2015 Easter holiday

5日假期真好！

太多blog未寫，就一篇寫晒啦～

Day 1

查實我地由台灣返來只有兩日，仲返左工，元氣都未復原，所以是日只係出街買返啲食物，同埋unpack行李，休息下咁！

Day 2

因為姑姐送左兩套海洋公園全年飛，所以就趁假期去玩下啦～呢個月係老公生日月，仲可以換4張免費飛！一於帶埋姐姐，老公家姐同佢個女(即係包包表姐)

呢日天氣好好，都幾熱呀～

9:30出門，一個鐘車程，去到排隊左好耐換飛，入到去都差不多12點啦～

(姑媽執機, OCEAN PARK無左個PARK =.=)

要先搵地方食lunch同餵包包。本來想去好靚個間海龍皇餐廳, 但好多人等位呀.... 好在有個PLAY AREA畀小朋友玩 .... 另一方面, PAPA又去大熊貓餐廳等位! 包包玩得幾開心! (其實無野玩架， 係爬來爬去)

玩到咁上下, PAPA玩個邊有位, 所以我地就去左大熊貓餐廳LUNCH...

帶埋姐姐真好，我地買完野食已餵飽包包，咁包包就唔會lur住食大人野。

OP啲野真係好貴，百幾蚊一個飯，好在味道都唔差。買飯送雪糕，天氣實在太熱，包包食左佢人生嘅第一啖雪糕！vanilla味，鍾意到要自己畢！MAMA唯有快手食晒佢！XD

食飽飽, 就去睇熊貓，點知熊貓lee埋左，好失望呀～

去其他地方玩前先搵地方換片先!

好晒呀, 帶返副超先! (係朋友送架)

換完片仲帶緊超 XD

其實包包已經好眼訓 (包包依然要一日2NAP), 但見到小火車唔多人, 玩左先!

包包食住奶咀因為佢好眼訓呀，但又貪玩唔肯訓

喺呢個軚盆嘅位置停左好耐唔肯走

夾硬帶佢去公園嗰邊玩，辛苦papa啦～

papa同包包玩，我就去排bb摩天輪，差唔多到先叫佢地過來。

 

好後悔上左去，包包扭計扭到傻，個staff第一個unload我地！落到地下，拿拿淋放佢落bb車，唔使3分鐘訓左！

天氣實在太熱，我推包包入左shop度涼冷氣，等佢訓好啲。大概半個鐘就繼續行，去新開嘅澳洲館

我地排隊，papa就睇住包包，排左30分鐘先到

見裡面有冷氣，又想畀包包睇下動物，於是整醒左佢。點知入到去好失望呀，樹熊得一隻，仲要好遠，包包應該唔知嗰舊野係動物！

影隻假嘅頂住啦

袋鼠得兩隻，仲要細細隻又好遠…… 點解呢點解呢？袋鼠係好溫馴嘅動物，點解唔畀人近啲接觸呢？澳洲動物園啲袋鼠係唔會鎖住架！

 

早知唔整醒包包啦～

 

今次我地唔過對面，因為有年票，下次再玩都得！

跟住就再去睇熊貓，因為包包好鍾意panda架，點知呢一次係影到無！！OP嘅人，可唔可以喺入口豎個牌，話人知熊貓not available呢？？大人細路推晒車上左去兩次都睇唔到，真係好唔開心！

之後我地就去返海洋館，對包包黎講，有得自己行相比睇魚魚更動要 XD

暴走mode係超難影相！

 

去shop度行下，包包攞住隻企鵝周圍行。佢好乖架，我話走啦，要byebye penguin, 要clean up，佢就會去原位放低隻公仔。

 

雖然好似無睇過D咩，但都4點幾啦～ 下次再來啦～

走之前畀人捉住影相，又影得幾好喎！

年票有折，好似7x蚊就有，相比迪士尼都算平啦～ mama我好忍手，堅持只買一張相，但姑媽就畀佢sell到買左三百幾蚊野呢～

咁啱有show睇，睇埋成5點先走！

 

Day 3

清明節

 

我們家傳統，正日都去拜山。

呢日好熱，係有紀錄以來最熱嘅清明節！

我地係圍村人，拜嘅都係山墳，仙人嘅墳都喺山上，山路唔易行，唯有咩住包包，又拎遮又拎風扇，真係又熱又攰呀，包包熱到成個人濕哂！

上到山見到遠處有山火，又見到啲消防員好辛苦咁行上山救火。真係希望香港人有多啲責任心，唔好留下火種！

包包上到山又點會乖乖地等？唯有畀啲野佢做。

畀左個掃仔佢，係咁話佢知呢度dirty, 嗰度dirty，佢就好努力掃！

今次拜山識做請請，叫做有拜下啦～

 

為尊重仙人，唔會影個墳啦。但太爺個墳真係整得好大好靚架。

Day 4

因為之前兩日太攰啦～所以是日只係去左vcity行街街。去左食toast box, 包包勁鍾意kaya toast，我畀無醬一邊佢食，都沾到少少，又有牛油，佢搶住食呀～

返到屋企我地一齊午睡，一訓就訓左3個幾鐘！包包仲食少左一餐，睇黎我地大家都好攰啦～

天氣真係好熱，包包地盆老look又出場！

 

 

Day 5

呢日約左anki同寶品玩呀！終於見面啦！

我地三個family有好多共通點，都係住元朗、住村屋、都係姓鄧！

呢日去到寶品家，寶品訓緊覺，包包就同anki玩住先。anki真係好可愛，又有禮貌，畀野佢佢會講“唔該晒”，把聲仲要勁嬌柔，講野仲好叻，生到個又乖又靚嘅女你話幾好呢～(恨女中！)

講遠左添，包包去到都好開心，因為寶品家真係勁勁勁多玩具呀！我同anki媽講笑，話去toysrus買玩具前可以先黎呢度試玩，寶品家幾乎咩玩具都有，最好係啱包包呢個年紀嘛！

佢地玩緊賣雪糕

不過包包係未食過一支支嘅雪糕，所以佢唔太知係咩黎，哈哈

兩個齊玩, 好可愛!!

anki就好鍾意個do do 機，咩都去do 下

到寶品訓醒，我地就食蛋糕啦～

寶品媽準備左candles, anki同寶品都好期待呀！

包包細佢地半年，好明顯唔太知做緊咩架，睇下佢個傻豬樣！

 

 

 

 

 

我地掛住影相之際，點知包包就去拎著左火嘅candle！好彩捉得快，但都嚇死我地幾個媽媽啦～

寶品媽再點candle

但佢又等唔切去攪啲蛋撻，要捉住佢先得

 

 

 

拿拿淋唱birthday song再吹candle (雖然無人生日XD )

寶貝們又要切蛋糕

 

切完蛋糕食得啦～

三個寶貝都自己食，好叻叻呀！

 

 

 

包包好少食咁多cream嘅蛋糕，食到lam lam 脷!最後仲食晒成件蛋糕添！

食完仲想食芝士蛋糕！唔知點解好食得！

不過食食下又走去玩

唔知係咪異性相吸，同性相拒，寶品唔太鍾意同包包玩，但佢地各自同anki玩又ok喎！

 

玩到咁上下就上二樓玩，好多玩具呀～

但樓梯迷包包淨係鍾意玩上落樓梯！

樓梯都斜, 有D危險！

見到包包開始眼訓，所以我地就回家啦～

走時都唔記得影合照。

下次再一齊玩吖！