兩兄弟

兩兄弟，有啲人話好似樣，有啲人又話momo似爸爸，包包似媽媽!

究竟似唔似呢??

▽白色衫

▽ 同一件衫

▽大笑樣

▽坐姿 (坐喺度面珠係鬆啲架XD)

▽ momo愈大，兩兄弟就愈來愈唔似樣

細佬好明顯多啲頭髮，所以個樣都老積啲!

我就覺得包包可愛啲，細佬就靚仔啲，哈哈

(做阿媽嘅係咁架啦～)

都好，一個似爸爸，一個似媽媽，唔使爭 XD

每日放學哥哥都會睇下細佬

▽手足情深

去到邊都要睇住細佬

▽ 終於有interaction, 媽媽好感動

似唔似都好，媽媽希望你地相親相愛

第時爸爸媽媽唔喺度，都要互相扶持，互相照顧啊！

兄弟，就係爸媽給你們最好嘅禮物!

鄧包包與鄧momo

2017 New Year

繼續清BLOG

12月31日

呢日約左907小朋友玩 (同年同月同日生BB)

又去返W EE既會所

包包已經好熟悉呢個地方啦!

車迷次次都要玩車

由BB時唔敢SIR, 到爸爸抱住SIR, 到宜家自己SIR

時間過得好快呀, 真的長大了!

有媽媽好細心, 準備左禮物!

全女班, HAHA.... 得包包一個男仔! (有2個係妹妹)

但包包斯文, 都好啱玩!

媽媽們仲話包包係最乖個個呢 (其實係佢比較文靜啫)

呢日無帶MOMO細佬呀, 因為細佬個兩日飲奶好差, 如果出街就會更差...

媽媽應承你, 你大D多D帶你去街街, 但你都要飲多D奶奶呀!

1月1日

呢日終於去朝聖，就係包包近期至愛peppa pig@ 黃金海岸。本來打算帶埋MOMO，但佢前一晚扭計好夜先訓，我就唔想整醒佢，結果包包同佢另一個表姐去。

但原來得好少peppa咋，好彩有吹氣彈床玩!

可能有表姐陪，包包大膽左好多呀，呢個咁高都敢玩!

夜晚我地屋企就黎個海鮮bbq! 正呀～

包包同表弟

借左表弟架車玩, 貴野同淘寶野真係差好遠呢

咁就完左個假期啦.... 其實媽媽我都好攰 XD

好快又新年啦!!

鄧包包與鄧momo

2016 Christmas (續)

Christmas 艾利絲請左3日假, 幾乎天天陪住包包, 開心透了!

12月28日

假期都去左街街, 呢日當然要去補課啦...

有時覺得包包好大個, 但一睇到佢同其他小朋友一齊, 又覺得佢好細個呢...

上完堂就去同媽媽食LUNCH

去到YOHO MALL I, 平日上午好少人, 同包包影下相先!

 

雖然無咩笑容但都叫好合作架啦, XD

 

之後去Le Grand Pokka Cafe食All Day Breakfast, 呢個好好味, 又有High chair, 值得推薦!!

 

Hot Chocolate, 包包第2最愛 (第一最愛係凍檸茶)

 

臨走前整張合照先!

 

走時本想坐的士, 但有個小朋友好想坐小巴, 即使好大塵, 等好耐都堅持要等呀!

 

12月29日

早上沒有節目, 就在花園玩下

宜家包包踩balance bike已經好快啦....

午睡後, 決定唔可以浪費一日假期, 就去奧海城行下! 可以坐地鐵包包就開心, 又係一樣包包好少做既野!

今年佈置得好靚呀.... 包包唔識荒失失奇兵, 但就好鍾意D動物呢!

 

唔洗消費都可以周圍玩下

 

 

 

同場好多小朋友走多走去, 包包都跟住跑來跑去, 簡簡單單已好開心

 

 

 

走前去買Godiva雪糕, 遇上買一送一, 一人一支, 發達囉~ 唔洗同媽媽share!

是日都係MOMO 3個月大日子, 又有CAKE食!

12月30日

呢日早上又去補堂

上完堂就去左茶木, 包包最愛肉燥飯!

成日私心的覺得包包個笑容好靚 ^^

食完飯當然要食甜品啦... 但係包包唔食芒果味雪糕, 所以我食晒

呢個小朋友就係咁, 唔係咩都食架!

午睡後去叔公屋企玩

又係同表弟一齊!

叔婆種左好多菜呀, 睇得Peppa Pig 多, 包包問有無snail, 哈哈!

回家又同MOMO玩下...

頭仔抬得好高啦.... 叻過哥哥個時呀!

不過又無哥哥個時咁肥啦...

Selfie下先, 兩個塊面都好漲呀~~~~~~

鄧包包與鄧momo