要爆了！

我同老公都要爆了。。。

呢個星期六無啦啦同包爹嘈，佢話我近排語氣好差好燥！我嗰刻先諗起自己真係無咩耐性，下下一句得埋佢度就走開。又話我最近完全ignore左佢，同佢講野都係離不開包包。。。

包包六個月開大開始食固體，因為包包仲係厭奶中，除左開奶茶，我最近就成日諗可以整咩畀佢食，希望呢個曳豬可以食多啲。咁我要返工，就緊係放工放假先攪呢樣嗰樣。呢幾日工人姐姐病左，星期六又要同佢去睇醫生。雖然包包食得唔多，但又煲粥又要blend啲veggies ，食水果要磨要過濾網，都好take time又多野攪！我仲要用lunch time 時間買整畀bb嘅食物 (因為放工要仆返屋企)！當然仲有上網search info 嘅時間。。。

而且呢個曳豬包，依家唔肯畀papa餵奶，papa餵一啖都唔飲，要我同姐姐餵！所以夜晚last一餐要我餵。久而久之，我都係夜訓。一日24小時都唔夠用，個人好攰。

可能因為咁，個人變得忟同緊張。

包爹話我，你唔好咁緊張啦？！(個語氣係好唔耐煩咁講)

呢句看似關心嘅說話我聽完就爆啦，係因為佢覺得我做得太多，簡單啲講佢覺得我做嘅野好多都係無謂！

我好唔開心呀，原來我做咁多野佢一啲都唔appreciate ，仲嚴我緊張得濟，攪太多野！佢只係見到我買好多野返黎，然後呢埋廚房攪一大輪，
完全唔明我點解咁做同做緊咩野！

我都想唔整咁多野，第一，包包如果咩都食我就唔使煩啦！第二，啲野我唔做邊個做呢？

當然，女人嘅眼淚永遠係勝利嘅。。。
我會檢討下自己嘅態度，但都希望你地啲男人好好欣賞我地為bb所付出嘅努力！

包包，你乖啲啦，你乖啲食多啲papa mama就唔會嘈交啦！

上星期去左alvin yau 度影相，等我有時候upload 相再分享 (>_<)