包包一歲(1) : rainbow birthday party

包包一歲生日會，由佈置到食物都由艾利絲一個人負責，對於成果好滿意，好有滿足感！

其實只係一個小型嘅home party，食物大部分也是親手製作，出席的都係親人，包包當日玩得好開心，雖然包包未懂事，但相信長大後看到相片都感受到當中的快樂！

生日會以rainbow為主題，希望包包往後的人生如彩虹般燦爛。另一方面，如此colorful嘅setup，應該大人細路見到都好開心吧！

所有汽球佈置都係淘返黎，但係艾利絲花左好多心思去構思同準備架！

全枱食物除了生日蛋糕，都是艾利絲親手做，我還請了半天假準備食物呢！

chocolate muffin, 內有Hershey choc chips, 插上自製sticker, 又好睇又好味。cake stand 來自淘寶。

自家製New  York cheese cake, 老公至愛，大家comment話好味過個birthday cake 呢！

仲有彩虹生果串，配合主題之餘又真係好eye catching ~

生果串對上係醉雞翼，右面係Parma ham with melon... 好味呀～

rainbow jelly，呢個係花得最多功夫嘅食物，要一層一層整，每層要雪一個鐘，雖然我已經早一日開始整(已整10層)，但最後都唔夠時間整最尾紅色嗰層，有點美中不足。

仲有tuna salad on french toast... 

另外就係生日紅雞蛋，為免大家食到手指紅晒，所以用玻璃紙代替。

另一邊有瑞士汁雞翼，大人細路都鍾意食！

時間緊迫，party開始，親友都到晒但我仲未換衫化妝！但有左之前包包滿月時嘅經驗，點都影啲相先，免得如上一次咁一出房面目全非！

呢個時候包包就做佈景同大家影相啦～

(親友相片不便出鏡)

所以我係最後先同包包影相，佢已經好唔耐煩啦～

要咁樣先得，哈哈！

包包，mama為你準備的生日會，喜歡嗎？

包包的birthday cake，都有rainbow架，係咪好靚呢！

叫左所有小朋友埋黎唱生日歌，睇返video包包個樣好開心。到吹蠟燭切蛋糕啦～好明顯包包唔知發生咩事，哈！ 

經過一輪影相影相再影相，終於可以開始食野啦～

食完野嘅我當然要把握機會影多啲相！

close up

另一邊掛上包包12個月嘅旗仔，一次過睇到包包呢一年嘅成長。4-5月時最肥豬呢！其實我仲買左好多decorations，但無時間掛上ja.... 

呢個小朋友好唔鍾意帶帽，好不安嘅樣，哈哈

最愛檸檬茶盒

btw 包包個look係咪好smart呢？！

玩波波玩到好開心

仲周圍搵人同佢玩！

包包一向對少見嘅人都cool爆，呢日喺自己地頭開party，即刻唔同晒，個個都話佢成日笑好可愛，估唔到喎！

把握機會，影多啲相！

食粥仔整污糟件衫，換衫再影，hehe

有帽同無帽個表情爭咁遠嘅？！(^ω^)

呢日真係好開心！雖然mama我攰爆，但真係好多謝每位出席嘅家人，同你地嘅禮物同利是！包包好多人錫，能夠給包包一個溫暖的家，真幸福！

包包，希望你繼續健康快樂，happy birthday, happy everyday!

中秋節快樂

艾利絲好耐無寫blog，因為忙於包包一歲生日呢！

中秋其實都無咩點慶祝，因為忙完生日會好攰，哈哈~

身邊家人好好，話驚唔知包包啱玩咩燈籠，畀左利是我，所以就由mama我買啦～本來想帶包包自己去揀，但去元朗真係又熱又迫又多人，都係下年先，反正包包都未識玩。

mama我買左個飛機燈籠，個音樂都幾好聽架(最驚嗰啲又嘈又走音嘅音樂)，但可惜包包一啲都唔欣賞，我覺得可能太大個(^_^;)

包包上年嘅中秋仲係一個係咁訓嘅bb ja....

預告一下先，包包一歲生日會好順利啊，一定要好好blog低，等我呀～

行行行

包包好鍾意行路，依家抱住佢佢會lur落地，困佢喺圍欄又會大叫要出來！

當然包包未識自己行，要我地拖住佢行，攪到好唔得閒，我最近仲成日腰骨痛呀！

我地無刻意同包包練習走路，由佢自己發展，但佢就自己成日喺圍欄練@_@

自己企唔扶住，係咁跌又係咁爬返起身，見到我仲會嘗試行過來我度。

看來包包係個幾大膽嘅小朋友，又或者係一個好"好動"(希望唔係曳)嘅人呢~

11m1w，可以行幾步

包包11個月成長紀錄

又遲左兩個星期，因為我最近又畀包包玩謝，唉～

重

• 沒有磅重，下個月返健康院便知道了
• 感恩包包雖然厭奶但唔瘦

食

• 食不嬲都係包包最麻煩之處！上個月已經開始2奶3固。但呢個月固體食少左，成日都食唔晒一碗，唔知係咪夏天無胃口。
• 而飲奶呢個月就好左，好多時都飲到5-6安！正當我滿心歡喜以為包包已過厭奶期嘅時候，呢個星期又黎料(有機會再寫)，唉。
• 10個月成長紀錄度提過，包包要睇住迪士尼開餐。我都知咁做係唔好，見呢個月飲多左奶，就同姐姐講盡量唔好畀佢睇電視。如果包包食多過半碗，佢扭計唔食就由佢。結果最犀利係連續4日無睇過！但係當包包眼訓同忟嘅時候，就好難餵到。所以依家一日三餐固體裡面都會有一兩餐要睇住食，但我覺得有進步啦。

訓

• 包包大個左就唔使訓咁多，好多時要迫佢先肯午睡，於是呢個月由三個nap減到兩個nap。但兩個nap嘅時間仲未調節好，所以有時到食mum mum時佢會好眼訓，繼而扭計捽頭r面叫救命死都唔食！
• 夜晚就ok，會同佢喺大床玩10分鐘，9點放落床可以自己訓。但就有時會想起身，要企，我就㩒返低佢，要佢訓。睇到佢訓著先走開。半夜少左醒，我認為係因為飲多左奶所以好訓左 (可惜呢排又厭奶我又無得訓)

行為

• 可以唔扶企幾秒
• 勁鍾意行，成日lur落地行
• 可勉強單手畀大人拖住行，唔使兩隻手 (有少少唔穩但包包就好鍾意)
• 最鍾意入廚房，我地通常唔畀佢入，但有時見廚房乾淨都會畀佢入，佢就會笑得好開心
• 終於肯byebye啦，mama真係好感動！
• 飛吻識放隻手仔埋咀，但唔會飛出來，instead係順便啜下手指 XD
• hello 同拍手依然教極都唔做
• 包包好少喊，見到唔鍾意嘅人只會痴住mama papa同露出極不滿同cool爆嘅樣
• 呢期最鍾意講"曳曳曳x n次"加個好肉緊嘅樣，通常係投訴緊
• 終於聽到mamamama呢個音啦，雖然唔一定叫緊我，但我都當係架啦～都聽過babababa但少啲
• 愈來愈多笑容，一笑真係冧死人~

認知

• 聽得懂自己中文名同包包
• 英文名暫時未識
• 好明顯認聽"no"，但有時會笑笑口明玩野
• 其實包包真係無咩係識。。。。

牙齒

• 終於出算二隻牙啦～
• 所以呢期勁牙痕，咩都咬，仲成日好忟！

睇相

好牙痕呀～

日日都要"坐"單車

大少樣又出來，同你影張相啫，使唔使咁不滿呢

可以唔扶企到幾秒 (呢件衫好明顯唔啱著，唔知點解姐姐仲畀佢著！)

mama好鍾意你笑呀～

有人又投訴啦～

第一次試影證件相，失敗 。。。。

充滿期待嘅眼神，等緊papa同佢玩

沖涼照(男仔唔緊要啦)，剛食飽有肚腩仔

同papa玩波波

有人扭計中

包包's good friend Barney，連腳都唔放過

咬完再㩒偏，poor Barney

勁速爬行

喊完又笑嘅樣

可單手拖住行啦～ (未係好穩)

papa用冰水凍包包面面，佢就勁開心

咩事咁開心？咪就係睇迪迪尼囉 (>﹏<)

見到你笑就真係咩煩惱都無晒(^ з^)

依家勁難幫包包影相，我一拎個相機出來佢就極速爬過來。包包你已經頭大，你咁樣影出來個頭仲大呀～

呢個月嘅聖安娜菠蘿茫果蛋糕，我個人覺得唔好食，好甜~ 無兩個一字，用左2支candle，好怪，哈哈！無辨法，返到屋企先發展！

媽媽的話

呢個月真係幾開心架，包包飲奶多左，又出新牙，活動能力又高左，仲識左byebye同mama添！雖然認知同指令依然慢少少，但我相信每個小朋友都有佢叻同唔叻嘅地方，mama會同包包一齊繼續努力！

包包嘅反應，表情同笑容都多左，呢個時候嘅包包真係好可愛好可愛！無時無刻都想錫啖佢攬住佢！好唔捨得佢大個呀～

mama loves u forever~

表姑姐婚禮

剛過去嘅星期六係老公表妹結婚，也就是包包嘅表姑姐。呢日算係家族盛事，大家都好期待同開心。

包包當然要靚靚仔仔咁出席啦～

mama買左個bowtie仔，個個都讚包包個look好smart呀～

呢日包包好興奮，滿埋飛，完全唔想停。

要捉住佢影相有難度！

其實包包係未識行架，但佢又好鍾意行，要滿場飛都要有人"的"住佢行。我同papa就輪住同佢行，攰到呢…

唔畀人抱，要落地！

畀張八達lon佢玩先畀人乖乖抱。個個抱親佢，唔使三秒就要返mama papa度.

影完大合照就要餵粥仔。
八八卦卦嘅包包例排唔正經食，只係食到大半碗～

食飽有肚腩仔~
近排好鍾意玩鏡。

要一讚嘅係包包呢日表現好好，平時cool爆嘅佢見到咁多陌生人都無扭計。仲同人地有玩有笑！

最最最估唔到嘅，係新人進場時大家坐好晒，包包都好乖咁坐喺bb椅，仲好乖咁一齊睇成長片段！由新人進場/致辭直到開席都無扭過，簡直唔敢相信呀～

個個都讚佢乖同定呢～

但mama我就知道，呢個bb因為上完playgroup加剛剛滿場飛左咁耐，無電就真，哈哈！

同新人影相時都好合作呢！

平時9點上床嘅包包，去到9點幾已捽眼。去到敬酒時就出門口暗佢訓，再放bb車訓。返到屋企已11點幾，包包都醒左一醒，食支奶就再訓。第二朝仲歷史性地訓到9點咁晏先起身呢！(平時7點幾就醒架啦)

呢一次係包包第一次正式去飲，之前去過幾次都係証婚/家人食飯only，表現唔錯，以後可以多啲帶埋包包去飲啦～

diy證件相

之前包包已喺快圖美影過證件相，see here.

黎緊要apply n 班，嗰張相人地睇到應該唔會收佢，哈哈！所以我想影張靚啲嘅證件相。見咁多blogger都自己影咁我就試下啦。

影左n張得一張揀得落手。唔係包包郁身郁勢，係佢太cool，個樣好似嬲左成村人咁。見n班喎，笑下啦。。。。

方法好簡單：

1. 影相
2. download software photocap
3. 跟指示整8格證件相
4. save
5. 去快圖美website, upload save左個file，晒4R相，$1.3 一張，min. charge $12
6. 第二日就可以去分店攞

其實有穿崩位，左下角係papa隻手，為左唔太覺，將包包個頭整大左 (￣∇￣)

算係咁啦～

腳仔

bb大得快，估唔到腳仔都大得快~

包包上playgroup要著襪，但一堂裡面甩襪幾次，我諗啲襪仔已經大細了 (我買一pack幾對嘅襪，所以一唔啱就全部都唔啱了)。

呢日著了新襪仔就無再甩啦。

而呢對襪係朋友喺台灣個幾月前買嘅，我仲話咁大隻下年先著得，點知轉個頭就啱著啦~

好多朋友鍾意送襪仔，所以包包好多未著嘅襪仔，睇黎要快啲著啦～

叔公叔婆喺沖繩買對鞋仔畀包包，6-12 months size，點知有點迫，包包唔鍾意呀～嘥晒 ~

我也要為包包物色新鞋仔了

腳仔大得快證明包包在不斷成長，包包豬，要繼續健康成長呀～

送上兩張可愛相 (^ з^)