新年後包包開始一晚醒幾次，仲要係要抱起佢暗佢先訓返！一晚幾次，我同無訓差不多！如果由佢喊，佢就會喊到成個人醒晒，點暗都訓唔返！第二日我同老公都要返工，真係人都癲！
一向唔想bb食supplements ，但我今次低頭了，屋企人喺咁叫我畀包包食保嬰丹，所以買了。保嬰丹係藥，好苦又唔可以溝奶，只可用針筒餵，當然餵時包包爆喊啦！食左兩日已明顯好左，只係醒一兩次！見包包食保嬰丹個樣咁慘，就去買珍珠未，都係有定驚安睡效果，雖然貴啲，但就無味唔苦，點知對包包一啲都唔work.... 但我地都唔想keep住食保嬰丹，情況唔太差都唔餵藥。
依家就每晚醒一至三次左右。但另一問題又黎，包包開始厭奶，平時已經唔係食得多，由6-7安變左3-4安！做媽媽嘅點會唔擔心吖！於是無法下都要畀開奶茶，但到依家已經一個星期啦，都未有好轉！食糊仔又未係食得好好，未可以代替食奶住。雖然六個月厭奶都普遍，但包包好明顯係瘦左，真係心痛！
上網睇，人地話過一排bb就會back to normal ，包包，你快啲變返之前咁啦！
除了厭奶外，包包其他都好正常，便便一日一兩次(所以我又唔覺佢熱氣)，仲係好精靈可愛！
唉，都唔知可以點做。。。
無事既..佢易醒..可能真係燥熱(中醫角度啦)
ReplyDelete我覺得保嬰丹係work..但長期食我都覺得唔太好~~
所以婆婆係朗朗六個幾月就教我要學煲開奶茶或紅蘿蔔水(唔好買現成)..煲既效果係work d
好似大人飲涼茶咁去燥解熱(p.s.奶粉係燥熱)..個人訓都舒服d..加油啦~~
厭奶期係會過去的~~到時可能同你飲到8-9安奶奶^^
我用沖濟ja ，我想問自己煲嘅開奶茶可以溝奶嗎？苦唔苦？我驚包包唔肯飲呀
Delete我仔早兩星期都厭奶。好擔心。一日五餐，每餐食4安都要同佢打交咁樣。
ReplyDelete不過呢兩日又好似好番D，希望唔係幻覺。
加油！
o仔咁細個就厭奶？希望唔係幻覺！o仔要乖乖呀！
Delete我蛇仔明都係易醒嗰TYPE, 同你相反, 我係好想俾佢食保嬰丹, 因為幾十年流傳, 我估應該WORK 掛, 但我媽就超反對, 我偷偷俾佢食過兩次, 佢好鐘意食, 食完都好咗少少, 咁我就冇再俾LU
ReplyDelete我覺得BB 大大吓訓覺方面會好少少, 捱多一陣就好架喇, 加油
蛇仔明大啲都ok，包包細個食藥始終唔係幾好，又怕佢腸胃受唔到。蛇仔明好鍾意食？唔怕苦嗎？
Delete厭奶同易醒呢家嘢係妹豬嘅強項,所以我好明白你嘅心情,不過比啲時間包包,真係過一排就會好好多
ReplyDelete希望真係過一排好啲啦，我想見返肥豬包呀
Delete燒腩仔到宜家咁大都仲會半夜醒，間中會喊成半粒鐘都唔收聲添，我係要出盡法寶叫醒佢，等佢清醒之後再暗過佢瞓，所以我好明你苦況...
ReplyDelete你哋有無畀開奶咀佢啜？或者試吓畀少少水佢飲都可能work㗎，佢可能只係無乜安全感而半睡半醒咁係到喊，你哋瞓之前幾個鐘盡量畀D靜態D嘅活動佢，例如較暗少少燈講故事咁，等佢平靜D咁入睡都可能有幫助，我覺得保嬰丹只係令佢個人攰D所以瞓得好D，始終係藥我都唔太贊成長期食
包包訓覺時一定要奶咀，我通常係佢訓著後拎走，半夜醒時佢會要返再訓，但之後有奶咀都醒！通常夜晚都熄燈訓，我會唱歌仔所以都算平靜架。我都唔想畀藥。。。唯有頂硬上。。。
Delete包包乖乖，快d back to normal ，等爸媽唔駛咁辛苦！
ReplyDelete依家仲係厭奶呀(>_<)
Delete我咁大個都久唔欠食...只要訓得唔好我就會食....食左真係好訓好多架~
ReplyDelete希望包包快D 乖乖唔好咁易醒..
really??? 大人都食得？
Delete