婚後二天 (28.02.2011): 去銀行 + 出發HONEYMOON

呢日又要一早起身, 因為要去同嫲嫲食飯呀....

食完飯, 又要食埋湯圓....

之後就要同老爺去銀行入錢... 拎住幾十萬出街其實我都好驚呀... 我同KENNETH講要MARK住老爺呀!!! 點知老爺見到熟人仲吹左2句水... 可能好多人知我地擺完酒去銀行ga ma... 真係一額汗...

去到銀行, 睇住個姐姐數錢, 睇到我釣魚... 數左好耐而我太眼訓啦...

之後我地就去買honeymoon要用既野(太陽油呀, 藥呀etc)... 最重要係因為我2套bikini都漏左o係娘家呀!!!!

去關島點可以無bikini呢??? 點知走晒成個元朗都無bikini賣(仲係冬天啩)...

算, 去到關島先買!!

返到屋企, 行李都未開始執, 我地兩個攤左o係梳化... 不知不覺咁恰著左!!!

醒返已係5點幾...

立即執行李啦... 我第一次用我個粉紅篋呀!

8.00PM, 飲埋奶奶既湯就出發去機場啦...... 真係從未試過咁急呀.....

去到機場check in左就去食dinner, KENNETH因工作關係, 機場食野有折架... 食左2個燒味飯, 估唔到都ok喎...

23:15 上機啦... 關島我黎啦.... (去關島大概4個半鐘機程)

一上機就訓著左... 訓左個幾鐘KENNETH叫醒我食野, 好似係個包, 我無食, 再訓...

我實在太攰啦....

下一篇開始honeymoon行程啦...