我要坐！

包包兩個幾月大就已經成日要坐，當然佢未係坐得好穩但咁細個人仔頭仔都未硬，我覺得已經唔錯！

我知包包咁細唔應該坐太耐，但每次畀佢坐佢又會好開心喎，仲好似好舒服嘅樣，所以我好矛盾！

包包三個月成長紀錄

包包三個月大啦！

重
呢個月唔使返健康院，無磅重，但我屋企磅，大概14.5磅，我都唔知算唔算重呢？！

食
本來一直都食得好好，5.5-6安，但自從10 week去了私家打針同食輪狀之後就亂晒！最少食得3安！依好少少，平均都食5安，唔知幾時先back on track 呢？唯一抵讚嘅係包包10分鐘可以KO支奶！！

訓
日頭訓無定時，估佢唔到，有時訓好多，有時又可以好耐都唔訓！幸好夜晚訓得幾好，九點幾就會訓，我11點幾整醒佢飲奶，佢就可以訓到第二朝7點幾。半夜會醒一兩次，畀奶咀拍下佢就訓返。不過就仍然會扭眼訓，要人暗訓覺！

行為
成日ee ur ur, 好得意，好似好多野想講咁！訓醒時心情好好，同佢玩同講野都會笑得好開心。眼訓時就成舊蕃薯咁，彩你都傻！基本上包包都成日笑，笑時會咪起雙眼，個口可以笑到好大個架！

呢個月包包開始有要求，抱住佢時鍾意面向外面！佢又好鍾意坐，打橫抱會掙扎，或者瓜瓜叫呢。其實包包好少喊，佢通常係叫到好似喊咁但無眼淚架！扭計中。。。

最鍾意坐papa大脾！

所以我地已經開始用hipseat 啦！

呢幅相包包好大粒，一啲都唔係兩個幾月呢！

你睇包包幾開心！

不過包包條頸仲未好硬，所以只可以坐個seat。講開頸，包包好懶架，同佢玩tummy time, 兩分鐘就會喊，唔肯玩！我心諗可能佢頭大個頭重啲？！哈哈！眼見九月bb好多都好硬淨啦！

因為包包鍾意坐，我買左個吹氣sofa 畀佢。包包好鍾意，但佢仲細，我唔敢畀佢坐太耐。你睇佢坐到成個大爺咁

同爺爺玩得好開心！

成長
朋友送左呢張椅，包包又咁啱著得老老土土，成個感覺好懷舊呀，哈哈！

 媽媽你點解影極都唔夠嘅？

前排成日著下面呢套，因為又warm又舒服，但第一次著已經係啱啱好，依家已經唔啱著了。朋友睇到呢幅相，問包包點解男仔都著leggings ，哈哈！

又係好女仔嘅樣

bear bear 包

又黎tummy time la 

好多野諗咁。。。

小肥豬！

chock 下先

笑得好古靈精怪

 sweet sweet

我三個月大啦！

MAMA的話
我覺得包包個樣又有少少唔同左，塊面包左，對眼又細左，哈哈！感覺上無上個月咁靚仔呀，但就一樣咁可愛，hehe...

呢個月我開始要返工，成日都會好掛住包包呢！而依家嘅包包多左好多反應，令到我更加想多啲時間陪佢！我已經好耐無去街，無見自己啲friends 啦，因為包包平時已經對住姐姐，放假我會盡量自己湊，想佢痴我多啲。等包包大多少少，希望可以多啲同包包出街，因為依家嘅包包出街都只係訓，寧願佢喺屋企訓好過呢！

而且包包去完街特別扭計架，係咪個個bb都係咁架？

因為攪左滿月宴，所以百日唔會攪啦，三個月都只係買左個蛋糕黎影相！不過，mama 我帶左包包去影相，個衰包狀態好差呀，應該都影得麻麻地架啦，收到相再分享吧！

MaMa愛包包……

italian tomato 嘅tiramisu ， 都幾好味！

PAPA的話
呢個月包包同PAPA friend 左好多呀！靜雞雞話畀你知，之前PAPA抱親包包都唔like架，眼訓時仲會發脾四架！PAPA話因為佢無胸喎，所以包包先唔鍾意喎，哈哈！依家包包成日同PAPA玩到好開心，眼訓都肯畀PAPA抱呢！(其實真係要讚下老公，佢好努力同包包build the relationship，而且佢好enjoy同包包一齊嘅時間，唔會嚴佢煩同痴身呢！)

感謝上帝畀我一個愛我，愛包包，愛家的老公 ^^

包包你要乖啊！！送上一幅包包的喊樣，每次睇到都想笑，哈哈！

(用手機打左幾日先打晒呢篇blog, 呼~)

眼捷毛

包包沒有遺傳mama的大眼睛，甚至出生時係無眼捷毛！不過好奇妙，我見住佢啲眼捷毛一日一日生出來，依家已經有又長又捲嘅捷毛呢！唔知係bb嘅捷毛都係長，定係遺傳了mama的長捷毛呢？

 所以mama我好鍾意望住包包訓覺個樣，我覺得佢個樣好靚女，哈哈哈。。。
而的確，有些人話包包訓覺個樣好女仔呢！

呢幾張相已是兩三個星期前影，我發現依家仲長啲呢！捲捲的，mama都想要呀！(mama的捷毛長但唔捲呢)

用手機寫blog都ok，以後可以寫多啲啦！

working mum 的生活

Working mum 嘅生活好忙，返工時要快手完成工作，每天放工就卜返屋企。回到家幫包包沖涼，餵奶，之後自己食飯。食完飯同包包玩一陣，九點幾包包就訓。之後自己沖涼執下野已十點幾，十一點左右又餵包包飲奶，掃风換片放埋佢落床自己就十二點訓。

日日如是，時間過得好快。星期六會同老公出去買下野食個lunch，也會帶包包出街或到我媽媽屋企。星期日就大多留在家。基本上每天都圍著包包轉。

老實說，我有點累，也很想知道blogger mama，為何還有時間寫blog & 淘寶？我有時間都只能遊下人地嘅blog。不過包包在weekend 好明顯特別開心，所以每次見到包包個開心樣，又將個"累"字忘記了。

感恩的是包包都唔算難湊，希望一直keep住，唔好讚壞啦！      

呢篇blog係用手機寫，就在坐車時偷點時間，如果唔係都唔知幾時先有時間寫，但好多相都在電腦呢。。。現在只能放一些手機影嘅相了！

包包你真係好可愛呀，mama loves you!

返工了！

放完11個星期產假，要返工了！雖然真係好唔捨得包包，但我知道終歸要返回現實，所以開頭都沒有太難過。

我出門口時同包包講mama 要返工啦，包包仲同我笑 ！(訓醒覺嘅包包好心情好好，基本上講咩都會笑) 我仲錫左佢三下先捨得走！包包以為我同佢玩又笑，仔呀仔，你好衰架，咁可愛，掛死mama 了！

回到公司係咁望住個cam… 但係… 好似… 無見佢訓咁嘅…

夠鐘即刻卜返屋企，包包訓得好淋，不過… 姐姐話佢呢日唔肯訓，六點天開始黑先訓！！！！

呢晚，包包除了食奶奶時醒下，成晚都訓到隻豬咁，佢一定好攰啦！

我以為自己好叻，成日都無喊到，但夜晚臨訓時諗下諗下都忍唔住喊，因為包包日頭唔肯訓，佢係bb黎架嘛，要訓多啲先會大，好擔心！包包係咪唔習慣mama唔係身邊呢？！又因為包包成晚都訓，同佢一啲交流都無，我好想同佢玩，會唔會以後都係咁架？！

好在，mama的擔心係多餘的，第二日包包就正常返。之不過我喺cam度見到姐姐成日抱住包包，我怕包包以後都成日要抱，另一方面我都同姐姐講叫佢唔好成日抱同埋佢咁抱法隻手好易受傷！

老爺奶奶間中都有黎睇包包，佢地話包包好似有心事，唔太開心咁，可能無左mama同佢玩，佢笑啊！佢地話bb係feel到架，攪到我個心又囉囉孿！

所以我放工後一定同包包玩同傾計，佢會好開心架！依家回家會同老公爭抱包包，哈哈！而餵奶沖涼換片我都會自己做，雖然攰啲夜訓啲，但見到包包個可愛樣就值得！





呢兩日返工，個心都喺包包度，又成日掛住望cam …



希望自己會快啲習慣啦！

包包，你要乖乖，要好好照顧自己啊！

打針

包包一個月大時去健康院打針, 好多媽媽話見到自己BB打針會心痛到喊... 其實我都驚我會, 因為我好眼淺 ~~

所以當包包打針時, 我唔敢望"吉"落去個下...

第一次打針, 包包都有喊, 不過行出左間打針房就已經收左聲, 當我坐低時, 佢仲訓埋覺!! HAHA... 我唔單只無喊仲覺得佢好攪笑呢!!

到打二個月針時, 要打2支呀, 心諗今次一定喊啦, 打2邊大脾喎, 畀著我都痛啦, 何況BB呢!! 第一針時包包只係"呀"左一聲, 到第二針都係"呀"左一聲, 佢反而唔高興人地除左佢條褲呢, 係到yuk身yuk勢!! 到出左打針房佢係好似無事發生咁, 仲好快訓著 (可能呢個時間佢一向都係訓覺)

10個week去私家打針同食輪狀, 輪狀佢就吐反少少出黎, 到打針時竟然叫都無叫, 勁呀!!

可能PAPA 同MAMA都唔怕痛, 包包似乎都唔怕痛呢, 叻叻!!

幸好包包 2 次都無發燒... BB病真係擔心死MAMA架....

不過, 回家後, 包包食奶食得唔好... 而且.... 第一次無便便!!!!

好在第2日就有便便, 原來BB無便便MAMA真係好擔心架!!

二個月針時正正係包包兩個月大...  打完針仲好精靈呢....

話說去私家打針時見到個同包包差不多大既BB, 但個BB頭仔已經好硬正, 我問人地媽媽BB幾大呀? 人地媽媽話4個月大, 你個BB幾大呀? 6 個月呀?? @.@

我話2個幾月ja... HAHA... 可能頭大顯得大粒...

其實好多人話包包頭大.... 有時我會叫佢"大頭B", HAHA...

送上包包近照, D 衫仔著得一兩次就就快唔啱著.... 有D我連牌都未剪就唔啱...
BB頭幾個月真係大得好快...

First Tummy Time

包包2個月大, 開始同佢玩tummy time...
不過包包似乎好懶呢...
第一次tummy time 只有20秒左右, HAHA...
玩玩下仲掛住玩口水同lam 自己隻手仔!!