2016暑假hea遊澳門三日兩夜 day 1

因為個肚鑼咁大，唔方便坐飛機，唯有去澳門玩下當去左旅行啦～包包放暑假也實在太悶，早幾日已經同佢講話坐船船去澳門，佢都好期待!

我地坐10:30船，喺尖沙咀上船，對於住元朗嘅我地都算方便。包爸已講明唔畀我太操勞，所以呢個trip真係好hea架……

去到碼頭買埋麥當勞早餐就上船啦～

其實包包已經第三次去澳門，但佢好明顯係唔記得嘅！上到船，食少少野，玩下車仔

開始時都好興奮

半小時後就開始唔耐煩

問左十萬次媽咪到未?

終於到啦

我地一落船就坐的士去科學館玩

去locker放下行李先

係免費架，真細心!

Locker旁有個免費嘅遊戲區

但都幾多小朋友!

去之前做左功課，包包年紀仲細，底層嗰啲會啱佢玩多啲，所以我地由下而上咁玩

必玩嘅係扮地盆工人，但人太多要攞籌，45分鐘後先到我地

我地就隨便周圍玩下

包包好開心，周圍走，快到我都影唔到相

另一個必玩嘅就係玩水啦，我都帶定spare衫畀包包

但呢日有幾個好曳嘅小朋友，唔單只包包濕，連爸爸都濕，又攞晒啲波唔畀人玩，老公又怕我滑到，所以急急玩左一陣就去另一層

車迷包見到有模擬駕駛即雙眼發光

雖然佢人仔細細但有板有眼架

夠鐘就去扮地盆工人啦

包包呢個look真係好可愛!

佢最鍾意就係呢道閘

其實包包喺屋企成日同爸爸拎住碌棍扮停車場道閘架，一個做閘一個做車，攞埋八達通扮入閘!

呢日佢做operator個位玩到唔捨得走

(其實真係唔明開閘有咩好玩 XD)

爸爸就梗係要陪玩啦～

睇到佢地玩我都覺得好搞笑!

之後就繼續上去

話說包包要weewee，但只有地下有toilet，所以去完toilet又要行斜路上返去 (是日lift停用)

所以小朋友最好去完toilet先開始玩啦～

慈父不忍愛子行得咁辛苦就抱佢行 XD

又一模擬駕駛

呢個難小小要轉波

要爸爸陪玩

有個唔識嘅小朋友自己坐左喺旁邊?!

要一讚包包好有耐性排隊

雖然佢有講媽咪我好想玩

但我話要排隊佢都好合作

但前面一啲講普通話嘅人，玩完又玩完全無視咁多人排隊!! 我走上前大大聲話點解玩咁多次架? 好多小朋友排緊隊，佢地先停止咋!

呢類人真係唔話唔得架!!

之後就周圍玩下

其實包包好多都唔明白

希望下年佢大啲再來

我地hea 玩都玩左兩個鐘

大家都餓

去左館內唯一餐廳麥當勞

麥當勞係閘外架，所以出左閘就無得入返去玩

包包有薯條食，勁開心

我好衰架，好少畀佢食，佢咁大個應該食左無5次，但去旅行就放縱啲啦

但佢呢，淨係食薯條，包同麥樂雞都唔肯食!!

呢間麥當勞個view好正呀～

慈父仲主動問包包食唔食雪糕!

老公對住個仔就心軟!

可惜食開hd嘅包包食左幾啖就唔食

我仔食野真係好煩架

館外有隻大嘅 dinosaur

嗰座金色building 就係金沙酒店

好多人會行過去坐酒店shuttle bus

但係烈日當空，我地選擇坐的士

好在星期六下午，等左15分鐘就有的士

呢晚我地住sheraton, 因為平

暑假weekend嘅rate真係好貴

包包nap完叉電後，就去泳池游水啦～

媽媽我無落水，包包同爸爸玩

喺淺水區好開心

我行開休息上網

爸爸就同佢去深水區玩

果然無我喺度包包大膽好多呢!

平時我喺度佢一定瓜瓜嘈架

房望出去嘅景

新豪影同下個月開幕嘅巴黎人

玩完水上房沖涼就去食晚飯啦

我地只留喺酒店商場

我地次次住呢間酒店都黎桃園

因為佢個楊州炒飯好好味!

而且價錢合理又坐得舒服

因為較早食飯，食完就上頂樓玩具店行下

假車都咁開心!

爸爸找來呢架購物車，呢個傻豬幾開心!

包包唔會扭買玩具

反而係爸爸買左個泳鏡畀包包

去完weewee等爸爸

我仔真係好可愛，嘻嘻

可能太早食飯，臨訓要飲奶

幾爽!

之後就換衫刷牙訓覺

包包訓得好好呀

我就訓得好差，床褥好淋

老公落去玩兩手

贏左呢個trip嘅旅費

個天對我地真好 XD