WEEK 21 (回憶): 照結構+肚上一條線

WEEK 21

終於到照結構既日子, 過埋呢關就可以大大放心了...

因為唔知BB合唔合作, 所以我同老公都請左半日假, 仲可以2個人去飲個茶先上去檢查!!!

點知出面黃雨, DR. WONG 遲到囉, 之後佢就好似好急咁幫我照, 雖然每PART都有照清楚, 但FEEL到佢好急, 所以都有D失望...

呢日BB好乖呀, 因為PAPA有同佢訓話過, 叫佢要合作, 如果唔係第時要打PATPAT呀, HAHA....

連醫生都FEEL到佢踢踢!!

很好.... 一切正常.... 放心晒!!! 仲第一次見到BB個樣呢!

醜樣豬黎啦...
(嗰隻無錯係腳仔啦, 佢做緊YOGA?!!)

雖然醜樣, 但MAMA都一樣咁愛你的

因為阿B太乖, 半個鐘就檢查完... 我同老公見有時間就去左海港城行街街, 睇下BB野....

見到BB車, CARSEAT.... 真係多到唔識揀, 叫做有個IDEA咁啦...

而呢個星期........ 我個肚肚............

出現左一條線呀........... 上網CHECK過, 呢條係"妊娠線"... 大部份懷孕婦女都有的...

話說我個肚肚已經多毛毛(可能因為係囝囝), 依家多條線(仲愈來愈深色), 真係覺得個肚肚好醜樣呢!!

產前講座 (1)

結完結構, 我都要"的"起心肝預備BB既來臨....
新手爸媽完全唔識湊B... 心想都係去上下堂好...

產前講座邊度有??

1. 各大奶粉商 (或BB行業)
2. 醫院
3. 私人機構
4. 非牟利機構

我起初都唔知邊度有產前講座.... 心想搵唔到就要去上D要畀錢既...

不過當我有一日好努力咁去D 奶粉商WEBSITE REGISTER 做MEMBER 後, 原來佢地會自動SEND SMS話我知有講座!! (雅培除外)

我第一個上既講座係惠氏... 原因係講座地點在元朗!!!

第一PART都係講下D產前產後營養
第二PART就教幫BB沖涼

第一PART都係D例牌野, 有點悶....
我覺得第二PART好有用呀, 個姑娘都講解得好好!! 而且原來去講座有禮物送架....

一大個媽媽奶粉, 尿片2塊, DISNEY PEEKABOO BOOK, LOTION, 仲有PILLOW CASE!!


我最開心係捉埋老公去, 佢呀又唔鍾意睇書又唔上網睇資料, 係去講座先可以學到野!!!

第二個去既係美素...
因為我有諗過畀BB飲美素佳兒, 所以去聽下...

第一PART都係講下D產前產後營養
第二PART就講少少母乳, 之後又係教幫BB沖涼

由於同之前既惠氏OVERLAP 左部份內容, 所以有點悶.... 而且覺得惠氏既講得好D, 所以有點失望!!

禮物係三角枕同媽媽奶... 估唔到無野FOR BB既...

由於覺得奶粉商既講座內容應該差不多, 所以都不太想去佢地攪既講座....

醫院又唔就腳所以不太興趣....

我於是又走去睇下D要畀錢既講座.....

好奶奶

我好好彩有個好奶奶, 佢好照顧我, 我喺屋企咩都唔使我做!!!

我一日食2份水果, 奶奶會買定畀我叫我記得拎去食...

佢坐緊既位, 見到我入屋會即刻讓我坐...

食野時唔小心跌左D食物落地下佢都會叫我唔好執!!! 成日怕我整親... (奶奶嚴禁我舉高手同MOU低)

工人姐姐晚晚煮飯, 奶奶會一星期會煲二三次魚湯 (以前唔會煲咁密), D魚湯好飲之餘我知奶奶買既魚唔平架....

依家我一星期食2次花膠.... 奶奶"鄧"畀我食... 仲好好會將花膠剪細等我容易食...
(仲加入蓮子, 圓肉等....)

D花膠係奶奶特登入流浮山買的!!!!

雖然我EDD係9月尾, 但我奶奶已經買左薑!!!
我奶奶話9月D薑唔靚, 係季尾, 到時好多人會用D化學劑黎KEEP住D薑唔好發芽, 唔健康的, 所以寧可依家買定!!!



好大籃, 我都唔知有幾多斤, 不過奶奶話可能唔夠要再買!!!! (因為可能要派好多薑醋)
買薑買醋完全唔使我同老公操心!!!!

呢個咁好既奶奶邊度搵????

不過.... 我都好怕唔知奶奶第時會如何竉壞佢個孫 (我個仔) ....................

WEEK 19-20 (回憶): 屯門醫院覆診+第五次私家檢查

WEEK 19

之前提到我心有雜音所以要去屯門醫院CHECK, 呢次係返去覆診.... 見醫生等左一個半鐘 (快左啦, 上次等左2個鐘) ...
呢次係個女醫生, 好過上次個男醫生!!! 聽左BB同我既心跳, 再講埋上次份內科報告就走得!! 醫生CONFIRM個心無事啦, 下次檢查可以返去健康院啦, 真係好!!!

食方面已經好左好多, 唔再無胃口了! 不過訓就差左, 因為要側訓, 成日訓得唔好...

有日老公放工返黎話要買個香蕉枕畀我, 嗰下都唔知佢講既香蕉枕係咩... 後來佢話問過佢做了媽媽既女同事, 話用香蕉枕會好訓D!!
其實嗰下都好開心架, 因為老公一向唔會問D咁"師奶"既野, 証明佢好緊張我同BB呢!!

到左WEEKEND, 老公其實病病地, 睇完醫生就同我去千色買左個香蕉枕!!
我地2個都無咩IDEA那個牌子好, 見到MINIMOTO有8折, 折後2百多元好似OK就買左了....
第時仲可以喂BB飲奶時用....

用左訓時無咁易腳痺... 而且有時可以頂住個背脊, 條腰都舒服D!!

WEEK 19 的我.... 肚肚開始明顯多了!!!

WEEK 20

已經去到懷孕過程的一半, 說實在的我又唔覺得快, 呢幾個月我覺得好漫長.... 我好想好想快D到WEEK 40 生阿B出來!!!!

呢次檢查又去DR. CHEUNG度, BB又大左好多啦, 係中碼B!! ... DR. CHEUNG話睇到BB無免唇, 仲見到手指仔啦... DR. CHEUNG仲CONFIRM我地BB係100% BOY, 仲叫我地可以改定名呢!!! BB呢日好乖咁畀醫生照, 真抵錫!!!

DR. CHEUNG話照埋結構就可以去法國醫院落訂, 但係..... 我仲未決定順產定開刀呀... 好難決定..................

其實我WEEK 20 已經重左10磅了, 但個個都話我唔似, 老公仲係咁迫我食多D野, 驚佢個仔無野食到喎!!!!

所以呢日檢查完我地去左.... 打... 邊... 爐......... WAHAHAHA......... 當然我會整熟晒D食物先食, 都好安全的....
我仲飲左汽水呀, 好耐無飲啦..... (到了WEEK 20 我開始放縱, 沒之前般戒口戒得咁清了!!)

可能因為食得太飽, 個肚肚突晒出黎.... 回家時坐地鐵我第一次畀人讓座!!!!!  好開心香港人咁好呢!!!!

WEEK 18 (回憶): 胎動

BK的媽媽都在談論胎動, 有D 17 WEEK已經FEEL到... 又有人話要OVER 20 WEEK先會FEEL到....
所以我每日都好留意個肚肚... 好期待BB'S FIRST KICK!!!

在FEEL到胎動前, 我首先FEEL到的是三角位有拮下拮下既感覺, 有點痛但又唔係好痛咁.... 我仲好白痴咁諗呢D唔係胎動呀???
後來問醫生, 先知道原來係子宮擴大緊, 所以先有呢D拮下拮下既感覺!!

有一日個肚肚開始有D野彈下彈下咁... 唔係好明顯又唔係好密... 我都係FEEL到幾次之後先覺得應該係胎動呢....

同我想像中好唔同, 我以為會FEEL 到BB好大力既KICKING TIM!!!
不過老公都有話BB仲咁細, 點會KICK得大力呢, 又係喎!!!

但BB好似不太喜歡PAPA呢, 每次我叫PAPA放隻手到肚肚到FEEL下, BB就會唔YUK, 唔知係咪PAPA隻手太大壓到佢呢?

BB, MAMA真的好開心你咁ACTIVE, 要加油啊!!

=================================================

呢個星期發生左一件好唔開心既事, 我的一個好親的親人入左醫院.... 而且情況嚴重....
我知道之後喊左幾次....

媽媽叫我唔好去醫院, 除了怕有菌, 媽媽怕我會情緒太激動而影響到BB....

嗰刻我覺得自己好無用呀, 唔單只咩都做唔到, 仲要媽媽擔心我....

的確, 每次我喊時唔知點解BB都會YUK, 可能BB真的FEEL到MAMA唔開心??

而我都不自覺怪個天, 點解我懷孕期間特別多事發生??  請不要我再面對咁多負面的事好嗎??

我知道我知道, 我會盡量CONTROL自己.... MAMA我要堅強!!!


(註: 經過幾個WEEK之後, 我的親人已經無事了, 而且康復進度理想, 感謝神!!! 也多謝老公不斷的安慰和支持!!!!)

請工人

我已經決定請工人湊BB...

我住村屋, 其實老爺奶奶就住樓下, 老爺已退休(但現在全職打牌), 奶奶有返工但好近屋企, 另家中一向有個印印....
所以都有人幫手睇下, 都唔太擔心畀工人湊既.... (希望OK啦)

原來請工人要3個月時間!!!! 而且都想佢係我生之前早少少黎可以教下, 所以時間都唔多啦... (OH, 突然好多野煩咁!)

我地既要求:

- 海外菲傭
- 未黎過HK (人地話HK 嗰D已經學壞左)
- 唔好太老 (BELOW 35)
- 英文要OK (唔好大重ACCENT)
- 自己有小朋友
- 最好有EXPERIENCE (不過朋友話佢地海外既EXPERIENCE 其實信唔過 XD)

呢D要求原來要MATCH晒都唔容易呀....

去左一向用開既AGENT, 點知無心水...

去左另一間AGENT, 有一個OK, 諗住回家考慮下啦... 點知當我地話OK時佢已經畀人請左啦....

又要再揀一輪....

終於揀左個啦.... 希望OK啦... 而呢個AGENT 我地都係第一次用, 真係上帝保佑要一切順利呀!!

之後就要開始諗點 SET RULES, DUTIES ETC... 又要上網SEARCH 一下, 唔知大家有無經驗呢??

仲有就係要CLEAR間書房做工人房, 又係另一大工程!!!!

我地仲已經買左張新床同床褥畀佢 TIM!  我真心希望我對佢好, 佢都對我地同BB好啦!!

(咁攪一攪我地又無左2個WEEKEND....)

BB用品

寫D近期少少既野先.... (其實都唔近期啦!)

早前好多百貨減價, 我係時候要買定D BB野... 我呢個媽媽好懶.... 遲遲都唔願開始買野, 因為懶得格價同RESEARCH.... 不過依家迫到埋身都要買...

咁要買咩呢??? 我只係知道好多野買, 真係唔知點入手.....

朋友教落, 睇下D大ITEM 先....

大ITEM有: BB床, BB車 (STROLLER) , CAR SEAT, HIGH CHAIR...
然後睇下有無人送, 大ITEM 都係比較貴架...

好好, BB床, BB車都有人送, 所以唔諗住, 而HIGH CHAIR有朋友幫忙買可以有折, CAR SEAT都有心水不用急住買, 所以呢次就買細ITEMS就可以了....

我去左AEON呀, 本來想去一田, 但朋友話勁多人, AEON會行得舒服D而且價錢差不多!

咁細 ITEM 即係買咩呢?? 唔知呀, 去到BB部, 見到咩抵就買左先... (好懶的我....)

買左TOMMEE TIPPEE (TT) SET, CLOSER TO NATURE, 即係同MAMA個NIPPLE SHAPE相似, 有人話好有人話唔好.... 希望阿B乖乖地用我呢SET啦...

探熱器, 印象中見好多BLOGGER都係買呢隻所以就買了....

床上用品, 一SET 12 件, 好抵!! 不過其實質地一般, 但MAMA我喜歡呢個PATTERN, 所以買左...
同老公講BB會訓睡袋, 所以質地唔太好都OK, HAHA....



仲有一堆濕碎野....

咁多野都唔使2千蚊, 都OK啦....

之後就煩另一樣野..... 請工人...

WEEK 17 (回憶): 老公生日+開估BB性別

14 WEEK 時照唔到BB性別, 我地都有點失望, 所以雖然只係相隔3個星期 (一般係4星期一次CHECK UP), 我特登BOOK左老公生日呢日去檢查, 因為老公見到BB就會好開心!

放工我倆早少少走, 呢次去左DR. WONG 度, 唔係DR. CHEUNG度, 因為唔想好似上次咁照唔清楚!!!

入到去, 好快DR. WONG已經見到我地想知既野... HEHE...

BB一切正常, 仲好ACTIVE咁YUK YUK下!! 見到佢用手仔遮住塊面... 真係好得意呢....
呢幅相係兩隻腳仔中間, 圈住左既就係JJ啦... 無錯, BB係囝囝!!

老公知道之後好開心呀, 佢一直都想要囝, 可以陪佢玩... 佢話呢份係佢最開心既生日禮物, 佢既願望都達成左啦!!!

一檢查完老公就打畀佢爸爸 (即我老爺), 老爺奶奶都好開心!!!

而我.............. 其實真係囝囡都無所謂架, 不過知道係囝都有放鬆左既感覺!!!

老公生日BLOG: 2013 老公生日

老公呢晚食得最開心

=================================

(題外話)

我"個人"係仔女都無所謂, 說真的, 當你懷孕時, 只係希望BB健康出世 (我實在太多憂慮), 無論仔定女我都會一樣咁愛佢!!!

如果真係問我PREFERENCE, 我其實鍾意女多D, 因為我D兒甥女真在太可愛，眼大大的, 所以我都想有個咁可愛既女!!

之但係老公係圍村人, 而且係長子嫡孫, 而且圍村依然有好多野係男人話事的, 所以全世界都希望我生仔...

係我結婚時, 已經好多人問我第時係咪一定要生仔...

所以我之前都唔太敢去想BB係仔定女, 好多人話你想要仔, 通常都係女....

雖然OSCAR話有可能係仔, 但原來12 WEEK 男同女既生殖器係一樣架... 我同老公講, 佢嗰時即刻好DOWN...

最近老公話我靚左，SKIN又好左, 似係女, 連我家姐都係咁講。所以有時都覺得自己肚入面可能係女....

雖然話唔使理人地點講, 但無形壓力係一定有的, 其實MAMA好大壓力架 .... MAMA只希望BB你健康順利出生！

==================================

另外想寫既係老公生日前一晚......

話說老公同朋友食飯慶祝生日, 我無去在家休息 (因為我個人仍然好易累)... 老公11點都未返我就訓先啦...

點知訓上床就開始喊... (懷孕後的我真的好易喊呀!!!!)

可能因為真係好耐未試過自己一個訓先... 又係度亂諗老公一定唔記得左我同BB啦....

喊喊下就訓著, 真係好傻呀!!!!

===================================

17 WEEK 的我.... (原諒我咁COLORFUL既睡衣, 因為我成日都唔記得影相.... 到臨訓前先記得影!!)
個肚肚大左啦.... 開始見肚了.... 其實我都唔算瘦架....

WEEK 15-16 (回憶): 又畀屯門醫院嚇C

15週了！胃口好似好了，起碼食到多d野，但就依舊好易肚餓，宵夜一定要食！
肚肚大左，唔知同事有無發現呢？不過就仍然好多口水，好多胃氣，有時頂住好辛苦，特別係臨訓時。

有日收到屯門醫院電話，真的嚇C，因為無CALLER ID, 我無聽到個電話, 醫院於是打畀老公, 老公開緊會無聽, 又打去屋企,老爺聽左，原來問我有無生過水痘，因為之前去屯門醫院時有人生水痘, 怕我被感染!
自己記得好似生左,但唔肯定，咁我就問媽咪, 點知媽咪都唔記得(因為媽咪有幾個女, 所以唔肯定我有無生過)！
後來家姐話我出過的，所以我就當自己生過算了！

不過真的嚇C呀! 以為之前既REPORT有問題, 好在BB無問題!!!!!!

到了16 week, 四個月了！不過仍然唔係好多人知，我想知性別先公開，唔想被人問太多。
個胃仍然差，成日頂住，又多口水，出街食到多d野，屋企通常無胃口, HAHA

最近試過2次返工時頭暈！要落車休息!! 希望之後唔會啦！
仲有個幾星期就見到bb，MAMA好掛住你呀

肚子開始脹了，以前的褲子都不能穿了, 只可以穿legging，之前在淘寶買了2條大肚褲，但我肚子不大有點鬆著唔到住，好煩惱！
現在衫同鞋都不想買，怕以後不能再穿，無野好買好悶呀！

WEEK 14 (回憶): 屯門醫院檢查 + EASTER HOLIDAY

因為個心有雜聲, 所以要請假去屯門醫院檢查!! 仲要朝早見婦科, 下午見內科, 一整日都要在醫院!!!
上午1045籌見婦科醫生但等了2個鐘先有得見醫生！個醫生係男醫生, 入到去聽下BB心跳再問2句就話走得, 話6個WEEK後返黎睇埋內科個報告, 5分鐘都無呀!!!! (真係唔明見醫生黎做咩????

下午0145籌睇內科，但0355先見到內科醫生。真的等到人都傻！照左心電圖, 好在係個女姑娘照, 內科醫生係男醫生, 都OK NICE, 話我應該無事,心電圖顯示無咩特別,只係注意懷孕後期有否不適就可以，下次唔使見內科啦。

就係咁, 無啦啦浪費左一日！

算啦, 最緊要個心無事!!!

放EASTER假啦... 同老公去左MACAU 2 日

相關BLOG: 復活節澳門遊

好開心既係我開始食到野啦... 係MACAU好好胃口... 老公開始懷疑我之前係唔想食而唔係食唔到.... HAHA...

14 WEEK, 有個小肚腩!

WEEK 13 (回憶): 嚇C人之第一次健康院檢查 + 第三次私家檢查

雖然13週了，我沒有和太多人透露我懷孕, 可能心裡還是有點不安吧...
胃口還是一樣的差，老公成日叫我食多d野，我都想，但真的食唔到，個胃一係唔想食，一係就食少少就頂住，幾時先正常返？
人地話3個月後就會好, 點解仲未好架??

可幸的是中醫話已經唔使再飲藥, 而BB都似乎穩定了!!!

我覺得肚子大了，不過只係自己覺，人地只覺係肚腩^_^，沖涼時成日會照下個肚子有幾大！

依家開始要側睡，習慣平訓既我都睡得不太好。

第一次健康院檢查

我去元朗的容鳳書健康院檢查，check好多野，用左成2個鐘。
1. 磅重驗尿
姑娘都OK呀, 見我個樽仔太細仲送左個大D既藥樽畀我 (載尿用)...

2. 見姑娘
呢個姑娘好NICE, 同我傾計, 又問我有無唔舒服, 又講解書仔裡面既懷孕資訊, 呢D係私家醫生唔會做既...

3. 見醫生
個醫生係女醫生, 好後生, 都好NICE, 可惜又嚇我一餐...

原來會檢查乳房同聽心, 好在係女醫生JA...

檢查後BB無問題... 不過聽心後醫生話我心有雜音，要REFER我去屯門醫院CHECK！醫生話可能懷孕令血液流得快左, 但都有可能係心臟有事(如心漏) ...
我心想唔係呀話, 我唔擔心自己個心有事, 因為由細到大都無事, 而第一樣想到既係我唔想去屯門醫院...

4. 之後抽埋血就走得... TOTAL 2 HRS... 我之後仲要返工...

因為一早知道健康院檢查好HEA又唔會照O/S, 所以我叫老公唔使請假陪我...
當我報告畀老公知時, 老公好擔心，仲叫我不如去即刻去睇私家醫生, 或者去私家醫院睇睇...不過我覺得應該無事的，所以想先去看看屯門醫院
下星期睇DR CHEUNG時再問下意見吧。

走時好多奶粉EE，填左好多FORM, 送左好多bb野，第一次擁有BB既野, 雖然唔使錢, 但實在感又強了...

星期六去屯門醫院MAKE APPOINTMENT, 估唔到安排我4日後見醫生, 仲要婦科內科(心臟)醫生都要見... 老公又擔心,話政府醫院畀個咁早既期可能好嚴重... 唔理啦... 到時先睇下點啦....

第三次私家產檢

我地又係去DR.CHEUNG度... 見BK既MAMA話14 WEEK已經照到性別, 所以呢次產檢都有D期望...
好可惜, 醫生居然話太早未照到... 但我就估計係佢部機太渣睇唔清楚所以先照唔到...
老公好失望呀，話2個WEEK前屯門醫院都睇到D野, 但呢個醫生就咩都睇唔到喎，又話唔鐘意呢個醫生, 又呢樣個樣!!
我話我如果開刀想搵呢個醫生, 無辦法唔睇佢, 攪到我好嬲好唔開心, 好似照唔清楚係我責任咁!!!!! 嬲左老公一陣, 好在佢都知錯好快TUM返我!!!!

其實最緊要係bb健康,遲D知又有咩所謂?? (老公佢都係太緊張啦)

照O/S時bb有張開口，個下巴又尖，個樣其實好像ET, 但佢MAMA我覺得好得意！

個心既問題, DR CHEUNG話我個心應該唔會穿左，因為如果係唔會咁大個人都無事發生, 應該無事。咁都放心D!!

WEEK 12 (回憶): 嫲嫲喪禮 + OSCAR TEST

嫲嫲喪禮
由於我在懷孕中, 所以整個喪禮中我的服裝和某些儀式都同其他人都不一樣... 所以因此整個家族和親友都知道我懷孕了(雖然肚子還沒突出)!!
老公話嫲嫲好好, 知道我剛剛12週才不怕被人知道... 我說估不到我地會以呢個方式來"宣佈"我有喜...
我又諗, 如果嫲嫲知道我有喜, 佢又會否支撐到BB出世呢??
不過我知道, 嫲嫲在天一定會祝福BB的!!

我們是圍村人, 所以嫲嫲喪禮都比較大型, 而且睇到好多圍村人的"習俗"....

呢一刻我好衰, 我好想肚入面的係囝囝, 因為呢個喪禮令我知道老公家族都係以男人為主, 如果家裡無男人會好唔方便...
BB你原諒MAMA的私心...
當然, 你係囡囡的話MAMA都一樣愛你, 只要你健健康康, MAMA已經好開心了....

OSCAR TEST (唐氏)
12 WEEK也是做OSCAR的時候, 我去的是屯門醫院... 我人生第一次使用政府醫院的SERVICE!!!
估不到我覺得又幾好喎...
去到登記之後, 就入房聽姑娘講TALK同睇VIDEO, 之後就照BB啦...
雖然我係9號籌, 但都好快到我地啦...
bb好乖好合作，頸皮1.8mm, 正常！

幫我地照既姑娘係頭先講TALK個位 (我估佢都係比較SENIOR), 佢好NICE呀, 頭呀手呀腳呀全部都照畀我地照,而且醫院個MON好大, 老公睇得好清楚!
睇睇下,姑娘仲話有粒白色野突起, 姑娘話可能係仔仔，但又話不過呢刻唔可以100%肯定!!
我好SURPRISE, 因為之前姑娘叫我地唔好問BB性別, 話佢地係唔會講既!!
雖然姑娘咁講, 但我地都唔敢"當"BB係仔仔，因為我驚BB如果係囡BB會唔開心!
抽完血就可以走了, 大概1.5HR就完成, 我覺得幾EFFICIENT呀! 抽血都唔痛!

老公呢日好開心，因為今次佢話超聲波好清楚,話見到BB yukyuk下好活躍好得意, 仲話BB好似做緊SITUP, 又話有佢既GENES所以咁活躍喎!
老公夜晚仲自己無啦啦係度kiki聲笑，佢話諗起bb今日yukyuk下個樣真係好得意，老公真係好傻呀!! 見到老公咁開心，我都好開心！
bb你要加油，2個星期後我地又見啦！你要健康長大呀，無論男女，媽媽都會咁愛你架!!
為左獎勵BB (同我), 檢查後去我地去左食麥當勞, WAHAHAHA.... (懷孕後好鍾意食麥當勞, 不過老公唔畀我食太多, 同埋我唔會飲汽水的!)

WEEK 11 (回憶): 嫲嫲不在了

呢個WEEK 發生左一件令我地好唔開心既事, 就係老公嫲嫲過身了.... 對我地都有點突然！

相關BLOG: 嫲嫲

嫲嫲過身時全家人都有去醫院見佢最後一面，但奶奶叫我唔好去醫院，奶奶話因為醫院多菌而且人地話大肚婆好易見到污JO野...
我在公司知道後都忍唔住喊左出黎 (懷孕的我特別容易喊)

我心想嫲嫲點解你唔等埋曾孫出世呢？我地都來不及話畀嫲嫲知我有左...

老公話嫲嫲已經好辛苦，或者解脫對她來說是好的。

嫲嫲我地會永遠掛念妳！