結婚三週年 (上)

二月廿六日係我地結婚三週年啦，呢日我地兩個都請左假。

本來係想去馬灣行下，因為馬灣公園係我地結婚嘅地方，可以同包包去我覺得好有意思！可惜當日我地一check 荃灣船嘅timetable, 原來依家一日先得三班船！以前係一個鐘一班架！啲時間係完全夾唔到！如果坐巴士就好唔方便，私家車又唔畀入！所以被迫放棄，都幾失望架！本來仲想同包包影下相！

後來老公提議去南生圍，我地住咁近都未去過！因為假日超多人，又難泊車，難得平日無咩人！

我地蠢左喺新元中嗰邊入，因為原來要坐船仔先過到去！

呢日天氣又焗又熱，帶住hipseat同包豬都幾辛苦！包包好好奇，周圍望，淨係唔望鏡頭，同佢影相都幾辛苦架！

不過呢度環境真係幾好，好寧靜。。。

南生圍必影境點

其實帶左腳架，但包包成曰唔望鏡頭，所以放棄腳架 ╮(╯_╰)╭

於是唯有叫路人幫我地影啲全家幅啦！好開心我地遇到好好嘅路人甲同路人乙，佢地一個幫我地影左好多唔同角度嘅相，一個就拎住鎖匙引包包望鏡頭，真係好多謝佢地呀！

影返啲溫馨啲嘅相先！

影埋呢個位就走啦！

包包回程時好開心，腳仔郁郁咁，喺車度nap左10分鐘，返到屋企仍然好hyper唔肯訓呀！

老公話等包包識行，我地再黎影過！