2010年5月7日
零晨時已FEEL到行雷閃電落大雨, 一起身開電視見到黃色暴雨警告.... 出門口時重落緊雨.... 心想係咪咁黑仔呀.....
過程
09:40 入到馬灣,食個早餐後 10:15到達MONALISA... 幸好, 雨已經停左....
等左一陣就有人叫我入去化妝.... 我既化妝師係LILIAN, LILIAN好有心機幫我化, 而且好好傾, 會一路化一路同我傾計, 等我無咁悶...
我化完妝就去換衫啦, 呢個時候原來KENNETH都已經換左衫, 黑色禮服, 好FIT好型仔呢~ 我地一開始先影室內景,所以換左長拖尾婚紗, 唔知點解著上身覺得無之前咁靚, HAHA.... 之後LILIAN就幫我SET頭, 第一個頭係D頭髮放埋一邊, 加個白色禮帽, 加頭紗...
之後就開始拍攝啦.... 攝影師係阿康, 助手係JACKY... 一開始佢地會問我地想點影, 我地其實無咩要求, 只要影得靚就得, 阿康之後都有話我地好好, 咩要求我地都肯做... HAHA.... 我地先影酒吧位, 再去第二間房影公仔, 一D特色牆 (太多牆我都唔記得lu)... 跟住就再去另一間房, 得一幅白牆同一張SOFA, 之後我地出去門口影埋鋼琴就完成晒室內景.... 因為有左麗江拍攝經驗, D POSE我地都覺得唔太難...
跟住我就轉造型, 換左FIONA條藍裙, LILIAN幫我換衫轉頭, 我要求將D頭髮放晒落黎, LILIAN幫我配左個小小既藍色頭飾, 因為我唔鍾意太誇張... 造型我係滿意既, 但當我知道我地係去公園影時, 就覺得藍色晚裝好似唔係好襯公園景... 幸好原來影出黎條裙都唔係好深色, 因為BIG DAY當日唔會有機會著深藍色裙, 所以都無後悔... HAHA...
個天無落雨, 不過對KENNETH黎講都有D熱... 我地好快就影完, 比我想像中快, 可能連阿康都覺得太熱, 個個都留晒汗.... 後來發現我地無影到個貝殼!!
之後阿康就問我地想食咩... 原來已經3點啦.... 我地叫左茶餐廳 - 楊洲炒飯同鮮茄豬扒飯.... o係等緊飯既時候我地就換衫轉造型... 本來LILIAN話係影完沙灘先轉造型架, 不過我話想著婚紗影沙灘, 阿康就話無問題... HEHE.... 咁我就換左件外景婚紗, 係有條銀色腰帶+RIBBON... MONALISA內開始多人, 有好多女仔整緊頭/補緊妝, 我重見到有個女仔件婚紗同我o個件一樣!! 而且, 老實說, MONALISA化D妝係靚, 但好似個個都差不多樣, 我同隔離個女仔好似TWINS... HAHA....
我SET左個比較CUTE既頭, 有個小髻o係左邊, 再加兩條"鬚", 而KENNETH就換左白色禮服.... 好快咁食完飯之後我地就去影沙灘啦~~ 但好不幸, 個天開始落雨!!!!! 係要開遮既雨, 都唔細架.... 我條婚紗好快就污JO晒... 而我個頭更加變晒型.... 我地影得好少就拿拿臨番上去... LILIAN都話唔認得個頭.... HAHA....
執番個樣, 我地就出發去西貢(影遊艇), 因為時候唔早了... 一路行外面都係落雨, 好擔心!! 而且近40分鐘車程令我地無晒精神... 上到遊艇, 覺得隻艇好大好靚, 而且估唔到MONALISA安排左個姐姐o係艇上幫我補妝, 真係估唔到呢!!!... 個天一直落雨, 開始時唔算大,但我地影左少少就落大雨, 即刻入艇內影住先, 我條婚紗尾係完全濕晒... 阿康話可能要安排第二日再影, 不過我就唔係好想... 阿康話先休息5 MINS再睇下情況... 之後我地先上艇個頂影, 有COVER, 但地下同D枱椅都係濕, 又坐又瞓之後KENNETH就連底底都濕埋.... 見雨細左就即刻去船頭影, 而天都開始黑了....
一上到車我地都不知不覺瞓著左, 雖然個身好濕, 但真在太攰啦.... 番到MONALISA我地個身真係好濕... 於是我就換番之前藍色晚裝, KENNETH換番黑色禮服, LILIAN幫我執一執個頭, 然後就開始影夜景... LILIAN話我個樣好攰, 另外好在我地都有帶多一套底底換, HAHA....
到落沙灘影既時候, 又開始落雨, 阿康叫我地堅持多一陣, 好快就影完啦... 老實講, 我地真係無晒狀態....
影完之後我地就上番去換衫, 整淡個妝, 再約埋睇相時間就走啦.... 已經9 點啦....
感受
能夠試下o係MONALISA影婚相, 我真係好開心, 因為我真係覺得o係呢日有好多人serve我地!!! 攝影師好好人, D POSE唔會話好難o個隻, 又會問我地係咪好難做到, JACKY又會幫我拎裙尾, 又幫我地拎花球, 我地兩個兩手fing fing, 但JACKY就一袋二袋.... LILIAN幫我整頭時, 會有第二個人幫我襯手飾, 重幫我除同帶ear ring/necklace, 又有人幫我補妝, 我只要坐定定就得, 又有人讚我靚, 好開心, 好似公主咁... HAHA....
當然KENNETH都有專人幫佢配禮服啦... 而且估唔到MONALISA安排左個姐姐o係艇上幫我補妝, service真係無得頂~~
不過我地覺得比麗江拍攝時攰, 可能因為一日內要走好多唔同場景... 我地有睇PLAYBACK, 都好似OK, 除左我個包包臉, 不過阿康話可以執wor... HAHA...
成日我地都無時間影相, 到走時又攰到唔記得影相.....
總結黎講係一次好好既回憶, 因為我地唔知會唔會有下一輯婚相lu.....
我地都諗緊影唔影多輯好
ReplyDelete因為品果已經影左室內
[版主回覆05/09/2010 22:59:00]其實MONALISA唔只室內, 重有公園,沙灘同一個自選外景, 而且HK既STYLE 同品果好唔同, 如果有$$, 我都SUGGEST你去影架....
雖然之前係麗江有唔開心既經歷~係香港個次開心都唔錯呀!!!
ReplyDelete我都好想有無張的下一次婚紗拍攝呀!!~wakakaka
[版主回覆05/10/2010 13:54:00]你都努力"r"你bf影多一輯啦~
CONGRATS!! 最緊要影得開心.. 不過點解你唔係去遊艇先到室內..同我掉轉咗.. 你簡相個時如果真係唔鐘意可以要求重影0架.. 我聽人地講0架
ReplyDelete[版主回覆05/10/2010 13:53:00]我都唔知點解下午先上遊艇,可能上午有另一pair影啩...
我都知可以要求重影, 不過希望唔會啦, 因為影一日真係好攰, 我寧願買少d...
聽你咁講，monalisa d service 幾好喎，品果同monlalisa d 拍攝手法好唔同，可以影多一次婚紗相係開心既事，等睇你d靚相....
ReplyDelete我約左10月30日影，剛剛BD前1年...
[版主回覆05/10/2010 13:59:00]希望大家都影得靚靚啦
我聽講Lilian係Monalisa係top mua架喎~~~唔怪得化得你咁靚女啦!! 果日見到你都化得幾好~
ReplyDelete[版主回覆05/10/2010 20:01:00]其實個個女仔都化得好靚呀, 可以話無一個係醜樣, 我成日偷望人地, HAHA.... 重覺得人地靚過自己.... MONALISA MUA真係得!! 你篇野幾時先寫好呀??? HEHE....
你細相簿d相係咪要同大相簿d相一樣架??
ReplyDelete[版主回覆05/12/2010 14:38:00]我bargain左可以唔一樣
sales係無同我講架，我係返到屋企睇單先知，張單係咁寫 "6x6相部需與大相部同款" ，今個星期日等我都去問問...
ReplyDelete[版主回覆05/13/2010 14:33:00]你話你個friend可以, 叫佢俾番呢個offer你, 我見有d blogger都係咁個sales都肯俾番....
我都 11/5 影左相啦~~~ 都係阿 k 影, assistant 就係阿波~
ReplyDelete我都覺 monalisa mua 化得好靚! set 頭都好靚~~ =)
[版主回覆05/13/2010 14:34:00]咁天氣應該好好啦~ 希望大家都影得靚啦
我想問你係俾左錢先bargin 大細相簿d 相唔一樣 or 揀相先bargin??
ReplyDeletethanks!!
[版主回覆05/13/2010 14:35:00]會展join時bargain架
我同sales講左，我個sales話今年3月後join, 細相簿d相要同大相簿d相一樣，若有其他客人係唔駛，佢都可以做返俾我，不過佢要我俾人地個單號或電話check先.....
ReplyDelete[版主回覆05/14/2010 10:48:00]我可以俾我個單no.你if u want, 不過我係上年11月join
多謝你先^ ^..... 但你上年join的, 我個sales實話唔得....
ReplyDelete[版主回覆05/14/2010 14:09:00]咁你努力問下其他blogger啦~
Hi~~妳好~~ 我都係expo join 咗 monalisa, 6月頭會影相la~~ 見到妳, 仲有好多blogger都話monalisa d services 唔錯, 好期待 ^^ 我都唔知原來可以bargin大細相簿d 相唔一樣 , 唉~~之前join嗰陣, 我哋見減$1000, 同埋個sale自己主動offer咗d standard 野, 都冇咩點同佢bargin tim...
ReplyDelete[版主回覆05/17/2010 12:22:00]其實相比其他blogger我算bargain得少, haha...
希望你都影得靚靚啦~