OUR HOME
我地好幸運, 唔使買樓, 因為KENNETH爸爸媽媽留左層村屋俾我地... 婚後會同KENNETH屋企人同住一座村屋,我地就住三樓 (以前係出租俾人)... 唔使煮飯, 又有我地既私人空間, 都唔錯呀.... 不過元朗就真係好似有D遠... 希望我好快就適應到啦~
因為以前係出租俾人住,個單位有D舊,我地一早就諗住要大裝修, 由麗江番黎後就立即搵師傅報價, 搵左兩位村內比較有名以及同KENNETH爸爸認識既師傅, 最終選定了, 先知道師傅之後有JOB, 係就要快D開工....
於是.... 2010年4月20日開工啦~ (真係快到你唔信, 話開工就開工....)
對於咩都唔識既我地, 真係唔知點入手, 好在師傅教左我地要買D咩同介紹左D相熟既店俾我地... 於是呢幾個WEEKEND我地都o係元朗合益路同電器店行行行行行....
番到屋企又要計budget同埋arrange流動資金, 又上網search下點先可以慳D 錢....
之前我有個朋友剛結婚, 佢話因為裝修既事同佢老公吵左好多次, 佢地拍拖7年加埋都唔夠o個兩個月吵咁多次!!! 而我地............... 當然又係吵左好多次啦, 因為我地唔係一齊住, 好多時都係電話傾, 我又要考試做功課, 個人又燥 .... 宜家終於有左共識, 希望我地之後無咁多爭吵啦~
而且早D完工, 我可能會早D搬入去住, 到時我地攪結婚野就方便D, KENNETH一諗到呢點就好開心.... 因為我地真係相距太遠啦..... (新界西同九龍東)
呢度算唔算"新居"呢???? 我稱它為"OUR HOME".... 我地要為呢個未來溫暖的家努力!!!!
頭一個WEEK主要係拆廁所同廚房, 所有牆磚, 地板, 櫃等等都拆...
廁所 (因為係舊式村屋,所以係磚牆黎架... )
廚房
so sweet!! wanna see what it will look like when the refunishment is done!! Good luck!! :)
ReplyDelete[版主回覆05/03/2010 21:31:00]thx thx
ee, 你住元朗邊條村呀, 我結婚後都搬入村呀....
ReplyDelete[版主回覆05/04/2010 12:52:00]我私人回應你啦...
又幾正喎.....
ReplyDelete煩少樣買樓租樓問題!!
[版主回覆05/04/2010 12:59:00]係呀, 宜家d樓價咁貴... 真係買唔起....
正呀~~ 有成層村屋住真係很不錯呢…
ReplyDelete咁好快就開始裝修了~~~ 加油!!!
[版主回覆05/04/2010 18:22:00]THX, 裝修真係好多野煩!!!
其實我地都有諗過住村屋架!! 不過Mr.F怕我返工唔方便，收工又唔安全。於是都係諗住住近番佢媽媽啦~ 哈哈!!
ReplyDelete不過我地都仲未買樓。因為樓價實在太貴啦~~~~
[版主回覆05/06/2010 17:28:00]返工真係唔方便... 不過又唔會唔安全, 因為車可以到門口就ok... d入村小巴度度都停得.... 宜家我成日介紹人住村屋... haha...
HI, 我上年年尾都岩岩裝修完屋企 ~ 我仲買左 D 韓國牆貼黎用裝飾，想介紹比你 …. 有空去睇下啦 ~~~~ http://hk.myblog.yahoo.com/DIY-homedeco
ReplyDeletehi,你有一層都幾好呀,有私人空間,我係3/f的一間房咋!
ReplyDelete[版主回覆06/11/2010 10:48:00]你都係住村屋呀? 邊度呀?
我住流浮山果邊?你啦?
ReplyDelete[版主回覆06/11/2010 12:32:00]錦田呀, 我bf都有親戚係流浮山果邊架
擺盆菜對我呢d住出面既親戚太有興趣啦,果度都有d煩!
ReplyDelete[版主回覆06/11/2010 14:11:00]咁外面d人又真係無咩機會食盆架, 我d朋友都好有興趣!!
係囉,加上我住果度又唔方便喎!要租一架車做transfer喎!呢一個都煩呀~~~
ReplyDelete正~ 我覺得最正莫過於同屋企人住埋一棟村屋唔同層
ReplyDelete