馬灣遊

五月初嗰時天陰陰，唔太熱，同老公一齊攞左一日假陪包包。一日計劃去我地結婚嘅地方-- 馬灣公園！

上一次黎已經係我懷孕前啦，今次就三人行 (^_-)

夾啱時間去荃灣西坐船。

包包第一次坐船，因為太stable無咩感覺。一向怕晒嘅包包更加不太願意望窗外風景！

落船無耐包包就訓左，而我地就把握時間食個lunch..

好可惜食到一半佢就醒左，因為個waitor喺度咳好太聲嘈醒包包囉！好心啦已經無咩客，見到bb訓緊都唔回避下，好激氣呀！

之後我地就去沙灘玩。今次黎嘅其中一個目的就係畀包包掂下沙同水！

老公未等我(同個相機)ready 就抱左包包去掂水！當然同我預計嘅一樣，包包唔太鍾意！

為防佢扭計，塞左個奶咀畀佢。

再黎掂下水水先！其實嗰日有啲涼，啲水可能凍呀，包包勁唔鍾意！

老公話我點解阿仔喊仲掛住影，哈哈！我話係佢第一次踩水，緊係要影低佢啦！而且包包只係扭，都無眼淚嘅。。。

好啦，mama呵返！

唔踩水，踩沙啦！
但心情麻麻嘅包包都好唔鍾意呀！

mama玩飛飛氹返開心先！

mama抱抱安慰返

見包包無咩野，老公話要試多次，因為佢覺得包包係鍾意玩水嘅！

結果當然又喊啦～ mama papa 好似好衰咁！

到坐低，包包依然表現得好不安，要出動星星餅！

等天氣熱我地再試過啦！
我地就繼續行公園。
一去到公園嗰邊即刻寬容返晒！呢個bb變得幾快！

影返啲靚相先！

包包對花花好有興趣，成日想摸。

平日黎真係無咩人，好寧靜好舒服！
喺咁舒服嘅環境下餵包包食支奶，之後我地就回程啦！

慢慢行，好舒服！

又畀papa强吻(^_^;)

過了愉快的一天！