關島蜜月day 1

由香港到關島大概四個半鐘機程, 而關島快香港2個鐘, 因為夜機關係, 到達關島時已係第二朝既五點幾 (即香港時間凌晨三點幾!)

雖然好眼訓, 但一落機, 導遊就即刻送個花圈俾我地, 歡迎我黎到達關島, 即刻醒晒, 心情興奮!!!

我地係買package既, 但係package "送"左個city tour俾我地, 而且係包hotel接送, 所以有導遊接機... 不過話就話係送, 但agent已事先同我地講要俾usd10小費!

離開機場, 導遊先帶我地去睇自由神像, 呢個自由神像係美國送, 當然size係mini好多...

我對呢舊野無咩興趣, 但就俾周圍既景色吸引住... 雖然係早上六點幾, 已經係藍天白雲... 椰林樹影... 果然揀關島係無錯架, 對住咁好既天氣同風景, 真係日日都咁開心!

之後我地就去左睇炮台...

都係一樣, 我對個view有興趣d... 見到後面個bay, d水好清好藍... 未到hotel己先興奮!

黎之前已知呢度有椰子刺身食, 一定要試!!

我地先飲晒個椰子裡面既水, 呢度既椰子無泰國既咁甜, 係好清, 淡淡地...

之後交返俾個阿伯, 佢就會幫我地整椰子刺身

就係呢個啦... d椰子肉加d 豉油同wasabi... 又真係幾好味喎... 佢地話似象拔蚌, 不過又無象拔蚌咁硬... 不過一個椰子得好少肉ja... 成為usd 5!

之後去參觀一所聖母教堂

之後再喺附近走走就返酒店了... 我地住Fiesta Resort ...

由於太早關係, 仲未可以check in, 導遊叫我地食個早餐先... 早餐唔係太多選擇, 不過又唔會無野好食既... 不過不失啦...

值得一提既係, 關島室內既冷氣係十分強勁, 好多時室內都覺得好凍... 我地選擇左去outdoor坐, warm d 之餘, 對住個咁靚既view食早餐, 真係幸福 ^^

食完早餐之後, 導遊又返黎接我地, 繼續我地未完既tour... 下一站去Two Lovers' Point 情人崖... 去關島既人相信都一定會去呢度, 傳說話有一對情侶喺度跳崖自殺... 將你同愛人個名寫上個鎖, 鎖喺崖邊, 就可以永遠喺埋一齊... 不過因為太多人咁做, 宜家已經唔俾鎖喺崖邊, 只可以鎖喺佢地provide既架上...

但係要上去高d就要俾錢, 擺明掙我地遊客錢...

一齊拉一拉個鐘, 就可以永遠一齊架啦... haha...

之後導遊車我地去Kmart買野... 最主要係關島既水係硬水唔飲得, 我地要買水飲用... Kmart好似美國澳洲既Kmart咁, 好大間咩都有得買 ...

我仲買左套bikini (雖然唔係好靚但無辦法), 而KENNETH就買在2 set 浮潛既mask, 平既只係USD6.99, 我地就買左好少少既成為USD9.99.

買完野都只係早上十點幾... 之後就返hotel check in啦！

**********************************************************

終於都可以check in啦，導遊話 Fiesta同 Sheraton係目前關島最新既酒店（雖然我一ｄ都唔覺得Fiesta新）

房

露台（我地住５樓）

露台個view真係好正呀～

之後我地已經急不及待，即刻換衫落去玩水啦！

出發前喺元朗買左件長tee, 著喺泳衣出面就可以落樓啦

玩水前係一輪影影影影影

影左好多泳衣照，不過唔會post啦，呢張係我唯一會post既泳衣照，HAHA...

影完一大輪之後，我地就玩浮潛，唔識游水既我初頭都好驚，不過ｄ水好淺，酒店又有救生衣借用，好快就掌握到，好玩^^

好淺水已經有魚仔啦...

D 水幾清 ~

玩完水，返房休息，先發覺好攰呀！梗係啦，香港時間３點幾落機玩到宜家！即刻沖涼訓返陣！

起身既太陽已落山啦，好肚餓，出去醫肚先！

睇過　E記　既BLOG, 墨魚汁麵係必食，我地去左PIC (Pacific Island Club) 對面Royal Orchid Hotel既Capricciosa, 由Fiesta行去只係十分鐘，真係好！

Order左墨魚汁麵同Capricciosa Pizza... 墨魚汁麵好大碗呀，都幾好味，無想像中咁"膩"，但就無咩料，齌D啦.... 個Pizza OK, 係咸左少少...

呢個就係食緊墨魚汁麵既KENNETH, HAHA, 每次睇返都忍唔住笑^^

最後我地２個人係食唔晒架，真係好大portion, 埋單USD44.83, 關島黎講唔算貴...

之後我地仲有下場，就係去Marriott既 Angsana Spa 做Massage，其實結婚之後都無點休息過，個人仲係好攰，雖然唔算平（USD99/ 60 mins Massage），但做完之後真係舒服晒呀，而且真係有５星酒店既服務同水準，做完之後仲訓得好好呀！