買廁具,門,閘

2010年4月24日

呢日學都唔番, 因為OUR HOME實在有好多野要攪....

呢日一早就出元朗, 先再睇一睇D磚(其實之前已睇過), 見網上D人講到D大陸磚咁抵, 最後都係決定明日(4月25日)北上睇磚!!!!

順便一提,師傅介紹既磚店係"先進", 於元朗合益路, 老闆娘好好人, 俾左我地唔少意見, 又幫我地襯色/ MARK NO., 我地無即時落訂都無黑臉... 但賣既都係大陸磚...

好... 之後我地就去睇木門, 因為師傅話訂門要十幾日, 早D去訂啦... 我地去左聲稱全港最平既"寶興", 都係元朗合益路, 師傅都話價錢OK, MARK好顏色同NUMBER之後, 師傅過兩日就會同我地訂(因要俾尺寸)...

跟住就去左睇廁具,稍為急既係個座廁, 我地去左師傅介紹既"鴻基", 雖然有D "UP DUP", 但價錢真係平人地少少, 我地HK$1700 就買到個ROCA 座廁(已包油壓板), 朋友都話抵!! 我地估計之後其他廚房廁具都會幫襯"鴻基"!!

重未停得, 我地之後就去左"永和鋁鋼"睇不銹鋼閘, 都係師傅用開, 元朗老字號... 我地地下大閘, 樓梯閘, 同3樓露台閘都要買, 浴屏都係同一間野訂埋, 都係因為"訂門要十幾日", 所以要早d訂... 浴屏好快就揀好, 但D閘真係好多花款.... 平時又無點留意人地D閘, 真係好頭痕... 於是我地決定拎CATALOG番屋企諗!! o係呢間野我地都留左成個幾鐘!!

終於行完合益路, 真係好攰呀~~ 番到KENNETH屋企, 我地重o係條村度四周行, 睇人地d閘, 一路行都係抬高頭, 好好笑....

十分忙碌既一日!!!!!

 

Item	Company	address
磚	先進	元朗合益路
木門	寶興	元朗合益路
廁具	鴻基	元朗合益路
閘/浴屏	永和鋁鋼	元朗建德街35號