話說大婚之日KENNETH飲醉左 (雖然佢堅稱自己無飲醉只係眼訓訓著左), 回家後我就一個人執第二日要還既野, 總共係3件晚裝, 1件婚紗, 2件媽媽晚裝, 1件新娘褂, 3件媽媽褂, 一件馬褂, 3套男禮, 執呀執呀執, CHECK呀CHECK, 最後落妝沖涼洗頭吹乾個頭之後, 3.30AM先上床訓...
第二朝, KENNETH一早精精神神咁先送走佢個澳洲返黎既FRIEND, 再去好彩酒樓拎隻回門乳豬, 再返黎叫我起身... 佢梗係訓得爽啦... 我... 成身好似癱左咁... 攰到想死...
不過... 要回門呀, 因為媽咪已經準備左豐富既午餐等我地...
回門乳豬+生果籃 (好彩酒樓送)
個生果籃好唔得, 但隻乳豬都幾得!
KENNETH幫手斬返頭頭尾尾
乳豬好味呀!
呢PART係帶返屋企
媽咪好勁, 自己砌個生果籃, 個籃係我之前過大禮時用既, 媽咪再買左D好靚既生果砌出黎... 真係抵過出去買個生果籃好多呀... 而且D生果個個都係靚野黎架, MUMMY LOVE U ^^
媽咪話前一日個婚禮攪得好好, 好彩酒樓D野食都幾好味... 家姐又講返之前一日既攪笑野... 聽見佢地咁講我就放心晒啦...
之後我地就出發去還衫啦... 一切都OK... 除左... KENNETH有一套男禮唔見左個腰封!!!! VA收左我地HK$500呀... 好貴呀!!!!
問過晒酒樓兄弟家人, 又搵過晒屋企, 都唔見呀.... 一定係佢飲醉時胡亂放啦...
返到屋企坐一陣又食晚飯啦...
晚飯之後我地就開始拆人情, 同禮物... 睇返D卡寫既野, 又上FB睇FRIEND既相, 同COMMENT, 睇返人地D相先知自己當日係點既樣, 好開心, 好回味呀... 攪到我地成2AM先訓...
(呢d只係我地既friends &同事ja, 其他(佔大部份)人情老爺奶奶已拆左)
No comments:
Post a Comment