2011 Melb+TAS之旅 Day 3 @ Tasmania

前言

我地只去4日, 所以太遠太"山卡拉"既地方無去到...
而且由於我倆在Melbourne住過幾年, 又去過澳洲其他地方, 所以對於farm, zoo, vineyard etc都興趣不大...
所以呢次去Tasmania主要係休息同食oyster, 行程比較hea呢...

呢個就係我地今次行程啦:

 

2011年10月24日

Day 1 @ Tasmania

Melbourne > Launceston Airport > Cataract Gorge > Sheffield > Cradle Mountain

這天係星期一, 朋友仔要上班, 所以我地就自己坐車去Southern Cross Station 再坐skybus去機場, 無車真係好唔方便呢...

呢朝早好涼, 坐skybus見到出面落住毛毛雨, 心裡希望TAS唔好都係咁既天氣呀!

去到機場, 我第一次坐jetstar, 估唔到個counter都幾大而且好多人排隊! 條queue好長又行得好慢(澳洲人係咁gala), 攪到我地好心急...

我地2個係無寄倉行李, 見到個area中間有些self check-in既machine, 好疑惑, 係咪用得ga? 但又無咩人用既? 見到有人用, 部機print左張好似supermarket既receipt既野, 心諗咁"流"都係唔好試...

點知我地排左45mins去到個counter, 佢連id都唔check就俾左2張好似supermarket既receipt我 --> 其實係broading pass!! 即係同個machine一樣, 早知唔排咁耐啦...

domestic airport, 個天黑晒!!

around 1 hr 我地就到達Launceston Airport啦... 個機場好細, 一入室內area已見到租車公司counter...

我地用既係BUDGET, 個staff講解一大輪之後, 就叫我地自己去carpark攞車(有問題先返去問佢喎!), 最令人擔心既係佢居然無map借, 叫我地自己買or去info center拎, 但info center既map都係細細幅唔太detail既... 無法啦, 唯有信個GPS!

呢架就係跟我地4日既車仔, 都幾新, 睇miles都唔係行左好多, 隻色都幾sharp, 唔錯!

14:30

我地既旅程開始啦....

因為已經係下午, 好多景點都就快關門, 所以我地呢日無去太多地方...:

開車20 mins 就已到Launceston town, 我地第一站係Cataract Gorge:

Cataract Gorge-The Basin Chairlift
Basin Road, Cataract Gorge, Launceston, TAS 7250
Daily 9am-5pm
TEL: +61 3 63315915
http://www.launcestoncataractgorge.com.au/
Costs: Adult A$13 one way (return by walk)

一開門, omg, 超凍!!! 望一望, 架車show室外溫度係11度! 而且天陰陰好似就快落雨...

旅行的心情總是愉快的, 我倆立即著上大褸, 去買ticket! 其實呢度係一個公園, 除左坐chairlift仲可以行下賞下花...

我就係為左呢d chairlift黎呢度, 又驚又凍呢...

嘩好高呀!


見到隻孔雀o係屋頂! 原來呢個park有好多孔雀架...

宜家係澳洲既春天, d花開得好靚...

如果天氣好, 一定更加靚呀...

可能因為平日, 天氣又唔太好, 個park無咩人... 好在無落雨, 我地坐chairlift上去, 再行落黎, 都係半個鐘, 慢慢行, 好舒服, 千萬唔好買return ticket呀!



D孔雀周圍行, 一D都唔驚人!


有條橋




橋下面都好靚


連D樹我都覺得好靚, 好青, 好有層次, 好有春天感覺




望返轉頭, 原來我地行左一個圈啦... 圖中一粒粒o個D就係我地頭先坐既chairlift....



其實前後都只係用左less than 1 hr...

行緊時kenneth已經話肚餓, 仲話山下有間mcdonald, 咁就食左我地o係TAS既第一餐...

McChicken香港已經無啦... kenneth呢個Grand Angus都係香港無既... 味道就普普通通ja......

食飽飽之後我地就去supermarket買野(入town後會見到左邊有shell,右邊就係coles), 買d水呀零食咁, 最重要既係買早餐, 因為呢2晚既hotel都係唔包早餐 (可以畀錢加早餐但好貴呀)

下一站: Sheffield, 由Launceston 駕車去大概1 hr 10 mins...開車去Cradle Mountain 可順道黎呢度...

開車啦.... 我地第一程長途車!

Sheffield
Sheffield Rd, Sheffield TAS 7306

呢個town之所以出名, 係因為佢有好多壁畫, 而且Eason介紹過, 所以基本上所有香港人都會去...

我地搵Eason幅畫搵左好耐, 原來o係info center隔離ja!

d壁畫真係好靚...

反而Eason幅畫就.......

順帶一提, 我地黎到呢度大概5點多, 成條街都好靜, shop關晒門, 人影都無...

逗留左半個鐘我地就走啦... 目的地係Cradle Mountain!

Google Map 話 52mins, 我心諗一個鐘都到啦... 澳洲呢個時候成8點先天黑, 天黑前應該到...

點知... 個gps帶我地兜路!! 最近路線都要個半鐘!! 我地又無map, 唯有信個gps啦... 一路行個心一路驚, 沿途少車之餘, d 山路又彎, 心諗個gps會唔會點左我地去第二度架?? 個天就黎黑, 黑蚊蚊又無燈開車好危險架喎!!

仲要留意馬路上好多時有動物body, 係畀車車死左, 所以我地都好驚有小動物走出黎... 我地就o係近Cradle Mountain位置見到隻wombat "lan"過, 好在佢就快過完馬路而後面又無車ja... 由於趕時間我沒有拍照.

好好彩, 我地7.30pm終於到達Cradle Mountain! 車外溫度係3度!!

我地入住既係:

Cradle Mountain Chateau
3718 Cradle Mountain Road, Cradle Mountain, TAS 7310
http://www.puretasmania.com.au/default.asp?pID=54
Cost: Deluxe Room (A$148) (breakfast not included)


一上Cradle Mountain Road無耐右手邊就見到

Cradle Mountain只有2間hotel, 另外o個d都係cottage... 我地呢d城市人prefer住hotel, 因hotel有restaurant(所以成個山頭只有2間restaurent), 唔使自己煮!

另一間hotel就係比較出名既Cradle Mountain Lodge, 揀Cradle Mountain Chateau主要係因為平d, 無其他原因!

大堂都唔錯



入到房settle down都8點幾, 立即去食dinner, Cradle Mountain Chateau只有一間restaurent同一間coffee shop, 無選擇下食左個A$30 each既buffet!! 有set dinner but 比buffet仲要貴!!

food 不過不失, 但choice好少, 真係好貴呀! (kenneth話早知自己煮仲好呢, 因為supermarket真係好多野買)

返到房, 打開window, 見到幾隻wallaby呀, 係細種既袋鼠, 佢地一d都唔驚人呢!

房間有點舊, 但算乾淨整齊, 3人房同2人房一樣價錢, toilet有暖燈, shower時都唔怕凍!

第一晚我地都訓得好好呢...

(不過.... 後來hotel send左張bill, 話我地開左支ginger beer, A$5!!! 真係過份呀, 我地都無飲到, 就咁就charge我credit card, 你話咩都得ga la!! 估唔到澳洲人都係咁呀!)

 

 

 

 

 

 

 

 

 

F.O.V. (賣晒啦)

我d F.O.V. 賣晒啦.... 有人一次過買晒而且唔要我d gifts...
如果有人對我下面既products有興趣即本出價, 我只係唔想佢地阻左屋企!!

==================================================

去澳洲前, 我老爺突然同我地講話樓梯底仲有好多FOV... 無錯, 就係我地結婚時剩既FOV!!

一望之下, 居然有十支咁多!!

 點解仲有咁多支?? (我都好疑惑呀!?!)

所以我宜家以超市價7折出售! 希望盡快散晒佢地!

我從來都無出售婚後物資 (太煩唔想攪), 所以宜家買2支我就送一樣禮物(可自選), 買4支就送兩樣...

希望盡快清晒佢地.... 而且澳洲trip用左好多錢, 幫補下都好, haha....



 

請私人留言! (可mtr交收)

可揀選之禮物:

1. 喜字cushion

2. 易拉架 (淨架)
(join金都"專業製作"既朋友, 佢個易拉架係要租架, 而o係eprint, 一張banner只需幾十蚊, 有呢個架, reception就有多一個搶眼位啦)

3. 攔門紅球 (接新娘時攔門用)

4. poppers (酒樓送的但我無用到)

5. 紅傘 (只在我出嫁時用過一次)

6. 紗網 + 絲帶 (用黎做花車裝飾), 仲有好大卷



7. 花車用紅布2條





8. 女婿紅 (回門時, 老公要將呢條女婿紅掛在頸上, 然後將外母回既利是放於條"紅"既袋裡, 離開女家後先可以除, 呢樣野係我奶奶話要做架, 而呢條紅係搵人特製成hk$100條架!!)

 

婚後第一次做姊妹

前一篇有提到, 我的好友F小姐11月6日結婚, 呢日我就係姊妹團之一!!

呢日我六點半就要出門口啦....

新娘子好細心為我地搵晒化妝, 個個姊妹都靚靚!!

不過最靚既當然係新娘子啦....

個頭SET得好靚, 新娘子面尖尖, 化上新娘妝真係好靚!! (我都想我塊面咁尖呀, HAHA....)

成朝好忙都無時間影相....

因為朝早GAMES要跳舞又要食屎, 好多野準備, 係新娘子指定要玩架....

不過D兄弟真係好玩得, D姊妹又好斯文, 我第3次做姊妹, 連同自己結婚, 第一次見D姊妹唔夠兄弟黎, 真係俾佢地激死!!!

上車去男家啦... 每個姊妹都帶上小皇冠...

因為佢地夜晚會於紅磡海韻軒澄天閣擺酒, F小姐用了紅磡海韻軒海景酒店做男家 ....

紅磡海韻軒係酒店式住宅, 所以酒店房都好有"家"既FEEL....

呢日行程相當緊密, 離開海韻軒我地去左酒樓食LUNCH....

LUNCH之後就起程到紅棉路註冊....

都成11月, 都唔知點解呢日咁熱!!!!

我為左配合新娘子和生得高既姊妹, 呢日著左對4吋高跟鞋! 又熱又攰又眼訓....
唯有影下相KILL下TIME啦....



呢日既姊妹裙個個都話好靚!!! 不過都幾DEEP架.... 個個姊妹都變得好"有料"呀......

 

終於到註冊時間啦.... 好多人呀, 成間房坐爆晒, 我地都係企ja....

新娘子宣誓時喊晒, 攪到我都眼濕濕....  (諗起自己結婚時唔知點解無喊仲好開心, haha)



成個過程真係好快呀, 好快我地就要離開, 立即列隊拍掌恭喜恭喜!!!



新娘子既婚妙簡簡單單, 好襯佢....



佢地就係超玩得既兄弟!!



把握時間同新娘子影相!!

註冊之後又要趕返海韻軒啦....

第一次去呢個場, 真係唔錯, 樓底好高又無柱.... 廿幾圍已經可以包場....

 

新人影左n輯婚紗相, 勁!!! 除左財力洪厚外, 新朗哥都好好呀, 肯影咁多輯!!



呢日我要坐reception呀.... 真係好攰呢.... 而且要留守到最後....



無得影相, 又無得睇march in 呀!!!!!!!!   好難得先可以捉住一對新人影相!!

同老公既唯一合照, 成晚都好忙, 冷落左老公tim.....



夜晚我攰到無胃口食野, 無力氣無影相....

不過新娘子既晚裝我都好鐘意, 再一次飲恨自己結婚時揀唔到自己喜歡既晚裝!!! (女人仔係咁煩ga la, haha...)

新郎仲唱左首"愛你一萬年"同99支rose俾新娘子, 好romantic呢!


呢日真係仲忙過自己結婚o個日!! 著左高跟鞋十幾個鐘, o係女家男家註冊都係企, 天氣又熱, 坐reception又要起身坐低起身坐低, 好辛苦... 第2日仲要返工, 攰到好似俾人打完咁....

不過好友結婚, 我都好替佢開心.... 知道佢地經歷好多野先行到結婚呢一步.... 新娘子雖然身體有點毛病, 但有super細心溫柔既父母, 又有super有耐性既老公, 都相當幸福呀.... 我相信知足必定常樂的.... 加油!!!!

(我爸是個super潮州大男人, 我媽有6個孫要理真沒空理我呢, 而老公係個super唔細心既人, 所以新娘子已經好幸福ga la, hahaha....)

祝你們永遠幸福快樂, 相愛到老!

 

 

 

 

 

Tasmania 之旅有用資料

為左去TASMANIA, 之前搵過好多INFO, 放係度希望人地有用啦....

自駕
相信好多人去TAS都會選擇自駕, 以下係好多人會問既野:
- 澳洲駕車要國際牌嗎?
其實澳洲係ACCEPT香港車牌(因為HK車牌係in english), 但有一D租車公司會要求DRIVER有國際牌, 所以我地都有APPLY國際牌以防萬一

- 香港無駕開車, 可以自駕嗎?
TAS既HIGHWAY係可以開到100-120, 行得慢會係咁比人爬頭, 同時又會有需要成日爬D行得慢既頭,會有D好似transformer咁大既truck行過, 而且要不時小心有小動物走出馬路, CRADLE MOUNTAIN 同上山/下山路都好似頭文字D既路咁, 要小心... 夜晚大部分路段無街燈, 最好唔好夜晚駕車...要小心落雨落雪能見度會低而且路滑, 如果覺得自己HANDLE到以上既野就可以GO啦... HAHA

- GPS可靠嗎?
SO FAR我都覺得OK, 只係試過帶我地行左條遠路... 有D address搵唔到, 我地就搵個TOWN OR ROAD再自己留意位置


租車
邊度租車最平? 其實好DEPENDS你自訂既行程, 可以用以下呢個WEBSITE比較下價錢, 不過都唔係100%準確! 
https://www.drivenow.com.au/

比較多人用既有以下:
www.avis.com
(出名的租車公司, 不用多介紹)

www.thrifty.com
(以前讀書時通常用呢間, 因為STUDENT有DISCOUNT)

不過我既SEARCH就話我知最平係呢2間:
www.budget.com

www.europcar.com

2間差不多, 而我最後係揀左BUDGET... 不過價錢都會因為你想要既VEHICLE TYPE, DAMAGE COVER, GPS 等等而有所不同!!
要留意有時租車公司係有PROMOTION, 可以CLICK入"PROMOTION", "HOT DEALS" 等等望下, 如果唔CLICK入去BOOK, 係會用NORMAL PRICE架!
而我發現www.europcar.com.au 係會有多D DISCOUNT (compared to www.europcar.com )
www.budget.com & www.budget.com.au 又會有唔同PRICING, 所以真係要CHECK多幾次!!

GPS
除左可以租GPS之外, 其實如果香港有駕開車, 可以去鴨記買個GPS, 佢地可以免費DOWNLOAD埋澳洲MAP, 因為同租車公司租GPS係一日一日咁計, 都幾貴, 計埋同你買一個差不多!!! 當然, 租車時要問下有無MAP借, 因為最好唔好盡信GPS! (可惜間BUDGET居然無MAP借囉! 叫我地自己去INFO CENTER拎/買喎!!)

FLIGHT
去TAS就要搭DOMESTIC FLIGHT, 因為TAS係無INTERNATIONAL FLIGHT (即係香港無直航去架)
最多人搭既係www.jetstar.com (佢係QANTAS既SUBSIDIARY)
可以去呢個WEBSITE 比較價錢, 都幾準:
www.webjet.com
不過BOOK就最好去返AIRLINE個WEBSITE BOOK啦....
機票係愈早買愈平, 我地一個月前買都遲左又貴左啦....


住
去TAS真係多D人著數D, 因為除左租車可以SHARE之外, 好多住既地方都係FOR FAMILY, 抵住D!! (即係2個人同4個人住都一樣價錢!!)
想知個有咩hotel同price, 可以去http://www.wotif.com/
睇o岩location同price, 就可以去www.tripadvisor.com 睇下人地既comment.

食
食係我地最頭痛既, 宜家澳元咁貴真係食咩都貴!!
choice 1: 可以住一d有廚房既accommodation, 因為o個度supermarket真係咩都有!!
chocie 2: 出街食, 就要注意餐廳既關門時間, 因為佢地好早關門, 9點後好難有野食.... lunch 通常2點or3點後就會休息, 到晚市先開返... downtown有時會有d takeaway 店賣fish & chips, 會平d, 去restaurant就當然貴啦.... 

去TAS當然要食OYSTER啦, 地點遲下寫遊記再講....

玩
我呢度唔多講, 遊記再講, 不過都係好睇個人興趣啦.... 可以由launceston玩到去hobart, 又或者倒轉, 咁就唔使走回頭路!
一提TAS既NATIONAL PARK門票都幾貴, 如果多人同埋會玩幾個NATIONAL PARK 既, 可以買HOLIDAY PASS, 抵D!
NATIONAL PARKS PASSES
http://www.parks.tas.gov.au/index.aspx?base=914

google map好好用, 可以預計到每程車既時間, 當然都要睇你既行車speed而有些出入....

寫住咁多先....

婚禮商戶評語(10) - 證婚律師梁景琨

結左婚都成8個月啦, d review都仲未寫晒, 拿拿聲寫埋佢啦...

今次我想寫既係證婚律師(婚姻監禮人)梁景琨先生...

譚英傑律師行
Y.K. TAM & CO., SOLICITORS
粱景琨
B.K. LEUNG
Tel: 9406 1628

梁律師其實係馬灣公園搵架, 因為我地個package係包律師, 但之前"多疑"既我又怕馬灣公園唔知俾個咩律師我, 自己都search過下, 發現一d出名既律師真係可以收好貴!! 真係好搵呀!

不過梁律師唔係馬灣公園既專用律師, 佢係自己接job的, 我都好慶幸我地遇到佢...

睇過咁多婚禮, 有d律師就好是旦, 只係做左佢律師應做既註冊部分, 無咩講野, 有d律師就好好, 做埋MC, 但講既野真係又老土又浮誇!

梁律師我覺得對我黎講唔錯, 佢正經得黎又唔太沉悶, 會講一d祝福既說話, 而且感覺到guests都好專心睇我地成個儀式 (有d律師講野悶+細聲, 好多時guest都無咩心機睇各自各傾計!)

婚禮前梁律師會同我地brief成個程序, 感覺安心好多...

而我地婚後, 好友J先生都搵左梁律師證婚, 今次因為時間充裕, 黃律師仲同一對新人rehearsal成個儀式, 連點樣牽頭紗同帶戒指都教埋!

我個wedding係西式, J先生就中式, 梁律師都表現好好, 最重要既係佢唔貴, 比所有出名既, 集團式既都平...

當然我知道每個人對律師有唔同要求, 只係想寫係度希望俾b2b有多一個choice...

參考:

my wedding
大日子紀錄(9) - Sweet Garden 婚禮開始

J先生 wedding (friend only)
超正的婚禮!!

難忘的澳洲之旅

我返黎啦...

呢次澳洲之旅真係難忘, 第一次去玩係咁想返香港呀!

話說老公從事航空業, 可以拎到所謂SUB-LOAD TICKET (subject to loading), 機票是係十分一價錢再另加TAX, 真係平好多架....
我嫁左之後就可以一齊拎呢D TICKET啦.... 因此我地就決定我地既澳洲之旅.... (雖然澳元真係好貴!!)

以前係MELBOURNE讀書, 所以諗住去HEA下探下朋友, 只係HEA又好悶, 所以就去埋TASMANIA啦...

去到OZ,只係覺得一個字 -- "貴"..... 咩都好貴呀, 宜家係一對8呀....

天氣就早晚溫差好大, 有時我都覺好凍下....

TAS去左四日, 租車自駕, 天氣好好, 好開心, 都好順利, 不過D野比我想像中貴囉....

星期五晚, 因為我地既TICKET係subject to loading, 所以係要STAND BY, 不過因為唔係PEAK SEASON, 好順利上到機....

星期一我地就買左內陸TICKET去TAS... 星期四返MELB.... 雖然好多人去TAS都去好多日, 但我呢D人就覺得4日都OK啦, 畢竟都係睇山睇水睇動物...

之後2日都係行下MELB啦, 因為我地都好熟MELB, 行到無咩想行... 本來星期日先返香港既我地, 就決定提早星期六零晨機返香港....

KENNETH之前一早CHECK過LOADING, 仲有三十幾個位, 上機應該無咩問題, 點知我地星期六晚去到MELB機場, 先發現QANTAS (澳航) 5PM開始罷工!!!!

CATHAY既機位立即爆晒, 攪到我地無得上機, 個staff仲話第二日2班機都已full左!!! 朋友仔車左我地去機場就走左, o個刻真係好無助呀.....

好在有電話, 即call朋友, 零晨時份打攪人地真係唔好意思呀.... 而因為零晨時份, 又唔想煩到朋友黎車我地, 又無交通工具, 我地只可taxi到朋友家, 真係勁貴呀....

之後o個日, 我地都好down, 一整日只係留意QANTAS 事件進展, 好可惜星期日件事仲未解決..... 我地無法子, 唯有去機場等機位....

 KENNETH CHECK過LOADING, fully booked, 只好去撞彩, 反正除左等我地都無咩可以做...

不過, 好好彩..... 有人no show, 我地終於星期日零晨上到機!!!!!! 只係滯留左一日, 都算好彩呀.....

呢幾日真係好掛住香港呀.....

而呢個trip都改變左我好多睇法, 遲d再share.....