Day 5
是日景點：Naha Main Place
我同老公傾好，其實我地去旅行都係想relax, 所以決定唔去Aeon Mall Rycom啦～因為呢個mall super大，閒閒地要行三四個鐘架！
一早去食早餐，包包又唔多食野，我都預左，papa仲自動去拎橙汁佢飲。
呢日著左FAMILY TEE
呢日天氣好好呀～好想快啲返酒店玩水！
食完早餐我地就返去尋晚去過嘅toysrus，買左一個carseat for 包包，因為日本買carseat平過香港好多，而我地又打算生第二個，所以就買個大啲嘅畀包包，第時bb就可以用宜家包包用緊嗰個 (聲明：艾利絲未有孕呀,只係計劃定)
又買左個infant carseat畀老公細佬，因為包包又就快做表哥啦～計埋呢個即將出世嘅bb，包包已經有三個表弟，生於大家族真好，有好多表兄弟姊妹一起成長。呢個carseat就貴囉，成個太空艙咁，有cover架，但呢個叔叔好錫包包，無計啦～
另外就係包包嘅highchair。其實包包一向坐Aprica highchair坐得好好，只係夏天真係熱左啲。我一心想買類似stokke嗰隻可以adjust嘅highchair, 日本人出名細心架啦～果然好多款揀，平嘅8千幾yen就有，貴嘅都只係二萬幾yen，我就揀左一款連軟墊嘅，連稅10,800yen，港幣六百幾就買到啦～
之後就買左份禮物畀包包，再買啲零食送朋友就走啦～
好啦，買咁多野我地四隻手點拎呢？？(差啲連車都唔夠位)
toysrus 斜對面就係郵便局，順路就去寄埋兩個勁bulky嘅carseat！by ship大概四百幾蚊港幣！係個infant carseat重，成13kg! 而highchair係要砌嘅，好偏身嘅盒所以可以寄倉跟我地返香港。
唔去Aeon mall, 就去左隔離嘅Main Place shopping centre, 因為我地呢個trip都無咩買到野畀自己呢！呢度有好多日本牌子嘅衫褲，都有童裝同電器。我快手買左兩對made in japan嘅鞋，雖然簡單，但超舒服呀～有鞋墊嘅高跟鞋，一啲都唔攰！！呢度係tax free 架。但去畀錢時我先發現我地無帶passport喺身！(我地習慣放夾萬) 好在剛巧有香港人喺附近，大家一齊畀錢，大家都有tax free (買夠一萬yen先可以free tax)
雖然啲衫ok，但帶住包包又無咩心情睇衫，唔想悶親佢，而且6月頭無sale，加上無tax free 嘅話都唔算抵，所以我地都無咩收穫。
差不多時間食lunch, 本打算食和風亭，點知lunch時間勁多人。隔離間食吉列豬扒嘅餐廳少人啲，好快有位，所以就食呢間啦～又係坐tatami。叫左個兒童餐畀包包，滑蛋豬扒飯，好抵六百幾yen。包包都食得ok，仲飲晒杯橙汁！
另外叫左一set吉列豬扒，真係好味！呢個質素香港應該好貴呢！反而另一set豚肉飯就一般，啲肉硬左啲！
包包要餵PAPA食飯
我覺得呢間餐廳都OK呀!
食完我地就返酒店啦～包包喺車上nap左30分鐘。
其實Southern Beach Hotel喺沖繩嘅南方，即係近機場嗰邊。好近outlet同游食來系滿魚市場。我地特登揀呢間酒店, 方便LAST一日去OTS還車...
見順路，我地就極速去遊食來買手信，同去魚市場買壽司(喺隔離)！個魚市場唔大但好乾淨！
250yen一隻蠔，唔食真係對唔住自己呀～好大隻!!
不過可能已經係下午，無我地三年前嗰時咁好味。
另外就買左啲壽司估宵夜！
極速行動後，成功三點幾返到酒店！去玩水囉～
酒店有beach，呢日天氣好，個沙灘真係好好好靚呀～！！
啲水仲好清！相比恩納嘅Rizzan仲靚呢！
包包又係唔鍾意沙，我都預左。
但呢一次就算mama安撫左好耐都唔肯落水。
(呢張係包包唯一一張唔喊既相)
原因係呢個沙灘啲水好咸…… 包包塊面或眼一沾到水就喊。
所以我地玩左一陣就去返泳池啦～
咁靚嘅海灘真係好唔捨得呀～啲沙都好幼細，下次可能考慮再住呢間！
去到泳池，包包即刻開心晒！
玩到五點幾，就上房沖涼。包包呢日訓得少，又晒完玩完水，一定要畀佢nap下，打算畀佢訓到7點，再出去dinner。由於呢晚比較遲dinner, 所以包包臨訓前畀左支奶佢飲。mama我都一齊訓左陣，papa就自己落沙灘再游下水！
7點幾，本來打算去outlet行下加dinner，但原來outlet收8點…… 我地呢幾日都食太多，打算食拉麵算了，就去左小祿站嘅通堂拉麵。只係20分鐘車程。包包仲訓緊，就抱佢上車，點知到左佢都仲訓緊。而平日夜晚嘅通堂居然要等8個籌先到我地！
於是我地就放包包落stroller，去附近嘅aeon行下先，順手買啲麵包畀包包第二日上機食。
行行下見到有food court，因為包包未醒而通堂又好細唔太適合推埋bb車入去，所以就打算隨便喺food court食少少野算。
看圖點菜……
呢個魯肉飯好好味，我地食完仲買多個畀包包，in case佢醒左都有野食。(放入象印保溫)
另一個豚肉飯都ok
到我地食完，包包仲訓緊。
last 一晚喺沖繩，當然要食雪糕啦～唔使同包包share, 所以我叫左chocolate brownie, 呢個好好味呀～chocolate 好濃味！而老公就食軟雪糕。
之後就返酒店啦～
返到酒店，放包包落bb床，已經過左佢平時嘅訓覺時間！估唔到佢真係咁攰呢！(結果佢係訓到第二朝!)
第二朝就離開沖繩啦～我都要執行李，仲有我地嘅戰利品！
是日宵夜係魚市場買嘅壽司，仲有先前買畀包包嘅魯肉飯！老公話飽到訓唔到，哈哈！
包包無食dinner, 所以臨訓前沖左支奶佢飲。好左有帶多啲奶粉！
