其實個個weekend都有同包包出街，但湊住個仔成日都唔記得影相。
呢日，相隔左2個月，去左同一屋苑嘅club house玩，發覺包包真係大個左好多。
上一次黎雖然識腹爬，但唔爬得遠，還是喜歡坐著周圍望。
呢一次，識四腳爬爬嘅包包，已經唔理媽咪，係咁爬係咁爬，去自己想去嘅位置！還特別喜歡那些玩具屋，因為識企嘅佢可以自己扶住企，仲同papa玩peekaboo!
仲有，包包已唔係一舊飯，佢仲識得搶人家玩緊嘅玩具。手多多，見人地對襪靚，成日想除左人地對襪，攪到mama我非常唔好意思！
睇相更加覺嘅係，包包長高不少了。
成個小朋友咁，朋友以為包包一歲大呢！
mama實在唔捨得bb時候嘅包包。
希望包包嘅bb樣last耐少少啦，哈哈！
另一樣好明顯長大嘅。。。。咪就係佢嘅臭脾氣囉！一唔滿意就呢個樣，"翁"埋眼耳口鼻，好醜怪呀，都唔知佢點學返黎嘅？！
雖然係咁，mama我仍然覺得包包好可愛，好可愛，哈哈！(母愛氾濫嘅媽媽)
大個左, 真係有自己既睥氣, 同時亦都好多得意野架!!
ReplyDelete係呀，成日都覺得佢啲反應好得意！
Delete我覺得包包根本就發展得好好，點解你會話佢咩都唔識架？？一定係你之前太心急了，哈哈
ReplyDelete暲瞕從來無搶過人地野，唔知係咪佢太細膽呢？但佢倒是成日俾人搶野，甚至俾人霸埋佢玩緊既地方，唔知係咪佢太細粒啦，人地完全無視於佢既存在
包包大肌肉發展唔錯，但說話同認知都唔太好呀。我覺得係性格呀，包包天生霸道大脾氣，哈哈！我唔知我係咪心急呀，雖然我承認我係緊張媽媽:P
Delete脾氣呢樣野, 我個6 個月都識! 而家D 小朋友真係好利害...
ReplyDelete咪係，都唔知點教，咁細個又未識聽道理！
Delete真係大得好快 要影多d相呀 電話都好過冇
ReplyDeleteN T哥哥，我都想，但我得兩隻手，我老公又唔鍾意影相。。。。
Delete靠自己啦 你得嘅
Delete佢仲識得搶人家玩緊嘅玩具 <== 呢樣真係要快啲教， 包包，唔可以搶架！
ReplyDelete我有教呀，但包包仲細佢好明顯唔明我講緊乜╮(╯_╰)╭
Delete包包真係大個左好多呀，不過一樣咁可愛呢 ^^
ReplyDelete搶人家玩緊嘅玩具 <---噢，希望包包之後唔會再搶啦 ><"
佢好霸道架，又一難題~
Delete"翁"埋眼耳口鼻個樣勁CUTE呀~
ReplyDelete小朋友大得好快, 要影多D呀~
係呀，但我真係無手影相╮(╯_╰)╭
Delete的確係嬲都嬲得可愛過人~
ReplyDelete佢個樣真係呃得下人架，實質惡到死！
Delete包包仲好BB樣呀
ReplyDelete希望個bb樣last耐啲啦
Delete