關島蜜月day 2

第2日我地一早起身, 因為報左個海豚之旅tour, 呢個tour我地喺香港同agent報, 但係黎度先同導遊報都可以...

起身食個早餐先... 要食飽飽先有力氣玩!

呢日既天氣比前一日仲好, 每日對住呢種天氣, 真係人都開心d!

tour包接送, 導遊先車我地去ABC (一水上活動中心+酒店), 再轉ABC既車去碼頭

呢隻就係我地會上既遊艇, 都幾大隻

遊艇上, 除左我地同另一pair香港couple之外, 全部都係日本人, 個個女仔都化行晒妝... 攪到我好似好"烏wear"呀... 佢地既"防水"妝真係好勁, 浮潛都得!

我地個tour係包: ABC海灘玩+海豚之旅+深海浮潛+香蕉船+午餐 (USD70)

不過呢香蕉船好"流", 一D都唔刺激 

好好既天氣

玩完香蕉船, 就要"捕"下海豚啦...

風平浪靜

有啦有海豚啦....

有好多好多隻呀, 我第一次咁樣睇海豚, D海豚好得意... 而且, 我覺得D海豚生活得好開心, 佢地係一D都唔怕人架...

之後我地就玩深海浮潛, 個個都有著救生衣, 唔識游水都可以玩, 不過其實我有D怕佢既浮潛用具唔乾淨, 有D後悔無帶自己買o個set.... 好在之前一日喺海灘熟習左浮潛, 都OK, d staff 開始喂麵包就有好多好多魚...

不過佢拉左個area, 唔俾我地游開, 太多人一齊就好似好迫... 我因為唔識游水, 就係咁痴住條繩!

我地買左個一次性既防水菲林相機, 不過影出黎既相就ma ma...

 

之後就返ABC海灘食lunch同玩啦...

個lunch就真係好少野食...

食緊lunch有個staff教整魚仔

我整架, 都唔差吧 ^^

lunch後就出beach玩啦, 開頭我以為ABC係好大架, 去到有d失望, 因為老實說有d "up dup"同舊, 個locker 2個人要share一個但就超細... 個beach就好大, 但有石仔同海草... 水都好清既...不過水上電單車呀, 降落傘, "快速"版香蕉船etc就要extra 俾錢... 我地就玩下水, 掙下船咁...

再一次後悔無帶自己買o個set浮潛用具, 因為呢度都好多魚仔架, 但又唔想借佢o個D, 所以無得浮潛...

玩完就要等Shuttle車我地返酒店啦... 關島好細, d地方來來去去都係十幾mins車程, 真係好呀...

等車時食返支雪條先... 都ok好味...

返到hotel三點幾, 我地又落beach玩啦...

KENNETH就係咁晒太陽, 當午睡!!

玩完沖個涼, 我地就去食DINNER啦...

呢日我地BOOK左HYATT既BBQ BUFFET呀...

關島差不多每間酒店都有提供BBQ buffet, 我地揀左HYATT, HYATT BBQ嗰邊2010新裝修, 而且HYATT係關島最貴既酒店之一, 入去參觀下都好呀... HAHA... 而且其實間間酒店既BBQ buffet都差不多價錢架...

正門

內園

Poolside, 黃昏啦... 真係好靚...

如果唔係舊雲遮住, 見到耶穌光架...

用餐既位置

我地被安排坐係第一排既枱, 對正個stage, 正!!

開始食啦... 食物當然無香港既buffet咁多choice, 不過都有冷盤, 熱盤同dessert.

ice tea任飲, 但其他drinks就要俾錢

bbq food, 比我想像中好味, beef, ribs & vegies 都好味, chicken 就ma ma...

食食下就開始民族舞, 都跳左好幾隻舞, d dancer 好sexy, 個人覺得幾好睇, 不過KENNETH就唔多有興趣 (男仔同女仔既分別???)

仲會表演玩火

因為坐得前, 有機會同個DANCER影相, 我真係覺得佢地跳得好好架...

睇完SHOW就食甜品啦... 我好飽, 得KENNETH食, 選擇唔多, 有雪糕, 影得唔靚...

另一個揀HYATT既原因, 就係食完可以去行下DFS (DUTY FREE)... 行5分鐘就到, 好近... 夜晚天氣都好好呀, 慢慢行, 好舒服, 一D都唔熱...

呢度係名店集中既地方, 不過唔係特別平過香港, 所以我地無興趣買野, 但對日本人就平好多, 所以會見到佢地個個都會買野...

去左GODIVA, 因為係平過香港架, 買左杯DRINK同少少chocolate, 宜家諗返早知買多d啦... haha...

DFS 有免費SHUTTLE返各酒店, 行左一陣我地就返酒店訓啦... 因為第2日一早去潛水呀!