WEEK 15-16 (回憶): 又畀屯門醫院嚇C

15週了！胃口好似好了，起碼食到多d野，但就依舊好易肚餓，宵夜一定要食！
肚肚大左，唔知同事有無發現呢？不過就仍然好多口水，好多胃氣，有時頂住好辛苦，特別係臨訓時。

有日收到屯門醫院電話，真的嚇C，因為無CALLER ID, 我無聽到個電話, 醫院於是打畀老公, 老公開緊會無聽, 又打去屋企,老爺聽左，原來問我有無生過水痘，因為之前去屯門醫院時有人生水痘, 怕我被感染!
自己記得好似生左,但唔肯定，咁我就問媽咪, 點知媽咪都唔記得(因為媽咪有幾個女, 所以唔肯定我有無生過)！
後來家姐話我出過的，所以我就當自己生過算了！

不過真的嚇C呀! 以為之前既REPORT有問題, 好在BB無問題!!!!!!

到了16 week, 四個月了！不過仍然唔係好多人知，我想知性別先公開，唔想被人問太多。
個胃仍然差，成日頂住，又多口水，出街食到多d野，屋企通常無胃口, HAHA

最近試過2次返工時頭暈！要落車休息!! 希望之後唔會啦！
仲有個幾星期就見到bb，MAMA好掛住你呀

肚子開始脹了，以前的褲子都不能穿了, 只可以穿legging，之前在淘寶買了2條大肚褲，但我肚子不大有點鬆著唔到住，好煩惱！
現在衫同鞋都不想買，怕以後不能再穿，無野好買好悶呀！