Blogger bb gathering @ 啟德郵輪碼頭公園

今次係包包第一次參與blogger bb 聚會，艾利絲之前一直都好期待呢～

中午包包要同爺爺慶祝生日，包爹就話不如唔好去啟德，因為包包無得午睡。但我真係好想出席，所以包包nap左唔夠45分鐘就畀我抱左上車，而包少上車又例排唔訓，雖然係咁，但去到有得玩，包包依然係好生猛！

首先要多謝艾菲介紹呢個咁好嘅地方！
啟德郵輪碼頭嗰度好靚呀，風景好好，最正嘅係嗰度個水池，大人細路都玩得好開心！
(如果有大草地就更好啦！)

呢日艾利絲無帶相機，所以無點影相，多謝其他blogger影左咁多相再share出來，特別鳴謝艾菲同Cathy，因為佢地拎住好重嘅大機，影左好多好多靚相，真心欣賞和佩服！

去到已經見到好多小朋友喺水池玩緊。

 (Cathy 啲相真係好靚呀！)

行近啲就見到好多熟悉嘅面孔

小朋友真係好簡單，好容易開心

行到埋去，包包已經自動波玩水，唔使叫

幾開心！

後來發現Anki喺入少少嗰度，行過去一齊玩先！
包包認得Anki呀，仲喺我鼓勵下錫左Anki一啖，hehe...

後來艾利絲見到可愛嘅燒腩仔，就拉包包去同燒腩仔玩。燒腩仔好有大將之風呀XD

多謝艾菲幫包包影左咁靚嘅相

玩完水，大家就去換衫

換好衫就聚埋一齊玩啦～

第一次見到咁多blog bb，我覺得佢地都比我想像中bb樣呀～仲有blogger媽媽s，我其實都唔係好認得呢～希望下次有機會傾多啲計！

Cathy媽媽真係好呀，帶左好多氣球畀小朋友玩

包包都帶左佢個足球
同Anki一齊玩先！

巨龍似乎好鍾意呢個金色足球喎！

 

 

跟住就到影大合照時間啦～
包包坐定定等影相

見到全部小朋友都企喺身，就叫包包企啦，點知佢唔肯呀～仲差啲跌倒，嚇死我！

包包企little k隔離，我打算叫little k同包包手拖手，點知little k 唔肯，好好笑 XD

啱架，女仔應該要保護自己！

最後，就得包包一個係坐嘅 XD

Papa話佢可能真係好攰，哈哈！

影得成呢張大合照，當然係我地呢班父母嘅功勞啦～

唱緊ABC，又拍晒手，好唔得閑，哈哈！

玩完一輪，包包已經無咩電，係時候歸家啦～

黃昏嘅風景又有另一種美！

希望好快可以再見到呢班咁可愛嘅blog bb!