2010年4月2日
我同KENNETH拍左拖咁多年,雙方父母都未正式見過面.... 而我地攪結婚咁耐,到宜家先安排佢地見面真係有D唔好意思,好在大家都唔介意...
老實講,前一晚我都有D緊張,我特登同媽咪講如果對我有咩不滿或要求千萬不好同人地爸爸媽媽講,媽咪就笑笑口咁話,放心啦~ 
o個刻我先知原來自己真係過份緊張呢~
我地去左旺角新世紀鴻星,地點方便兩家人屋企,而鴻星既地方坐得好舒服,服務都唔錯!
估唔到我爸爸媽媽咁多野講,連鄉下有咩親戚都講埋,有d連我都未聽過!我一路聽就一路笑.... 幸好成餐飯氣氛都好好,重算放下心頭大石!
又完成一項重要任務!!!!
我地就係食左呢個餐, 都幾好味架... haha....
一個開心既晚餐, 係一個好好既開始~恭喜恭喜!!
ReplyDelete[版主回覆04/06/2010 01:46:00]多謝
其實我BOOK左酒席同影埋相都未見家長
ReplyDelete好彩相方家長都唔介意
[版主回覆04/06/2010 13:31:00]有D人一開始就見家長... 所以覺得自己有D遲.... HAHA... 估唔到大家都差不多....
我都未安排雙方家長見面呀,好驚到時無野講,會dead air...我成日都好擔心這個項目!
ReplyDelete[版主回覆04/06/2010 22:28:00]D老人家同老人家可以好多野講... 講下親戚朋友,講下上當年,又講下我地結婚個日佢地會著咩衫...咁就一餐飯... 唔使擔心呀