2011年5月29日
今個星期要做既就係去買燈, 因為姑仗要整燈槽啦.... (OUR HOME 燈槽同廚櫃由KENNETH姑仗整)
聽人講射燈用石英燈風水唔好, 好似話對健康唔好, 我地唯有用LED燈, 而LED燈又慳電D同耐用D, 不過貴D囉, 咁大陸買就平好多, 見有人用過OK就試下啦...
為左減少北上次數, 我地決定一次過買晒全屋燈!!!
今次唔係去寶安北路啦, 我地去左田貝四路既家合居, 由落馬洲福田口岸打的都係三十幾蚊, 直達門口... 3 樓就係成層都賣燈, 原來睇燈係好累, 因為要抬頭同D燈好光, 唔夠瞓真係睇到有D暈暈地!!
不過上去之前o個日, 突然間多左好多野買... 我地真係好癲!!!! 去相....
SHOP C1022 - 客廳水晶燈, 我地買既係再大少少, 因為我遲左影相同LAST一個已經賣左俾我地, 只有影個細D既 ... 呢個燈真係好靚, 個殼個pattern好靚, 開燈後天花版有折射d花, 有LED燈(藍光),又可用慳電膽(好多都用米仔膽) 行左成層得呢間有, 其他店有類似但呢個最靚, 因為我地只買一個燈, o個個人可能睇得出我好鍾意死都唔肯減俾我地!!
客廳水晶燈 - RMB550, 連遙控
見到有個BLOGGER都係買左呢個燈, 借左佢幅相一用, 係大過上面o個個架...
SHOP 1038 - 飯廳燈, 又係俾D LED燈吸引左, 不過佢好在可以全用慳電膽, 開耐D都唔怕晒電!! (不過之後家人話用REMOTE好易壞喎... )
飯廳燈 - RMB470 包慳電膽5個連搖控
同一間野重買左露台大燈, BASIC 款, RMB90
中間o個個有3個燈既壁燈, 因為係不锈鋼, 所以貴D, RMB160, 得呢間有呢種燈, 貴D都買啦...
呢個壁燈我好鍾意架, 不過買貴左呀, RMB130, 隔離賣RMB100 ja... 激氣!!
最左邊就係我買o個個燈, 係咁多壁燈中最靚架...
纤雅燈飾 - HIGHLY RECOMMEND
其實唔知係咪平D, 應該同其他店差不多, 不過佢地服務態度真係好好呀~
我地行到好累啦, 見呢間多野買, 老闆又好人就o係度買晒所有未買既野!
一大堆SCHNEIDER (即係前CLIPSAL)制面, 好貴呀~
| 制面 | 單價 | AMT | TOTAL |
| 13A單蘇連開關 | ¥43 | 4 | ¥172 |
| 13A單蘇 | ¥28 | 15 | ¥420 |
| 13A雙蘇 | ¥66 | 3 | ¥198 |
| 接線蘇 | ¥56 | 6 | ¥336 |
| 單位開關制 | ¥23 | 6 | ¥138 |
| 2位開關制 | ¥36 | 1 | ¥36 |
| 3位開關制 | ¥50 | 2 | ¥100 |
| TV蘇 | ¥25 | 3 | ¥75 |
| 電話蘇 | ¥41 | 1 | ¥41 |
| 冷氣制 | ¥93 | 3 | ¥279 |
| 熱水爐制 | ¥187 | 1 | ¥187 |
| 白版 | ¥0 | 5 | ¥0 |
| ¥1,982 |
(白版係老闆送架)
露台波波燈2個, RMB80@, 真係好簡單...
樓梯燈3套, 雖然簡單, 但好鍾意, 係老闆"砌"俾我地架, 無DISPLAY架, 我地話想要D類似燈罩既, 要連個蓋(即係連住天花版o個塊野), 成套連慳電謄都係RMB50@!
房燈 - 行左好耐都睇唔o岩, 我地想要D簡單款, 但D款真係十分簡單都要RMB100, KENNETH又唔鍾意DONUT燈... 見到呢個白色燈, KENNETH話好似我地廳燈MINI版, 問老闆佢話RMB200, 之後講到RMB180, KENNETH話RMB150啦, 老闆笑笑口話唔得但最後又肯喎, 可能我地買得多野啦, 我地要左一黑一白, 好靚, 不過要勤力D抺燈啦...
我地重買左8套燈槽光管, 1 套普通光管, 7 套LED射燈, 拎死人呀...
賣單
| 燈槽光管8支 | 144 | 18@ |
| LED射燈7個 | 350 | 50@ |
| 露台波波燈2個 | 160 | 80@ |
| 房水晶燈2個 | 300 | 150@ |
| 普通光管1套 | 50 | 50@ |
| 樓梯燈3套 | 150 | 50@ |
| 慳電膽3個 | 30 | 10@ |
| 1184 |
燈RMB1184 + 制RMB1982 = RMB3166, 實收RMB3100
加埋之前兩間既燈:
| 露台大燈 | 90 | |
| 3頭壁燈 | 160 | (不锈鋼) |
| 飯廳燈 | 470 | 包慳電膽5個連搖控 |
| 水晶壁燈 | 130 | |
| 客廳燈 | 550 | 連搖控 |
| 1400 |
RMB1400 + RMB3100 = RMB4500!!!
我地D野多到一架車仔都唔夠, 老闆叫KENNETH去買多架車仔
家合居對面有條街仔行到最尾有車仔買, 講價後RMB30!
(老闆話對面街有得買, 原來係街尾囉, KENNETH揾左好耐重落雨!!)
點知我地走時落大雨, 老闆叫左個男仔幫我地手拎D野落樓, 個男仔重幫我地揾的士, 我地係門口等, 唔使濕身, 但等左好耐都無車... 之後個男仔幫我地揾左白版車, 我話安唔安全架, 佢話佢日日返工都係坐呢隻車, 唔使擔心... 好在有佢, 如果唔係唔知點返香港, 我地俾佢10蚊佢都唔肯收!! 因為落大雨, 我地又多野, 所以就上車... 架車停正門口, 其實門口好多人 (大雨+無車), 有3個香港人問我地介唔介意俾佢地上埋, 咁我地就5個人一架車, 我地用左RMB30就到福田口岸啦... 不過落大雨落車又拖住咁多野, 咁大個女都係第一次ja...
你睇我地幾多野... 重有光管我拎住無入鏡呀!!!!
去買燈記得叫佢地加水線, 而且要每一個燈都要試, 慳電膽都要一個一個試, 因為有D真係唔著架... 我地真係用左好多好多時間試燈呀....
我覺得我地真係好癲, 希望短期內都唔使再北上啦~ 我好累呀~
嘩...好勁呀!你哋兩個人買咁多嘢!
ReplyDelete我星期六都有上去呀,不過行咗好耐都睇唔啱客廳燈!其實上去睇燈都睇咗3次都唔啱,好彩次次都有買其他嘢,如果唔係真係香港買冇咁嬲!!
[版主回覆05/31/2010 00:59:00]我覺得我地好癲呀~~
我反而揀到廳燈, 因為上面D燈都比較GRAND... 而房燈就真係好少款, 又唔靚... 不過可能你要田園FEEL啦... 嘩你都上左去3次呀? 我地已經好累, 唔係太想再上去啦....
嘩~你地簡直係北上買燈達人呀!! 多謝你的資料呀!
ReplyDelete[版主回覆05/31/2010 00:55:00]你都要買燈呀? 今次上去真係好累呀~
我地都係上面買, 真係又平又靚, 我o係MK 睇過d 咁上下既水晶燈, 貴好多呀. 不過你地搬得咁辛苦, 下次call 運輸喇..
ReplyDelete[版主回覆05/31/2010 11:17:00]運輸好易整爛d燈架, 俾左錢黎到爛左就唔好啦... 我唔suggest人地用運輸運d燈落黎... 放心無下次... 我唔會再咁癲架啦, haha
好利害呀, 點拎呀 @@ 等我第時都去睇下先得 ^^
ReplyDelete[版主回覆05/31/2010 13:59:00]係呀,我地好癲, 唔好學... 不過應該好少人好似我地要買咁多燈... 我覺得好值得去, 因為真係唔差而且價錢平過hk好多...
d燈真係好靚呀~~~~
ReplyDelete你廳個戔燈我係香港見到差唔多要成千蚊, 你真係買平咗好多好多, 我間屋裝修時都要去睇吓!!
搬咁多野返香港真係好辛苦!!不過平咁多都抵番晒啦
by笨豬小慧
[版主回覆06/01/2010 16:57:00]係呀, 平咁多都抵番, 不過有d人話我地傻, 咁辛苦做咩... 佢地都唔知hk既燈幾貴!!
你買D 燈好靚好特別呀!! 不過咁遠咁重，我地冇咁你地咁勁上去搬燈呀!!
ReplyDelete[版主回覆06/03/2010 23:09:00]哈哈, 我都覺得我地好癲, 不過我地住新界區, 過關後都係坐的士番屋企, 所以ok啦... 同埋D燈好輕, 係大盒D, 我相信一架車仔可放兩廳燈兩房燈架... 真係又靚又平, 你都去下啦
heehee，我都想有機會買燈，不過樓價咁貴，我連樓都未買到，唉~~~
ReplyDelete等我遲d 買到樓都去睇下先!! ^^ 你0既介紹好好呀!!
好詳細既SHARING 呀~ THX...我都諗住遲D上去買燈!!!
ReplyDelete睇完你的blog, 我都上左田貝四路家合居買燈呀, 真係好多款好靚, 不過我地講價唔叻所以都唔係減好多咋, 我都好鍾意你盞廳燈, 遲d我都要再買多一盞房燈同客廳燈, 我都鍾意led 燈呀, 下次去你呢間睇下先 ^^
ReplyDelete[版主回覆07/19/2010 10:02:00]唔緊要啦,就算無講價都平過hk好多, 希望你搵到你喜歡既燈啦!
hi 你好呀，我黎緊都想上去買燈同電制版，可否send你買野D店鋪資料比我呀，謝謝 !josephine888888@yahoo.com.hk
ReplyDelete[版主回覆07/28/2010 00:08:00]其實我上面已經寫左, SHOP 1022, SHOP 1038, 纤雅燈飾 (唔記得SHOP NO. o係盡頭的)
嘩~真係好辛苦呀，兩個人拎咁多仲要落大雨 我間屋仲諗緊點裝修，打算聽日上大陸睇下d 建材、傢俱，你建議我地去寶安北路好定係田貝4路好？
ReplyDelete[版主回覆07/23/2011 22:10:00]如果買建材好似磚o個d, 寶安北路係大好多, 同多choice一d架, 所以我個人鍾意寶安北路... 而燈就要去田貝4路, 因為寶安北路無咁多燈賣... 傢俱就一定係傢俱啦.... 田貝4路少好多... 不過大陸既傢俱係比較大件架...