撕紙狂笑

睇下包包笑得幾犀利！

每次撕張紙聽到"沙"一聲都笑。

真係好傻豬呀！

(條片係老公拍再whatsapp畀我，所以resolution 低有點朦)

蝦媽媽

我相信包包依家已經識得蝦媽媽！

1. 包包依家係好痴身，只要我同佢一齊喺playmat，佢會死命的爬到我身邊再叫我抱起佢。就算佢企緊，都會行近我要痴住我。(對姐姐係唔會咁)

2. 扭計，怕生，整親時係要媽媽抱，爸爸都攪唔掂。(姐姐有時都ok)

3. 姐姐放假時，我湊佢。其實平時佢視線範圍內無人佢已經會喊，但對我，我行遠少少張playmat就已經瓜瓜嘈！

4. 我返工唔敢同佢講bye bye, 必喊！(爸爸係唔會嘅！)

5. 我湊時成日唔肯午睡！訓喺床仔好hyper，一見到我就喊扭抱！(經常性要由佢喊一陣先訓到)

6. 最煩係食野時！我餵奶佢係唔飲！係要我抱佢同佢玩！所以依家朝早餐奶要姐姐餵！但佢訓著時就要我餵喎，爸爸餵就飲少少唔飲(明明訓住飲架，都feel到唔同人餵！)

7. 到食粥仔糊仔啦，姐姐餵就快快食，我餵就又要氹又要唱歌！昨天晚餐食糊仔，唔知點解食食下扭計喊，氹好耐都唔食。姐姐放假早左返，姐姐好好叫我落樓食dinner，佢幫我餵。我落樓時想喊，唔食野點得架，係咪唔舒服？點知我食到一半，我姑奶抱住包包落樓話佢食晒啦！我嗰刻真係好嬲呀！

......................................................

唉，我覺得我做人媽媽好失敗，點解個仔會咁，係咪我平時太寵佢？

姐姐餵食好好，一方面我應該開心請到個好姐姐，但另一方面我又唔開心自己做得唔好，又唔想太依賴姐姐。。。

嗚嗚嗚…

mama好嬲你呀，曳豬！

Photos by myAFFECTION (包包 7 months old)

之前提過有免費影相 (CLICK 免費影相), 3個月後終於收到相啦~ (等到我頸都長!)

包包嗰時先7個月大，依家已經大左好多啦～

呢個free package包兩個場景

第一個

雖然係一間房，但好多景可以影呢！

光線好，影出來感覺好柔和溫馨。

有個浴缸但變左波波池

呢張唔知想點，無啦啦叫我地坐喺浴缸前影。

幫包包轉第二個造型

好似好大個仔咁！

好鍾意呢張，包包笑得好開心！

嗰時仲有啲肉地，又有胸，哈哈

第二個場景

其實影左好多，但第一包包開始攰，第二呢個場景啲燈光好暗，好多相唔要得！個攝影師應該要manage得好啲！

玩腳仔

不過$360 我都滿意架啦！

下一次影相我希望喺包包一歲時。

bb大得快真係要好好留住佢地可愛嘅樣呢！

World Cup Baby

最近最hit嘅應該係world cup啦！

我包包都整返個sporty look先！

bb大得快，所以我只係淘左件連身衣，cheap cheap地玩下，但包包著起都好cute呢！

呢排包包好痴身呀，我只係想同佢影張相啫，佢就嬲mama唔理佢～ 係咁爬過黎但我又要佢坐定定，佢就影帝上身啦～好曳豬呀！

我話抱佢就收聲，無眼淚架！(佢已經聽抱抱)

 正正經經畀我影張相咪好囉，咪幾型仔！^_^

註：件衫80碼都係僅僅剛好，過左個世界盃應該唔啱著啦～

新車落地 - iimo

自包包識坐，艾利絲就想買架三輪車畀包包啦。

睇得多mama blogs，心中一直鍾情iimo，主要當然係佢嘅簡單型格嘅外型，其次就係因為佢摺得，遲啲可以帶出去公園玩呢！

一上車，包包一啲都唔驚，仲好好奇咁周圍望。

依家只要唔落雨，我地每日都會同包包落花園玩下車車，順便放下電。呢個包豬愈來愈active呀！

下面呢張矇豬相係papa有日早左放工send畀我，包包個樣好矇豬好攪笑！papa又唔識幫佢著返條褲先落花園，好在無畀蚊咬ja!

呢張係mama影嘅，著返條褲同鞋仔先得架嘛！(雖然姐姐同佢著左條睡褲，(￣∇￣))

搵日要同呢架靚車影返輯靚相先！

食腳趾

準備。。。

hm... 正呀！

papa見到包包食腳趾，大叫唔好

包包一臉茫然

原來bb唔使教都識食腳趾架！

我就覺得好可愛好攪笑，不會阻止。

包包不斷給我們驚喜，確實帶給我們很多歡樂。

mama loves  you

企企企

包包自八個月大開始識得愈來愈多野。

繼識爬和出牙仔後，包包都開始學企。

百厭星初現，係時候要圍住佢！

從此被困。。。

初時包包都無咩野，但耐左依家如果困住佢一個，就會呱呱嘈！再唔理佢就會大滴眼淚咁喊，好似好悽涼咁！所以。。。暫時個gate係長期open囉。

已經可以扶住企。

但唔想企時唔識自己坐低，會叫人救佢，哈哈！

有人以為自己已經好叻，經常單手企！

最鍾意攪攪震！
送上肚腩仔。。。

包：mama你做咩偷影我呀？！