西貢魚排

上上個星期六，喺紅色暴雨警告下，我地同包包同啲朋友去左西貢魚排玩。

出門口時勁大風，但因為book晒野又難得約好晒啲朋友就照常出發。一早就要預備好包包嘅午餐(因為大人bbq唔啱佢食)，又要準備游水嘅裝備，真係好多野帶！

去到西貢碼頭就坐大飛去魚排，幸好唔太大雨，但都勁大風。包包坐大飛一啲都唔驚，反而艾利絲驚驚地因為我唔識游水，我同老公講如果我同包包跌左落水你記得去救包包先，好無聊 XD

去到魚排，外面仍然落雨，小朋友佢地就食下零食，追追逐逐，玩下水槍咁啦

本來plan左上沙灘玩架，但天氣不似預期，就算雨停了都有點涼落唔到水 (好在帶左件風褸畀包包)。

 

 

咁上下時間就開始bbq，包包就食自家通粉，係咁二畀左兩啖腸仔佢試下。朋友中有個bb一歲半，佢媽媽竟然無準備午餐畀bb，同大人一齊食bbq食物！@_@ 個bb食腸仔雞翼食到lum lum 脷……

 

食飽包包就發現左呢個水桶，餘下嘅時間佢長期都痴住個桶玩水 (所以mama特登幫佢換埋泳衣)

 

 

 

其中一個黎魚排玩嘅原因，就係papa想玩wakeboard…… 點知包包見papa上船走左就爆喊，係咁叫爸爸、爸爸！

 

 

同佢解釋好似咩都聽唔到咁，於是mama畀佢飲左人生第一包維他菊花茶！從此，包包就愛上呢個黃色小盒子………

 

其他小朋友都換泳衣，一齊玩水桶同水槍，咁啱其中兩兄弟嘅泳衣同包包係一樣架……

 

飲完咩咪又唔記得左papa繼續玩……

叫佢睇papa玩wakeboard都唔理我呀～

 

 

papa既英姿

 

 

其間包包唔小心跌左支水槍落水呀！

 

 

我仲以為執唔返，同包包講無lu, 跌左就無架啦～好在個船家好好，特登駛架船幫我地執！其實我諗住等papa玩完wakeboard游去執XD

玩到三點左右，包包已經無電，我地就先走啦～

坐快艇時包包攰到伏喺papa度

 

 

 

上車即刻幫包包換衫，其實呢日好怕佢凍親。

唔使5分鐘訓左....

 

 

 

以為上魚排好多野玩，好失望呀～

下次咪攪….