DAY 30: 滿月 (上)

2013年10月6日

呢個係包包第一個大日子...
一朝早就要先拜神... 包包帶上爺爺送的玉咀...

包包: 做咩咁早叫我起身呀? 

包包被包上綠裙仔 (係一塊好大既綠色布), 老公話係佢地傳統, 拜過神後將呢條布放在BB床下, 就有祖先保守, 保平安 同 可以定驚... 而呢塊布係老公BB時老公嫲嫲畀架 (奶奶收起左), 即係老公BB時用過, 真係好有"歷史"呢!!

又拜神

拜過神後, 包包就要食奶奶, 同訓下覺... 而我地就要準備下午既野...

坐月中既我真係周身唔得閒, 連休息時間都唔夠, 所以我都無咩時間準備... 只可以上網買野... 於是我就上淘寶買左gas 同 balloons, 趁包包訓左, 我同老公就好快咁pump汽球!!

pump完balloons就要同包包沖涼同裝身... 之後就同我自己裝身... 所以, 好可惜, 我未影相, 我既親友已經到左, 我又喺房化緊妝, 一出房, 我既佈置已經亂晒 (> <) ....  

我買左ELLE既最新冬裝畀包包, 但當日勁熱, 最尾要換衫呀 : P

包包仲係初生BB, 成個下午都訓緊, HAHA...

包包係咪好SMART呢?

因為可以上網訂, 我訂左聖安娜既生日蛋糕同CUPCAKES招呼客人...

CUPCAKES 同 BALLOONS, 小朋友大愛呢!! (我兩個可愛兒甥, 好想生女, HAHA!)

多謝咁多親友到來... 不過包包在所有相中都係訓緊 :P

My family ~
(影左好多相, 但朋友既相不便出鏡)

下面係混亂過後既屋企...
原本天花板好多balloons架... 而我因為"冷"靚, 有好多balloons都有綁絲帶, 結果係D小朋友企晒上SOFA同椅上搶汽球!!! 仲鬥搶得多!!! 勁混亂囉 (=.=")
而D大汽球又走晒位...

我自己都好鍾意D汽球, D色襯得好好!!

晚上既包包好精靈, 同包包同汽球一齊影相!!

到大概六點, 所有人都要去祠堂準備食盆啦...