2016 mothers’ day

母親節前的星期五，包包學校舉辦了mothers day party, 還邀請學生的媽媽們出席。由於包包學校是新校，以往都很少舉辦家長可參與的活動，所以這次我實在感到好開心興奮!!

那天早上刻意不讓包包知道媽媽將會到學校，如常送他上校車。10:30 到達學校，小朋友已standby! 見學校仲整左個好靚嘅mothers day backdrop! 咦，唔見我包包嘅?

原來pn班係第一組表演! 出場啦~

一向以為包包屬於細粒，原來喺班內已算大粒，被安排企第二排。

呢個傻豬，見到我之後係咁笑同偷望我

音樂響起，佢頭半首歌都好內斂，只係腳仔郁少少

但後半部我覺得跳得好好呀

對於過半班嘅阿呆，媽媽已經覺得包包好叻仔啦～HAHA~

表演完，老師安排學生拎支花畀媽媽

So sweet

之後就到k1 k2 k3學生表演

壓軸係幾位高年班學生唱a little love(世上只有英文版)

雖然包包無份唱，但傻媽媽我真係好感動，感動到忍唔住喊。

You make me cry
make me smile
make me feel that love is true
you always stand by my side
I don’t want to say goodbye
　　
You make me cry
make me smile
make me feel the joy of love
oh kissing you
thank you for all the love you always give to me
oh i love you

真係唔敢想象如果包包唱我會喊成點 :p

之後就返課室，snack time

包包自己嘅位，張相好可愛!

呢日食cracker

最開心見到佢自己食野

(有睇開我blog 都知包包係唔鍾意食野架)

仲食晒tim

之後就做呢個親子art work, 留學校一星期風乾，可惜攞返時已經碎晒

仲有少少時間就free play

我發現小朋友佢地都無咩交流

但都叫有秩序

放學啦，仲有之前已做嘅art work送畀媽媽

之後我地就一齊坐小巴回家

對於好少坐小巴嘅包包不知幾開心

回家午睡後就去婆婆度同婆婆慶祝母親節

爸爸放工就join我地

夏天look出場!

坐西鐵好開心!

簡簡單單去左megabox

婆婆好錫包包架

話要去反斗城買玩具畀佢

但我一向教包包“睇”玩具就得

睇完就byebye,  下次再黎探佢地!

婆婆係咁讚包包乖呢

第二日去左媽媽咪咪嘉年華

仲帶埋兩個表姐仔!

明明上年玩得超開心

但自從上次喺黃金海岸玩彈床畀啲大細路嚇親之後就唔敢再玩!!

呢日只肯喺智樂個booth玩

所以我都無點影相啦～

星期日正日就只係簡單地過

要同呢個包豬影張正經相都難!

Happy Mothers' Day to all Mamas!

戒片大行動 - 2y7m

一到夏天，就係戒片好時機。

講到戒片，學校真的幫助不少。

我一向沒有刻意同包包戒片，一來係冬天，二來我相信到佢physically ready 就好易戒。

包包返n班後，雖然有著學習褲，但miss都會鼓勵小朋友去廁所weewee。初初係無野出架，但好快就wee到，後來仲會主動同miss講要weewe，miss 都讚佢叻叻。而喺屋企，早晚都肯去個尿兜仔wee，但其他時間都有著片。其實我有試過幫佢著底褲仔，但佢堅持要著片囉～

到天氣開始熱，miss 話要換夏季校服，而且唔可以著片返學啦～ 果然老師講一句好過我講一百句，即刻肯著底褲仔!

媽媽我其實去日本時已買定4條靚靚嘅戒片褲

但因為價錢唔平，同埋諗住佢一日瀨幾次，所以又去永安買左半打普通底褲仔，不過都有買返佢最愛嘅車車圖案。

唔知係咪戒片褲厚身啲熱啲，包包居然鍾意普通底褲仔多啲!

露下肉腿先 XD

已經戒片3星期(只係訓覺同出街著片)，結果係出乎意料地順利! 

暫時只有2次瀨左

1次係第一日戒片，唔記得自己無著片就瀨左

1次係午睡後換返底褲仔，又係唔記得自己無著片

之後每次換返底褲仔，我都會再提佢你無著片片架，去weewee記得同媽媽或者姐姐講呀！

而返學更加一次都無瀨過呢!

去街街，佢都會開口話要weewee，但有時佢唔想去廁所，就會話要weewee落片片度。

反而係poopoo需要多少少時間適應，頭兩三日去廁所都poo唔到(我地無用potty，直接用小童廁板加腳踏)，話要poo落片片，但好快都成功了。我同爸爸都大力稱讚佢，又話畀全家知佢好叻叻，所以佢自己都好開心，好有成功感。

而訓覺就應該要多少少時間，因為包包飲好多水，間唔中訓醒條片係乾，不過我都唔急，相信佢自己ready就會戒到!

這媽我已經覺得包包好叻啦～

之不過呢個麻煩包，下下要自己揀底褲囉～

N班開學啦～(下)

原來好耐無寫包包學校生活!

N班開學啦～(上) 

感恩包包係一個非常喜歡返學嘅小朋友

而學校嘅老師都真係好好，好錫小朋友，好有愛心。每日放工返來問佢今日返學開唔開心呀，答案一定係開心!

學校係happy school, 從來都無功課，親子勞作都甚少。

包包返學後，講野都多左好多

老師話包包好enjoy school life, 學野好快，又好願意嘗試! 其中一個班主任仲特別錫佢，話包包好可愛，又鍾意嗲人，冧到老師好開心!

講真，真係唔捨得k1轉校，奈何全日制券校同半日私校揀，當然揀前者。

 

呢日爸媽接開學

幾開心!

喺學校見到佢平日上堂嘅相

想像到返學真係好多野玩

偶然早上返學前會扭計，原因係有人前一晚唔願訓，結果早上好眼訓

但校車一到，佢又會變得精神興奮!

最近轉季了

我個仔又大個不少了

校車未到，同佢影相，係咁話nanny bus未到嘅?

返屋企會同啲公仔玩返學 XD

每朝我都會送佢上校車先返工。

雖然朝朝都趕頭趕命

妝都無時間化

但我慶幸自己manage到

每朝睇住個仔開開心心咁返學

就覺得好幸福!

2016九州之旅day 7 - 回港 + 後感

呢日我地坐12:00機, 所以基本上係無行程

吃過早餐就坐的士去機場(因之前一晚已還車了)

去到機場仲有好多時間，禁區內有手信店有小食店。把握機會食雪糕!

原以為機場無野食，帶左麵包畀包包上機食。原來有烏冬買! 但我個象印喺寄倉行李，食烏冬好過食包，唯有急急餵佢食幾啖先上機。如果可以帶上機先餵就最perfect! 

呢個小朋友堅持要幫我攞手信。

上機無耐就睡了

醒來時面紅紅的

現在影相叫佢笑，就會露出呢個醜怪樣，究竟邊度學架????

包包話好鍾意搭飛機啊

下面係某啲戰利品

價錢都忘記了，只記得好抵!

動物園買嘅figures

包包第一套火車

自此愛上

我喜歡tomy多於thomas，簡單唔花巧，最重要係無咁多花款就唔會咁易流血不止

熊本城買嘅綠茶，老公話好香

Tru買，唔使hkd200，好抵，留待包包k1用

香椎商場，件褸仔好型架，特別買大少少下年著

後感

呢個旅程係幾圓滿! 去左好多地方，最鍾意動物園，溫泉酒店同著和服。

包包也好記得呢次旅程。問佢坐飛機好唔好，佢會話好，去日本! XD

最攪笑人地話親佢件衫或鞋靚，佢就話日本買架!

但7日真係極限，包包都有疲態。

下次去旅行真係唔知幾時lu

2016九州之旅day 6 - 和服體驗, 香椎TOYS R US, 最後血拼

2016年1月7日

呢日喺酒店食完早餐就出發
包包愛上搽牛油……

呢日係我期待好耐嘅和服體驗，也成功遊說兩個姑媽同我一齊玩!

OPEN HEART 和服體驗

http://www.op-cocoro.jp/

另可FB 自行SEARCH
一定要book呀!

因為我地有3個女人，著衫set頭都搞左好耐
呢度好細，唔似大阪嗰度啲人咁快手
啲員工好nice呀
不斷同包包玩，媽媽我完全唔使擔心佢
所以最快搞掂嘅就係包包

個個ee都不斷話佢kawaii
我都忍唔住，我仔真係好可愛呀～

我係最後一個搞掂嘅人，因為我個頭真係set到好“行”! 可能我頭髮又長又厚，set完覺得個頭大左好多 XD

朋友話唔好簡太素色，影相唔靚，所以我揀左呢個深粉紅色和服。其實近看比遠看更靚，個pattern 係好有層次。

出發去太宰府之前，喺門口影下相先!

我知，應該zoom近啲，但太趕時間了

駕車去太宰府大概20分鐘。但carpark遠啲，老公先放低我地去泊車(老公唔肯著和服呀)

太宰府係專for祈求學業嘅…… 其實我地志在影下相

入口係表參道，有好多手信店

沿路見到好幾間賣梅枝餅，其實就係熱嘅豆沙餅。天氣凍，聞到的確幾好香。

包包開始眼訓，心情麻麻。

我地入左一間店內午餐，門外正正有賣梅枝餅，買左一個畀包包食。我咬了一口，幾好味，包包食晒成個。

但係之後包包開始扭眼訓，唔肯食飯之餘仲淨係要我抱。我地食牛肉飯呀親子丼之類，幾經辛苦我先食到幾啖飯。其實幾好味，但我真係無手影相。

食完飯就行太宰府，呢個仔淨係痴住我

仲扭計要食奶咀。

之後就奶咀不離口，一攞佢奶咀就喊

著住和服嘅我成日踎低安慰佢。

呢日佢早左起身，我地幾個set頭又用多左時間，攪到失預算。其實我知佢好眼訓，但我又真係好想好想同包包影多啲相。所以勉強影左少少先放低佢喺車仔度訓。最深刻嘅係，包包只肯畀我推佢，爸爸推佢就唔肯訓。我就著住和服，細步細步咁推佢。諗返都覺得尷尬。

好快包包就訓左，我地幾個就慢慢行。

而其實著住和服，想行得快都難。

呢度係求學業，得包包係“在學”，所以都買左個學業符畀佢。

再周圍影下相。

其實天氣都幾凍，但我地貪靚，無用披肩

呢度個環境，著和服影相真係好夾，可惜無帶相機

離開時已變得天陰，真係好凍

我覺得皮膚白的，其實選粉色都不錯

我自己就覺得我件和服有點太深色

另外set頭好緊要，無set頭真係好似格格不入。而我個頭……，因為要湊包，之後個頭好似散散地! 可以嘅話個頭簡單啲好。

另外就點都要化少少妝，如果唔係會好似阿嬸!

包包一直睡到我地還衫時，因為要幫佢除衫所以整醒左佢。上車就即刻畀啲麵包佢食，無食lunch一定好餓。

呢日另一行程係去tru掃玩具

香椎TOYS R US

〒813-0016　福岡県福岡市東区香椎浜 3-12-1

イオンモール香椎浜2Ｆ

TEL: 092-673-6311

包包去到超開心，仲同日本小朋友玩。

買左tomy火車畀包包，仲有水壺呀，碟呀，零食，毛巾等

之後發現呢個商場好多野行，最重要係價錢較平民!好多衫做緊sale, 我地幾個買左好多衫，連童裝都好抵! 買得好開心!

個商場有呢隻車仔，包包自得其樂，可以唔使理佢 XD

個商場仲有aeon supermarket 勁大間，我地掃埋零食就返酒店。

休息一陣就出發去食dinner , 最後一晚啦，緊係要食魚生啦～ 我地去左博多city下面條食街，好多野食。

大人食魚生飯刺身，包包就叫左熟嘅壽司，但其實包包一向唔鍾意食壽司，結果食左兩啖就唔食搞搞陣。我忙於湊佢都無影相呀～

日本唔同香港，食壽司嘅地方無烏冬架，食烏冬嘅地方又無壽司…… 最後一晚，委屈下包包啦，返酒店沖奶畀佢啦～

食完飯又行一陣，一直以為博多city啲野偏貴，原來地下賣衫女裝嗰層又唔貴喎，碰啱on sale, 我地幾個女人又買! 老公就睇住包包!

估唔到最後一日咁多收獲!! 最後都不忘買雪糕畀包包食! 同埋買定麵包畀包包聽日上機食!