我地結左婚啦~

2011年2月26日, 我地終於結左婚啦....

呢日天氣十分好, 全日都好順利, 好開心.... 除左我老公夜晚飲醉左... HAHA...

我地今晚去GUAM HONEYMOON啦... 回來再SHARE...

倒數5天

不經不覺, 籌備年幾既婚禮快要到了...

除了座位編排同賓客名單外, 基本上一切都準備好了...

早一兩個星期, 其實自己心情係極度低落, 我諗我有bridal anxiety... 每日都super busy加唔夠訓... 有好幾天同KENNETH相對無言... 而且... 我... 有一種好唔想好唔想結婚既感覺... (但係又心知唔可能取消婚禮).... 個人好down, 好emotional...

現在雨過天情, 心情好多了, 而且好多野都準備好了....

我希望大家永遠記得大家既承諾, 將愛實行, 一年, 十年, 五十年都一樣...

我開始有時間慢慢想一想.... 有時會諗當日結婚既情況會係點既呢?? ... 開始有點期待... 但又有點擔心....

主要比較擔心馬灣行禮方面, 車/交通比較煩, 要準備野食, 又擔心天氣....

不過不在掌握中, 擔心都無用... 現在, 只好交俾上帝, 希望當天有好既天氣(唔好落雨呀!), 希望一切順利...

過大禮後"派門頭"

嘩, 做咩咁多人??

過大禮後(情人節過大禮), 圍村人仲有一樣野做, 就係"派門頭"...

意思係每門頭(每戶)都會派蛋糕仔(只係娶新抱先會做)... 如果你家有爸, 媽同3兄弟, 其中1個結左婚, 就計2戶啦, 所以有好多蛋糕仔要派...

有d人會派中式禮餅既蛋糕仔, 由於有親友做嘉頓, 所以我地派嘉頓蛋糕仔!

(其實成個過程我都睇唔到, 係KENNETH話返俾我知ja...)

呢日只係派半條村ja... 但都派左咁多...

KENNETH既姨媽姑姐黎幫手... pack 呀 pack 呀 pack ....

pack好一袋袋, 方便派...

就係呢d蛋糕仔啦...

大家收到都好開心... 未來奶奶都派得好開心...

情人節過大禮

擇日擇中情人節! 所以呢一年既情人節沒有特別慶祝, 不過都夠特別了吧...

我媽咪真的無要求, 可能係家姐嫁時都好簡單, 反而未來奶奶就想樣樣都盡量做... 最後, 都係要買過大禮套裝... 去左元朗鴻運訂, 相信大部份元朗人都係去呢度買...

要14前訂呀... 我地真係14日之前先去訂! 元朗鴻運service都好好, 各樣物品都貼晒label, 等你知道邊樣俾男家, 邊樣俾女家... 未來奶奶仲指定要我地買大發糕, 好意頭喎...

而女家回禮套裝我無買呀, 見好多人都無買... 點知未來奶奶問點解唔買 ... 於是未來奶奶自己去買左d 蓮藕、石榴、芋頭、柚葉, 話當我媽咪買, 到時回禮時執返黎就得!! 未來奶奶真係勁!!

另一奇怪習俗, 未來老爺話大日子當天要由我地自己爸爸(即係未來老爺同我爸爸)各自將一條紅布掛上花車.... 佢話叫"掛紅"... 咁我地就去鴻運買2條"紅".... 未來奶奶又話要買條女婿紅, 回門時俾KENNETH掛上身... 呢3條"紅"成為$300...

而我.... 會好好奇當日架花車有2條紅會係咩樣.... haha... 不過我諗影相時會拎開啩...

未來奶奶仲叫我去奇華借禮餅盒 (要10前同奇華講定) ....

2月13日

星期日,去拎過大禮套裝同大發糕, 去奇華借禮餅盒同買中式禮餅, 去生果店買2大個生果籃... 最慘係呢日又凍又落雨... 而樣樣野都勁重!!

車尾箱係載到爆晒...

返到屋企再執海味, 入盒...

執利是.... 好多錢呀....

我既LIST:

男家過大禮	(男家拎去女家)
鴻運過大禮套裝
禮餅	奇華禮盒四盒
四式海味：干貝、鮑魚、魷魚、冬菇、髮菜	買每樣x2
三牲：雞．豬肉．魚	利是代替
酒：洋酒或米酒共4支	利是代替
生果	買果籃x2
男女上頭套裝	已在筍崗買
利是聘金	自己準備
龍鳳餅	餅卡代替
包羅萬有利是	利是代替
女家回禮	(女家俾返男家)
鴻運過大禮套裝	回女家o個籃
禮餅	奇華禮盒2盒
四式海味	回一半
三牲：雞．豬肉．魚	利是代替
酒	利是代替
生果	果籃一個
男女上頭套裝	男上頭套裝
回聘金	媽咪準備
龍鳳餅	餅卡代替
鴻運大發糕	鴻運訂
蓮藕、石榴、芋頭、柚葉	街市買
包羅萬有利是	利是代替
女婿的褲、鞋、皮帶、銀包、兩對襪	利是代替(媽咪準備)

**龍鳳餅因怕過期, 婚前一日先去奇華換, 媽咪話一定要食喎...

**爸媽唔飲酒既, 所以利是代替

 

2月14日

我照返工... KENNETH就同佢屋企人上我家 (雖知新郎不應出席, 但無人識我屋企人呀, KENNETH點都要揸車所以就一齊上去...)

是日KENNETH忘記影相... 無大合照呀... D相好混亂... 因為家裡太多人...

 

(後補相)

點解咁多人?? 因為KENNETH家除左過大禮外, 仲有野要做...

待續...

花車裝飾

因為早上會由兄弟駕車, 總共有一輛benz和3輛7人車...

不太想花錢在這item, 其實可能只有2幅相...

早前在筍崗買了些材料, 在家加少少東西便算了...

3輛7人車

total 12 個車門蝴蝶...

筍崗買的紫色蝴蝶, 說真的不太喜歡, 不過金都的都唔係靚好多... 反正當天只用很少時間, 加上自製銀色蝴蝶算了... (我這新娘很求其吧... HAHA...)

再把2個公仔用鐵絲挷在大蝴蝶上... (這對FOREVER FRIENDS在2輯相中都有出現架)

 

COST:

紗網	¥20.00	一卷
花車裝飾	¥50.00	拉紗+車頭車尾蝴蝶+四門蝴蝶
銀色絲帶	0	立興送
幼身鐵絲	HK$8.00	購自文具店

(紗網鐵絲絲帶還用剩一半)

用完掉左都不會心痛... HAHA...

皮質醇偏高

距離BIG DAY只有十多天, 這幾天都在忙派帖, 約飯局, 還有新年節目... 超忙...

我在埋頭做mv, 又要整理guest list (未來老爺每天加2個名), confirm出席名單, 還有print不完的人名...

過大禮在婚前2個星期 (是擇日的) ... 終於我們還是跟未來奶奶意願, 去了元朗鴻運訂過大禮套裝, 還訂了大發糕 (未來奶奶指定), 還要跟奇華租禮餅盒, 買海味, 加上各式各樣的禮品.... (為何中國人要過大禮呢? 荷包又少了幾千...)

rundown, work list, 十萬樣濕碎的事項還未弄好...

每星期到中大上兩堂, 還有assignment...

可能是因為太忙大多事煩吧, 這幾天跟KENNETH吵了好幾次, 每次傾婚禮事項都因為意見不合而弄得大家不快...

應該是皮質醇偏高吧...

"據醫生解釋，原來在壓力下，大腦會刺激腎上腺產生壓力賀爾蒙──皮質醇，用以分解蛋白質和身體脂肪去轉換成葡萄糖，提供大量能量以面對壓力。然而，壓力賀爾蒙皮質醇若長期偏高，則會對身心健康構成嚴重的影響。 人在面對壓力時，脾氣特別火爆，這是因為皮質醇偏高除了會令情緒易波動外，還可使人感到焦慮不安、煩躁、記憶力差、容易失眠、做事難集中精神等；生理上更可導致頭痛及肩膊肌肉繃緊、腸胃不適等。"

可能語氣差了點, 個人煩躁了點, 但我說的每一句都是為了婚禮更順利, 希望安排得更好... 但似乎在你耳中都變得不順耳 ...

就在這餘下的十多天遷就一下我, 好嗎?

帖帖帖帖帖

所有帖印好後, 大工程要展開了, 450張帖, 一點都不簡單啊...

1. 所有帖印上OUR CHOP (Our Chop), 希望人家不用打開帖就知道是我們發出的... 幸好是原子印, 都很快手...

2. 所有餅卡加上OUR CHOP (希望人家換餅時都會想起我們啊!)

3. 入回禮利是, 不要少看這鞋盒, 裡面有450封利是!!

4. 工廠開工,

STEP 1: 夾回禮利是,

STEP 2: 夾盆菜邀請卡

STEP 3:  入帖

STEP 4: 貼喜字貼紙

 

5. 貼上"鄧周聯婚"貼紙 (貼上後感覺真的是自己的帖了!!)

6. 印, CUT, 貼, 人名LABEL, 中文字的特別煩.... (一早已放棄直接印上帖封, 四百多張帖, 我會癲....)

7. 還有100張的wedding ceremony invitation (我的喜帖 (3) - 註冊), 所有ribbon都要自己打架....

好不容易, 集合全家的力量, 終於完成, 呼 ~

能一家人去準備婚禮, 是一件幸福的事...

未來奶奶負責貼貼紙, 好easy佢又整得開心...

我未來老爺只係負責將done既帖放入紙皮箱... haha...

仲有KENNETH既家姐們... THANKS....

 

 

鄧周聯婚貼紙

http://mollyming.mysinablog.com/index.php?op=ViewArticle&articleId=893083

(製作時間需要一個多月)

2011 Chinese New Year

新年我返左媽咪度訓, 做返"女"真係好... HAHA... 又食到好多媽咪煮既野... 又見到好多小朋友, 真係好開心呀....

這是婚前最後一個新年, 下年嫁左之後, 初一就唔能夠返媽咪度 (因為KENNETH家好重視初一), KENNETH重話下年初一要一早起身敬茶俾嫲嫲同奶奶呀....

最重要係最後一年"豆"利是!!!!!!!!!

今年希望人人都心想事成, 身體健康啊!!!!!

姊妹裙 終極篇

幾經辛苦, 終於k.o.呢個item啦...

話說上一篇(姊妹裙)之後, 我都唔知上左幾多次呢間野, 因為我怕佢又屈我地錢, 所以每個姊妹fitting我都盡量陪佢地一齊去... 最終, 只有一個姊妹要加大 (加大要加$50), 期間有另外2個姊妹個阿姐都話要加大, 不過我地試過size之後好明顯係唔使囉, 又嚇我地大既可改細, 細無得變大, 好在我地堅持渣!!! (而其實呢2個姊妹都好唔甘心自己居然要著加大!! haha...)

而期間呢個八婆態度又好返少少, 無之前咁惡劣, 之但係...

佢一月頭打電話俾我, 話d裙整好晒, 但係就話一定要一月內黎拎晒d裙走 (意思係如果要改都要係一月內做), 佢話佢地新年後唔知幾時先開門!!!! (好奇怪!)

得一個月時間, 要約8個女仔上去真係唔容易...

我陪左幾個姊妹上去試, 6 個有5個條裙係長到會踩到裙腳!!!! 其餘o個一個係已加$50加大, 唔知係咪因為咁有改長度... 當初fitting時佢係有度到我地想要既長度架!!... 咁長梗係要改啦, 呢日serve我地既係一個我未見過既阿姐, 個阿姐居然話要收$50一條改長度!!!

我更係唔肯啦, 佢話我地無加錢咩咩咩, 大陸個廠又咩咩咩, 我話唔理你咩都好, 問題唔係我地度, 係你自己個長度改唔啱(其實我地好懷疑係改唔啱定係跟本無改過!! 而我地睇返之前度既尺寸, 條裙個長度跟本同mark既唔同!!!), 之後個阿姐話收$30!!!... 仲話已經收平左... 而我呢日病到死死下, 原本無氣同佢嘈呀.....好在..... 有我個好姊妹S, 再同個老闆講數, 講左一輪最後先唔使加錢改, 呢間野真係欺善怕惡架, 次次都要嘈一大輪, 真係kill左唔少細胞, 仲攪到個人好忟!!!!

其餘2個姊妹之後自己上去試, 唔知係咪因為俾我地嘈完一大輪,呢2個姊妹之後試時竟然長度啱晒!

中間呢個身材標準既姊妹居然要著大碼! 呢間野好明顯係size偏細, 然後局你要加大(加大要加錢) !!!! 右邊係我個伴娘...

宜家終於都拎晒d裙啦, big day個個姊妹都可以靚靚啦... at the end條裙出黎係靚既... 而呢個價錢o係百利已唔算貴(長裙包改), 但值唔值得幫襯就見仁見智啦...

 

full house富屋

http://hk.myblog.yahoo.com/fullhouse838@ymail.com

訂紅酒

由於我地擺四十多圍, 而且仲要擺盆, 所以要買好多紅酒呀!!!

(點解人結婚我地結婚, 我地要用多咁多錢架...)

去左esdlife好出名既新翹行...

我地約左時間試酒, 夏生果然係好nice, 經KENNETH試過十支8支之後, 我地好快就決定左啦... 可以回收, 又有免費送貨, 真係好...

 

新翹行

http://www.sunstalent.com.hk

兄弟TIE & BOW

RMB3 一條, 抵啦...

http://item.taobao.com/item.htm?id=5344813109

仲買左d tie同bow俾爸爸同未來老爺