晒野食，因為2星期無去超市入貨。家裡就只有2個印尼撈麵。諗住去訓算數。入房後，老公問我有咩禮物想要，話知道我佗b辛苦。嗰刻完全腦海空白唔知想要咩，好耐無買過野畀自己。

明知唔健康，但太餓於是起身煮麵。好想飲凍檸檬茶，但又知對濕疹唔好，找來包包嘅juice 頂一頂。

望住碗麵，無啦啦流眼淚喊起來。

可能係辛苦得濟，可能係太多憂慮……
也覺得…… 唔知幾時已經將自己放到好後好後，艾利絲去左邊? 幾時先可以搵返自己?

抹一抹眼淚，快手食完碗麵。然後同自己講，挨多幾年就會舒服好多，要堅強。

做媽媽嘅就會明白，為母則強。