心太軟

急不及待要寫blog, 因為我第一次整心太軟就成功啦!!! yeah....

原來都唔難整, 可以再encore!

加上chocolate icecream, 正!!! (KENNETH係super chocolate fans, 咩都要朱古力味)

其實最最最重要係唔好焗過鐘, 如果唔係就變普通朱古力蛋糕!

食譜:

材料 (約4-5小個份量)
黑朱古力  100g
無鹽牛油  100g
雞蛋    2隻
蛋黃    2個
低根麵粉    50g
砂糖    20g (隨個人喜好)
裝飾   糖霜少許 (隨個人喜好)

 

1. 牛油同朱古力切塊, 把牛油同朱古力一齊座溶(隔水加熱至煮溶), 攪暈


2. 把砂糖加入蛋中, 再加入2個蛋黃, 一齊打暈


3. 把蛋漿加入朱古力溶液度, 將佢地搞暈, 將麵粉遂小篩入混合物中, 攪暈


4. 在蛋糕模掃上1層溥溥的牛油, 把朱古力漿在模中約8成滿


5. 包上保鮮紙, 放入雪櫃雪至少1小時


6. 焗爐預熱200度


7. 約焗6-7分鐘到 (唔同焗爐可能唔同時間), 鍾意爆多d漿就唔好焗太耐, 而唔鍾意爆漿既朋友都唔可以焗咁耐..如果唔係就變朱古力心太『硬』


8. 出爐! 放涼後反倒在碟上脫模, 加上糖霜裝飾,加上雪糕會更美味, 一冷一熱而且無咁"濟"

建議先試焗一個, 試下要焗幾耐同想爆幾多漿...

結婚一個月

2011年3月26日 (星期六)

話咁快就一個月啦...

新婚生活還是好開心... 希望以後既日子都一樣開心...

呢刻覺得自己好幸福, 生活在少天災既香港, 有家人老公愛錫... 我地有自己既家, 有自己既車, 每天有奶奶工人煮飯, 日日有靚湯, 我地又有穩定既工作, 實在比好多人都幸福! 真係要珍惜眼前既一切!!!

呢日沒有特別節目, 因為唔想使太多錢 (如果個個月都慶祝真不得了), 而且日日睇日本既新聞, 都無咩心情.... 結婚後又元氣大傷, 想開始好好儲錢...

一早返學前我去左剪頭髮!!! 結左婚後,一直都好想剪下把頭髮, 而且我已經好幾年都係曲髮, 終於走去整直同剪左4吋!!!

呢日KENNETH特登黎大學車我放學, 之後我地就去元朗食飯, 食既係日本菜... 沒太過擔心D食物, 因為相信佢D材料一定唔係黎自日本..

因為說真的, 食物MA MA...

居然有美國生豪... 仲有紐西蘭三文魚...

之後我就話要去買蛋糕, 因為我成日都覺得要有個蛋糕先叫慶祝, 但KENNETH見到大大個蛋糕都話真係食唔落... 跟住就話買2件CAKE好啦... 食咁多肥C我喎...

其實我都係志在影幅相, 紀錄下, 食唔食真係無所謂... HAHA...

(直髮的我第一次影相)

之後就去SUPERMARKET買雪糕, 點解? 因為我又有攪作!! 

婚禮商戶評語(4) - 易拉架 Banner Shop

話說我地既當日攝影既公司"專業製作"送左張banner俾我地, 但係唔包個易拉架!! 佢地可以$100租金+$100按金租俾我地... 當我同朋友提開話要記得big day前去租時, 有朋友就話易拉架好平ga jar...

咁我就立即上網search下啦... 原來易拉架真係好平架....

Vendor: Banner Shop (其實佢同eprint係同一間野)

Website: http://www.bannershop.com.hk/

Price: 因為我地已有banner, 淨架$50, 而連banner都只係$75 !!!!!!!

Comment:

因為實在太平, 好想寫o係blog話俾人知, haha... $75一個, 真係整多幾個都唔肉痛... 不過我已有2幅油畫, 1個卡通foamboard, 所以一個易拉架已經夠啦... 當然呢個易拉架都係朋友影相位之一...

而quality基本上就係人地o係街度sell寬頻呀, sell信用卡o個d隔離個易拉架... "專業製作"都幾搵笨呀, 要$100租金+$100按金... 不過banner shop只係輸出, 係唔包design架, 簡單既可以只俾相佢, or自己用photoshop加d字都好容易呀...

易拉架有手提袋, 好方便...

不過太大風既地方係放唔到易拉架, 室內or 只要有靠山既地方都ok...

"專業製作"整既banner我都覺得普通ja, 唔明點解個天佔既area咁大, 不過唔使錢算啦.... 我有個朋友仔都係join"專業製作", 我個易拉架可以留俾佢用, $50用2次都抵呀!

婚禮商戶評語(3) - 小禮物 (餐具)

一直都無提過我地既小禮物, 因為想keep住神秘感...

因為我地擺四十多圍, 小禮物都係一個好大既cost, 我地又唔想送d唔等使既野, 真係諗左好耐... 後來o個時喺筍崗見到d餐具好靚, 價錢又ok, 於是決定喺淘寶搵!

Vendor: 淘寶華晨餐具

Website: http://trade.taobao.com/trade/detail/tradeSnap.htm?tradeID=60062397663050

Price: RMB2.25 一勺一叉, 刻名RMB0.2一隻, total RMB2.65 (連盒), 未計運費

Comment: 呢個SELLER未必係最平, 但我睇過佢大部份評語都很好, 我買咁大數量, 一定要搵個信譽好D既SELLER! 而佢個態度都好好, 雖然中間有D問題發生左...

我地既小禮物: (可選其他公仔, 不過我唔鍾意卡通, 所以揀哈哈笑)

我地喺買既時候無預計到有defect, 我地買左520件, 就有1x件有問題, 如刻名刻得唔好(有d直情無刻到), 同埋支勺/叉本身有缺憾... 而且我全家人一盒一盒咁打開睇先發現到(520盒check左好耐呀!), 如果唔係可能會送左d唔靚既俾人! 少左十幾盒即係有1圍幾既人無小禮物? 點得呢?

我即刻同個seller講啦, 佢都話呢d大量生產, 當中少不免會有d瘕疵, 而KENNETH都話我地其實好似買緊批發貨咁, 人地都要QC完先拎出去賣啦... 始終呢個價錢又好難話520盒都perfect!

個seller都好好, 願意免費造多30盒俾我, 不過運費就要我自己負責...

講到運費, 呢d匙羹同叉都有d重量架...

睇下幾大盒... (total 2大盒加一細盒)

我地買520盒, 計埋運費, 除開hk$4.xx 一盒 (太耐唔太記得exactly幾錢運費)

香港買成$7 or $8 架, 已經平左好多啦...

而當日, 我地最終擺46圍, 所有guests都拎走晒d小禮物, 有d家人都無小禮物呀(520份唔夠派), 始終我相信匙羹同叉, 拎返屋企個個都有用既...

如果唔係買咁多既話, 建議可去筍崗買, 自己用車仔拎落香港, 運費可慳唔少架....

婚禮商戶評語(2) - Cupcake Tower (Cup Cakery)

馬灣婚禮想切真蛋糕, 年多前見到周刊介紹Cup Cakery, 個Cupcake Tower 好colorful, 一見就好鍾意... 知佢有做wedding package 就一心諗住wedding前order...

點知到wedding前2個月先發現間地舗close左, 好在有電話, 原來宜家o係家樂商場入口間ice cream shop寄賣... 你唔走埋去問佢, 都唔會知佢有做wedding package架! 有興趣既人要走埋去問呀!!

而Cupcake Tower只需一日前order, 我地都係big day前幾日先order.

Vendor: Cup Cakery

Website: http://www.cupcakery.com.hk

Contact: Tel: 6906 6244, Email: cupcakeryy@gmail.com

Price: 我join既package係100件Cupcake + 塔頂蛋糕(0.5磅) = hk$1400 , 蛋糕架以按金$500免費租用 (老實說真係好reasonable, 一般既wedding cake都要過千啦!)

Comment: Cup Cakery既 service 好好, 好細心, 塔頂蛋糕可因你要求去整(如咩color, 寫咩字等), 有過二十款既cupcake供選擇, 免費送貨到mtr.... big day既Cupcake 除左一隻味唔好味, 其他都好ok, 外觀就好靚, 家人同guest都好鐘意, 到宜家都好多人讚我個Cupcake Tower! o岩晒我地咁靚既馬灣公園, guests又食得開心 ^^!

店內既Cupcakes:

big day既Cupcake Tower, 好多人讚, 又好多人同"佢地"影相... ^^

KENNETH數緊有無100件, haha... 不過原來個tower係放唔晒100件架!

(定係要放到好迫??)

Close Up, so colorful!!

塔頂蛋糕, 我只係同佢講想colorful一d, 係Cup Cakery幫我設計的  (當日馬灣公園好熱, 好似有d溶...)

不過我big day無機會試個蛋糕 (唔知點解無人俾我試既??)

而身邊人都無咩人試過, 估計係太細個好快俾人搶晒!

呢幅係交收時影既, 靚d架!

特別鳴謝好友F既相!

關島蜜月day 4

呢日要返香港呀, 真係好唔捨得...

一早我地再去玩浮潛, last time 去睇d魚魚啦...

玩完之後梳洗好, 我地係check out前猛影相...

KENNETH晒到黑晒, 件衫又黑, 個相機唔知點解影親佢都暗左, 我又無問題喎...

唔知幾時先可以再咁hea呢??

影完相我地就check out, 去食lunch lu... 今次我地搭DFS既free shuttle, lam lam bus太貴啦...

我地去左FRIDAY'S, 呢日目標係burger!

個環境好好, lunch time都唔太多人...

our drinks

呢個成塊面咁大既係洋蔥圈, 關島既洋蔥好大個??? 洋蔥圈炸得好好, 脆又唔粉, 好味!

我個burger呀

KENNETH個burger

KENNETH要左個ultimate burger, 佢話要試下一啖咬唔晒既burger喎...

我地要左個combo, 有甜品送埋, honey bread with icecream, 不過好甜呀, 唔好食!

burger同個環境都幾好, 我地order左個combo所以貴少少...

lunch之後, 我地就去左PIC行....

關島除左Sun & beach之外, 最出名就當然係chapels啦... 見PIC近近地就行左過去...

PIC真係好大呀, 淨係Pool都有4個, 好o岩一家大細... 再行遠d就係beach啦...

向St Laguna Chapel出發

有wedding呀, 所以唔可以行埋去睇...

真係好靚, 呢日仲要無咩雲, 勁好天! 可惜唔可以入去參觀啦...

PIC既beach, 有風帆同canoe, 樹少d, 太陽傘多d...

不過比我地Fiesta個beach更多石仔, 一定要著鞋落水...

見到個網床, 即刻試下... haha...

PIC好大, 好多地方坐同hea, 因為未夠鐘, 我地就hea左陣先返Fiesta...

5.30pm, 就有人接我地去機場啦...

關島byebye...

關島真係一個好地方... 希望有機會再黎!!

關島蜜月day 3

呢日心情又緊張又興奮, 因為係我人生第一次揹樽潛水!!!

一早8點鐘, 個guide就車我地去到fish eye 魚眼公園

唔知係咪太早, 真係無咩人...

除左我同KENNETH, 就只有一個台灣人, 個guide叫Steven, 係講國語(當然識講流利英文), 一個guide帶3個人, 而只有我一個係唔識游水(咁我就可以完全"霸"住Steven啦^^)

呢度無changing room架, 得個好細既toilet, 我地著定泳衣打底, 就喺車旁邊換潛水衣...

個氧氣樽好重, 但Steven話我o個個已係至輕既氧氣樽啦... 換好衫, 揹住個好重既樽, 我地就係上面2棵椰子樹中間, 行出海... 因為仲早, 都有d凍, 不過慢慢習慣左就ok...

我地行到去水深到shoulder既位, Steven就開始教我地點呼吸, manage耳壓, 遇到問題時點做, 又教我地做手勢於水底溝通, 點樣餵魚... 我覺得佢教得好好呀, 又識講笑, 仲不斷安撫我 (我好緊張)... 我地著蛙鞋後先o係淺水地方試潛, 到大家都ok時就開始向前游...

因為KENNETH潛過水, 佢問Steven:

KENNETH: Where is the emergency button?

Steven: I am the emergency button, any problem, press me!

(笑死我... 不過對我黎講, 我係會一直捉住Steven, 所以唔太驚!)

一開始我都係好緊張好緊張, 心裡面只係提住自己"吸氣... 呼氣...吸氣... 呼氣...", 一直捉住Steven, 但當我見到d魚時就忘記左緊張, 因為海裡面太多野睇啦... 恕我見識少, 我未見過咁多又咁大既魚架 (除左海洋公園個魚缸).... 我地仲見到魔鬼魚, 好大條, 嚇死我呀, 但又好興奮有機會咁近距離見到佢...

Steven又會俾腸仔我地餵魚, 我又好驚d魚咬到我, Steven會幫我地影相, 我又要顧住擺pose... 不過KENNETH真係俾魚咬到, 佢掛住影相, 條腸仔俾條大魚噬左, 仲咬到佢手指... 我就差d俾魚咬到, 攪到我之後唔敢再餵, 但係KENNETH同個台灣人餵魚, 我就喺旁邊度睇, 見到好多魚游埋黎,都睇得好開心... Steven見我唔敢餵, 就喺我面前餵魚, 我係見住d大魚張大個口食野, 有d魚好醜樣架... 之後.... Steven仲將條腸仔"sip"左係我個頭 , 引d魚埋我身!!! (我係上左岸先知ja, 不過d魚又唔上當喎...)

我地又去摸下d 珊瑚, 用腸仔引d珊瑚魚(好似finding nemo既魚仔), 摸下佢地, 佢地又縮下, 真係好得意... 開頭我係捉住Steven隻手, 後來我就捉佢條繩, 再自己亂游...

下面係Steven幫我地影既相, USD20買隻CD, 有晒我地既相, 當然唔係張張都靚, 不過就絕對值得買呀! (話說ABC要USD11買一張相, HYATT要USD15買一張相!)

剛開始, 我地都唔敢鬆開手, 抓住條繩....

睇下條魚幾大條...

yeah... 好多魚呀... d水真係好清...

後面條梯係俾海底漫遊既人落黎(即係好似太空人o個d)

yeah, 我成功啦... 真係一次好好既experiance!!!!

我地喺水裡面都半個鐘有多, 上水時d人先開始潛, 而且都幾多人, 慶幸我地一早黎到!

之後就沖身, 換衫走人...

返到酒店先11點幾, 即刻訓返陣... 游水真係好攰 (雖然我唔識游, 但對腳都要係咁踢水架...)

訓醒之後就去食lunch啦... 天氣一樣係咁好... 每日都忍唔住對住個海影相....

今次我地試下搭bus, 關島人其實人人都有車, bus主要係俾遊客坐... 紅色既叫lam lam bus, 我地係第15個站... 好容易搭...

等車無聊影... KENNETH眼中的IRIS... HAHA...

朝早KENNETH俾魚咬到既傷勢, 好彩都唔太傷...

lam lam bus

上車時同司機講邊度落車就得

one way = USD3, 好貴呀! (one day = USD10)

呢日我地去左　E記　介紹, TUMON SANDS PLAZA既JOINUS(唔就得個日文名), 食日本Teppanyaki... 係我地前面煮, 不過一d都唔覺油煙...

ice tea and salad

我地叫左2個set menu, 有beef, chicken, salmon, prawn + some vegies...

好味... 不過beef有少少overcooked... prawn係用bacon包住, 最好味!

食完lunch我地就行返去DFS搭free shuttle, 都只係行10分鐘, 慳返USD6!

返到HOTEL我又去玩水同影相, KENNETH就晒晒晒...

玩左一陣我地就返房沖涼...

其實我帶左件淘寶婚紗去架... 不過我無膽著住婚紗落下面影相... 2個人自己幫自己影好似好傻咁... 所以只於房同露台影... 唔緊要啦... 都係留個念啫...

自己幫自己化既妝... 不過不失吧...

跟住就去食DINNER啦... 我地又去返PIC對面既Royal Orchid, 今次食ribs & steaks!

TONY ROMA'S (香港都有但我地未試過, 不過始終唔同地方應該唔同既)

因為唔見左張單, 唔記得order左既野叫咩名...

KENNETH'S:

我既:

都幾大碟, 不過係RIBS, 所以我都食得晒... 我地兩隻RIBS都好好味, D肉好"淋"唔痴肉, 用刀叉食都好容易... 我o個幾隻蝦都好好味, 係燒過... KENNETH 個薯蓉都好味, 不過KENNETH o個2舊steak就一般, 計埋beer同ice tea, 呢餐成USD70, 雖然貴D, 但真係好好味!

呢度好FULL架, 好多人等位, 我地都係坐BAR枱先快D有得坐 (太餓唔理啦!)

第2日就要返香港啦, 食完DINNER之後我地就行去KMART買手信... 行過去都只係10-15分鐘, 我地酒店個location好好...

之後我地返酒店樓下既Haagen Daza食雪糕... 日日經過都話要食, last night in Guam, 一定要食啦... 比香港平少少, 不過唔多, 但有好多款色, 有smoothy, sunday etc., 我地仲好飽, 只係食少少...

要返房執野啦 ...