成都麗江婚照之旅 - Day 7

2010年3月25日

成都麗江婚照之旅 - Day 7

呢一日我地都係好HEA呀... 我地瞓到晏一晏,之後就出古城食野.... 我地出客棧時,老闆話以為我地之前一晚無返黎瞓,我先醒起我地番客棧時無打招呼就上左房,要佢地擔心真係唔好意思呢!!

我地去左間地道D既餐廳,不過唔係幾好食,好油.... 左邊o個碟好辣好油,我地唔係幾食到,右邊o個個係招牌面線,有D蕃茄,不過都係好油... KENNETH飲緊o個杯係"螺旋藻茶",成rmb10架... 但個味好怪,真係唔知咩黎!!! 真係幾"特別"....

之後我地就行下街街,一路慢慢行上萬古樓既古城最高點... 沿途好多花,心諗如果品果有影呢D花一定好靚!

經過好多大石級,又經過我地前兩日影相既客棧,重見到品果人員(不過唔係王剛TEAM).... 終於到左萬古樓,不過..... 原來要俾入場票,RMB15一位!!! 唯有o係門口影幅相算啦~

我地於決定唔上去,INSTEAD去左隔離既CAFE飲茶... haha

從屋頂影既古城,真係好靚,不過呢日天天陰,好大風....

呢壺茶成RMB40, 都係飲環境啦~

之後.... 我地居然o係古城最高既地方吵大鑊!!!! 詳情唔寫啦,不過KENNETH,我一生都會記得架!!!

跟住我地諗住去束河古城行下,但因為天愈來愈陰,天氣愈來愈凍,我地先番客棧換褸,再去CROWN HOLIDAY打車... 個司機開價RMB30,我話"打錶",但佢唔肯,話o個邊無客,最後講價至RMB25... 原來束河古城就o係品果基地再行過D...

束河古城同麗江(大研)古城真係好唔同,束河古樸好多,D人少好多好多!!! 而且好多馬,係D人既搵錢工具,如果唔係拉市海俾左錢騎馬,我都可能會幫襯!

有好多好靚既客棧,重有D著民族服既人.... 而且條街真係唔多人....

好靚既花田菜田

難得既合照...

束河古城唔大,我地好快就行完... 大概6點我地就去食飯啦~ 去麗江之前,KENNETH就已經話要試一魚三食,於是我地就去左花馬街一間好有名食三文魚既餐廳... 我地打車去花馬街只要RMB15,花馬街係一條好多餐廳既街,其實係大水車再行十分鐘就係,D餐廳都係大餐廳,除左三文魚,重有土雞鍋,腊排骨鍋等等,好多唔同既餐廳架,如果多D人一齊食,其實都唔係貴...

打車時只要話去花馬街食三文魚,佢地就識車你去呢間野(我唔記得影門口呀!)

我地入到去問價錢,平D既RMB38一斤,貴既RMB118一斤,咁我地就話食平既啦,跟住個男人就帶我地去選魚,原來係即kill即煮!真好彩,因為最細o個條都3斤幾!

真係睇住佢網條魚上黎然後"卜濕"佢再肢解...

跟住我地就坐低等食,呢set魚生"用具"收我地RMB40!!!

一魚三食之一: 魚頭尾落火鍋,我地真係低估左呢條魚,我地重叫左牛肉同D菜/菇(麗江D菇好好食)....

碟牛好靚,都係RMB28

一魚三食之二:魚生!!!! 大家睇下幾壯觀!!!!! 

一定要同佢地合照!!!!

一魚三食之三:炸魚皮 (同HK食既差不多), 支啤酒係KENNETH order既

最後我地當然食唔晒啦,我地將食物打包,連wasabi同source拎番客棧,諗住俾老闆同老闆娘食... 餐廳重幫我地放冰打包,埋單RMB25X, 其實咁多野食真係唔貴,如果四人就剛剛好啦~

HAHA.... 睇下我地既"戰績".....

之後我地就打車番客棧,打車都係RMB11(係打錶),直達興文小學...

番到客棧,原來佢地呢日晚飯係火鍋!!!!! 好多人一齊食,好熱鬧呢,如果唔係已經飽到嘔,我地都想一齊食!!! 老闆娘重話無問我地拎電話,想話打電話叫我地番黎食飯,真好人呢!! 而我地打包既食物就正好俾佢地一齊食!!! 太好了.....

呢晚係我地留o係麗江既最後一晚,我地都好唔捨得,特別鍾意呢間客棧,KENNETH為客棧影多兩幅夜景相,真係好靚....

睇下萬古樓幾光幾靚!!!