北上買磚之旅

2010年4月25日

今日一早起身, 同KENNETH屋企人一行7人9點半就出發去羅湖買磚!! 有KENNETH阿叔阿嬸, 阿嬸係內地人(宜家變左香港人), 有人幫手講價, YEAH!! 又有KENNETH姑姐姑丈, 姑丈係做木工, 都識裝修既野, 重有KENNETH爸爸, 我地太幸福啦, 咁多人同我地去!!!

去之前我已經上網做晒RESEARCH... 人地話買磚寶安北路o個邊會平過田貝o個邊, 而且上面地方大到行幾日都行唔晒, 所以今次目標明確, d人話去"家樂居"買磚好, 就鎖定去"家樂居"!!

我地去左落馬洲過關, 再轉的士去百安居羅湖店(B&Q), 同個司機講去羅湖B&Q就得,大概三十幾蚊... 因為都係第一次北上睇建材, 阿嬸建議我地去B&Q行下先, 等自己有個idea, 同埋望下d價錢, 睇下係咪真係家樂居平d... 一去到... 好大呀, 好興奮... haha... 我地只係去左磚o個個area, 大陸好在地方大, 有好多show board, 砌好一幅幅牆, 見到晒砌出黎既效果, 唔似香港咁只得一塊磚, 要自己想像... 而且有好多"大陸名牌"既磚, 如果有d人驚大陸磚既quality, 可以買d大牌子既(大牌子就會貴D!)... 而且價錢真係.... 嘩嘩嘩.... 好平呀, 見到一隻我地諗住用黎做廚房既磚, 個花一模一樣, 平過hk一半有多!!! 不過當然其他都有平有貴啦~ (但係都係家樂居平D)

黎到呢度已經覺得真係無黎錯呀!!! 我一定會再上黎行晒成個B&Q!!

之後我地就行去家之福o個邊, 因為家樂居o係家之福隔離, 我地唔識路架,要問人先去到, haha...  B&Q出去轉左出番寶安北路一直向前行, 就見到家之福, 家之福之前有條路仔, 有大大個牌寫住家樂居... 不過佢個門口就差D, 好似貨倉咁,好在裡面都OK....

SEE THE BLUE LINE

家樂居有ABCD區, 賣磚既係A區, 由D區入, 經過DCB區,好多唔同材料睇, 攪到我地行下睇下, 好慢先行到去A區... HAHA...

賣磚既大大話話有十幾廿間, 好在我已上網SEARCH左人地用過OK既店同品牌!!!

其實間間D磚都差不多,我地第一要搵左廳磚先, 因為對廁所廚房磚要求唔高... 但行左幾間都唔啱, 見到HK睇過既廳磚(2"X2"), HK賣HK$68, 呢度賣RMB32!!! 因為平磚睇唔啱, 我地決定去中國十大名牌磚既東鵬睇, 東鵬D磚貴DD, 但真係靚D, quality好D!!!

大陸買磚, 有標價(即係你見到個價錢牌), 睇啱就要問下佢地"優惠價", 優惠價已經平過標價好多, 如果真係有心買, 就要再講價, 平幾多就要睇你口才啦, 不過幾蚊塊既磚通常都只係再平到一蚊幾毫... 有D人見你唔係真係有心買, 就會話優惠價已係最平...

去到東鵬, 終於見到一塊比較心儀既廳磚, 因為我地既要求係白色但唔可以全白, 有紋但唔可以太花, 要半拋光又唔可以太光... HAHA...

標價RMB97.5 (2"X2") ,優惠價RMB6X,  之後我地話真係好想買但太貴啦, 佢就俾RMB59, 我話真係買唔起, 又話幫襯佢地買埋廁所廚房磚, 最最最後講到半價RMB48.75!!!! 網上D人都話品牌磚減得好少.... 不過我地都OK啦, 雖然大陸磚四十幾蚊都算貴, 但係"名牌", 質料又靚D, 都值既.... 不過東鵬廁所廚房磚款少D又貴D....

不經不覺已到午飯時間, 我地先去食飯再番黎落訂, 去左入黎條路時經過既客家餐廳, D野食都OK呀!

時間無多, 我地番去家樂居, 先去左網上有人推介既"能強", 其實朝早睇過, 決定o係呢度買廁所磚, 葉小姐好好人(網上好多人讚), 不過就唔係幾講到價, 佢話見我地咁有心買, 已開個最低價俾我地(都唔知真定假!!)

廁所牆磚 - 花磚RMB30, 暗花磚RMB7, 腰線RMB20

灰色係廁所廚房防滑地磚, RMB7

 之後就去左"宏宇 ", 朝早都睇過, 原來佢係能強既姊妹店... 唔怪得網上都有人推介啦... 黎呢間係因為有我地香港揀左既廚房磚(係一樣!!!)

HK賣HK$22 (1"X1.5"), 呢度RMB6.9 (經我好努力講價, 由優惠價RMB8減到RMB6.9) - 我地訂左白色暗花 (個花同啡色既一樣)

再買埋露台欄紙皮石, 平到笑, RMB2.2 一尺

露台地磚(無影相) RMB6 一尺, 係過底磚, HK賣RMB12!!

之後就番去東鵬買埋廳房磚 RMB48.75(2"X2") - 白色o個塊, 個紋同啡色既一樣

由能強安排運輸, RMB250一噸, 送上樓另計, 因為我地有師傅搬, 唔使送上樓....

終於買完磚啦~~~~~~~~~ 已經四點幾啦.... 我地之後去左隔離家之福行一行(其實家之福都有磚賣), 行左一陣因為實在太攰就搭的士走啦.....

家之福好多家俬家品, 一定要再黎過呀.....

我發覺呢度真係尋寶既好地方!!!

 

 

 

能強陶瓷

深圳市羅湖區笋崗梅園路梨園路交匯處家樂居A區41號

 

深圳市拓展行建材 (又稱宏宇)

深圳市羅湖區笋崗梅園路梨園路交匯處家樂居A區25號

 

東鵬陶瓷專買店

深圳市羅湖區笋崗梅園路梨園路交匯處家樂居A區46號