而派碌堆就係通知人地我家今年會點燈，到時記得黎食粥呀！
碌堆係解煎堆碌碌，不過依家賣煎堆嘅人愈來愈少，取而代之嘅係派蛋糕仔。
呢啲傳統野，當然又係我奶奶負責。我當天要上班，沒有看到奶奶每戶派嘅情形，只在上班前影低呢幾箱蛋糕仔。
奶奶話派左六百多個。。。。
圍村人真係多野派。。。
其實我同老公結婚時都派過一次。。。
都係嗰句，開心事，唔計較得咁多。
奶奶都有按傳統，買左三十個煎堆，但就自己人先有得食。
每個門頭四個蛋糕仔一個煎堆。
新鮮熱辣嘅煎堆真係好好味呢！
好期待今年嘅正月十五，我已經請定假啦！
睇你嘅分享好開心呀, 我好鐘意傳統嘢架, 但有感依家好多嘢都變晒質喇, 好開心依家香港哋仲有圍村人咁守住傳統唔俾佢流失
ReplyDelete期待你更多嘅分享
其實我都覺得好幸運有份經歷，我都怕去到我個仔嗰代會無晒呢啲習俗
Delete我知有點燈, 但派碌堆真係唔知, 哈!
ReplyDelete我之前都唔知架
Delete原來叫碌堆架?? 我一直都以為叫"屋堆" XD
ReplyDelete我都係問我奶奶咩叫碌堆我先知呢個term!
Delete好得意呀 ~~
ReplyDelete聽你講先知點燈前要派煎堆畀人，期待你分享點燈嘅盛況呀
ReplyDelete我個仔都有派蛋糕呀! 上兩個星期派完, 無派煎堆~ 又但情人節當日點燈, 我都已經請定假了~^^
ReplyDelete圍村人的傳統真係好開心，好特別呀
ReplyDelete