2015台北宜蘭之旅: day 1

包包一歲半，終於可以同佢去旅行啦～

第一次就近近地去台灣試下先！我地連爺爺嫲嫲姑媽一行5人一齊出發！

我地坐CX 10:10機，因人多決定揸車，兩小時前到機場，但由T2 行去T1, check in, 過關，唔知點解攪到勁趕。出發前幾日打去hotline request第一行，但佢話要check in時先可留到位，check in時request左第一行，但佢話要去到gate先知有無。去到gate居然畀得一個位，我地決定唔要，一家人一齊坐！咁又晒左我啲時間！

好在仲有時間同包包去睇下飛機先！

睇佢睇得幾入神！

出發啦～

day 1
香港機場~ 台北桃園機場~ 台北車站凱撒大飯店~ 101大樓~ NEO19馬辣火鍋

包包未起飛前有啲扭，扭扭下就訓左，訓到落機，所以佢應該唔知自己坐過飛機。而mama就好舒服，仲睇左集檸檬嘅十二道峰味呢！

我地呢個trip以舒服為主，所以我地call左接機 (酒店就喺台北車站，其實可以坐巴士)

本打算買電話卡，但機場counter勁多人，司機好好人，話可以車我地去第二度買，慳返唔少時間！但唔知係香港人快定台灣人慢，出卡過程都好慢囉，唔怪得機場排長龍啦～

去到凱撒都差不多兩點，台灣酒店一般三點先check in ，所以未有得check in住，就去食啲野先。本打算食咖啡弄，好近酒店，點知星期五嘅下午都要等位。所以求其去左新光三越食少少野就算。最緊要餵飽包包。(包包食物：香港帶去嘅粥仔)

食完野就check in啦～
我地住嘅房係新裝修嘅，貴少少但絕對值得！地方乾淨光猛。包包好鍾意，不斷走來走去。
一早request左bb床同浴盆，一入房已準備好。但bb床同浴盆都有點舊。

凱撒大飯店
http://taipei.caesarpark.com.tw/zh-tw/

本打算畀包包小睡，但佢勁hyper唔肯訓，所以我地就出去行啦～

6299未去過101，所以就去行下。

原來101有間market place，早知唔使帶食物過來啦(for 包包)，大把食物可以買！

行一陣就去NEO19馬辣火鍋dinner，呢間可以上網book枱。

馬辣頂級麻辣鴛鴦火鍋
http://www.mala-1.com.tw/

行過去大概10分鐘。行行下發現包包喺bb車訓著左！

twd 6xx 任食真係好抵，最正係好多h同m嘅雪糕！汽水啤酒任飲！食物質素都唔錯，老公同62都覺得好過香港啲任食好多！

我仲趁包包訓左食左雪糕同飲汽水先，因為佢見我食一定lur我要食埋一份！我地6個人佢畀左8人枱我地，有兩個爐！所以我地留起半個爐for包包。(包包食物：餐廳裡嘅白飯加烚魚，菜，菇同粟米)

忙於湊包無影其他食物

包包訓醒啦, 佢呢度都有BB HIGHCHAIR但就有點舊, 而且我自己會另加TOTESEAT

食完飯6299話想上101上面，老公就陪6299，我同包包姑媽就周圍行下。

香港無嘅GU，包包自由行上身，好攪笑！

食飽飽就返酒店訓啦～
包包都好快十點左右就訓左。
但mama就要洗碗，執野，煲水等等先訓得！

P.S.
呢個trip我影得好少相，因為老公同家人都唔鍾意影相，我唔叫都唔會幫我影相架。我又要湊包。特別係食飯，我餵完包包都食得7788，想影下啲美食都已經食晒落肚啦～