DAY 30: 滿月 (下)

圍村傳統會於BB滿月擺盆菜... 雖然我好想BB一百日先慶祝 (因為我有多D時間準備), 不過無得揀...

盆菜一般六時就開席... 而開席前好多時都會放爆竹
老公準備了一條好好好長既爆竹呀!!! (呢條爆竹好貴, 燒銀紙呀~)

燒左好耐呀! 我喺好遠都聽到 (怕包包嚇親所以遲D到)

開席啦 !!
我地喺祠堂前後擺左40圍, 因為有D係流水席, TOTAL食左46個盆!!
可能包包係第一個男孫, 所以好多人畀面老爺呀 ~
而且我同老公既朋友同事對於盆菜宴好有興趣, 我地都佔左好幾圍....

開餐啦 ~

酒水任飲, 仲有紅雞蛋!!



多謝朋友們出席!!

同結婚時唔一樣既係, 我同包包同GUESTS SAY HELLO之後我地就先回家啦... 因為包包要食奶同埋都驚多人呢... 所以敬酒就得返老公一人囉 ~~~

回家後再同包包影相....

呢日真係辛苦晒老公啦... 佢要走黎走去招呼人... 老公, MAMA & 包包 LOVE U!
而我... 呢日都無休息過, 我隻手仲因為抱左包包成日勁酸軟呀!!

另外我覺得有點可惜, 呢日無咩時間影相, 好多相都係朋友SEND返畀我, 有好多都係手機影質素一般... 因為原本無諗過滿月攪咁大, 唔知最後咁多人畀面... 早知我就請個攝影師啦 !!

其實我地本身諗住都會擺百日宴, 好似結婚時又擺酒樓又擺盆,  但依家又唔想親友又破費做人情... 其實擺咩都係滿足MAMA我自己... 因為我覺得影既相唔夠靚... 算啦... 等包包一歲再攪啦...

包包, 希望你喜歡MAMA PAPA 為你準備的滿月天!