我出門口時同包包講mama 要返工啦，包包仲同我笑 ！(訓醒覺嘅包包好心情好好，基本上講咩都會笑) 我仲錫左佢三下先捨得走！包包以為我同佢玩又笑，仔呀仔，你好衰架，咁可愛，掛死mama 了！
回到公司係咁望住個cam… 但係… 好似… 無見佢訓咁嘅…
夠鐘即刻卜返屋企，包包訓得好淋，不過… 姐姐話佢呢日唔肯訓，六點天開始黑先訓！！！！
呢晚，包包除了食奶奶時醒下，成晚都訓到隻豬咁，佢一定好攰啦！
我以為自己好叻，成日都無喊到，但夜晚臨訓時諗下諗下都忍唔住喊，因為包包日頭唔肯訓，佢係bb黎架嘛，要訓多啲先會大，好擔心！包包係咪唔習慣mama唔係身邊呢？！又因為包包成晚都訓，同佢一啲交流都無，我好想同佢玩，會唔會以後都係咁架？！
好在，mama的擔心係多餘的，第二日包包就正常返。之不過我喺cam度見到姐姐成日抱住包包，我怕包包以後都成日要抱，另一方面我都同姐姐講叫佢唔好成日抱同埋佢咁抱法隻手好易受傷！
老爺奶奶間中都有黎睇包包，佢地話包包好似有心事，唔太開心咁，可能無左mama同佢玩，佢笑啊！佢地話bb係feel到架，攪到我個心又囉囉孿！
所以我放工後一定同包包玩同傾計，佢會好開心架！依家回家會同老公爭抱包包，哈哈！而餵奶沖涼換片我都會自己做，雖然攰啲夜訓啲，但見到包包個可愛樣就值得！
呢兩日返工，個心都喺包包度，又成日掛住望cam …
希望自己會快啲習慣啦！
包包，你要乖乖，要好好照顧自己啊！
咁快就番工喇？
ReplyDelete唔知到時我又會唔會唔捨得呢？
10 weeks maternity leave plus one week annual leave ja..... 我相信每個媽媽都會唔捨得架！
Delete好快就會慣架嘞，開頭我返工都係機不離手，一日睇成幾千百萬次，哈哈。。。而家好d了
ReplyDelete無錯，我依家就係長開個cam放枱頭，時時刻刻睇住！
Delete我同你心情好似呀! 諵b又係咁架!
ReplyDelete我初時返工諵b又係唔瞓, 又唔太開心咁, 我都覺得佢感覺到mama唔係身邊, 同之前唔同, 話晒我地係BB一出世就貼身陪住佢
每日較到最遲出門口, 放工就競步咁衝返屋企XD
我都寧願夜瞓D, 可以同BB多D親子時間, 等佢知道mama仲係好照顧佢~~
我同你一模一樣呀！我直頭想飛的返屋企呀！
Delete爭抱, 哈哈哈, 初頭我同蛇仔爸都會, 但依家返到屋企有時好攰, 反而同蛇仔爸你推我讓咁, ;-P
ReplyDelete咁我老公可能遲下會推畀我，哈哈
Delete我頭幾日返都係係咁望cam無心工作! 之後慢慢就習慣咗, 無乜望cam了~
ReplyDeletebb大d認人時, 就會更加唔捨得返工ga喇~~~ 依加我每朝出門口寶品都會唔開心同埋喊, 係都要黐住我, 攪到我真係勁唔捨得出門口呀T.T....
aiya really ?? 我一定會好唔捨得架
Delete我唔俾工人姐姐抱，我同佢講佢喊15分鐘以上先可以抱，唔可以抱住氹佢訓，所以阿囝現在唔會扭抱
ReplyDelete我唔忍心呀，其實我自己都忍唔住抱佢…
Delete你一定好唔捨得~ 睇還睇，小心被人發現掛住睇唔做野 =p
ReplyDelete我已經唔理咁多，阿仔緊要啲！哈哈
Delete唔知我到時係咪又會好似你咁呢~~~~^^
ReplyDelete我相信個個媽媽都會好掛住自己個bb架
Delete包包咁可愛係人都唔捨得啦！
ReplyDelete超唔想返工呢
Delete我係朗朗媽媽,我回歸啦,好無見bb,包包大左咁多啦,好得意..
ReplyDelete朗朗媽好耐無見呢
Delete包包成套白色衫,好似白馬王子~~
ReplyDelete我啱啱放完產假返工又係好掛住妹豬,係咁拎佢啲相嚟睇
我都喺咁睇相，睇幾萬次，哈哈
Delete我想當日放完產假返工都係好唔捨得出門口，燒腩仔又係朝早唔瞓搞到夜晚我哋返來先瞓，搞到少咗好多親子時間呀﹗
ReplyDelete好在包包已經好好多啦
DeleteIris, 早上好！包包滿有心事，一定係掛住媽媽了！係呢，依家包包由誰人湊？主力姐姐？
ReplyDelete係呀主力姐姐
Delete我一放工都係飛番屋企, 超掛住個囝呀!
ReplyDelete係啦，真想飛的！
DeleteThis comment has been removed by the author.
ReplyDelete