Momo 13&14個月成長紀錄

又來雙月記，忙碌嘅在職媽媽加上兩子之母，時間真係完全唔夠用，現在只能趁返工放工時嘅乘車時間來打blog，以至好幾天才能打完一篇，但我還是希望盡量打！

Momo13個月病一次，14個月又病一次，雖然只係一般傷風感冒，但佢就瘦左好多，食唔好又瞓唔好。最近好返好多，希望可以谷返肥佢啦～

重
沒有磅重，只係肉眼已見到瘦左好多>_<

食
已經兩奶三固了，但病左時，有時瞓左就三奶兩固。Momo一向都厭奶嘅，只有瞓左嘅時候先肯食奶，雖然係咁，但每次都飲到7-8安奶。食粥仔方面差左， 好似食厭咗bb粥。最近有一段時間食得好差，所以我而家會先醃咗啲肉先至煲粥，佢就食得好啲。我哋食飯嘅時候，momo又會扭計要食我哋嗰啲！bb零食同水果就非常之鍾意，見到佢為食嘅樣真係好得意！呢啲係哥哥以前未見過嘅！

瞓
瞓覺一向一晚醒幾次，已經一歲幾，都仲係咁，所以成日搞到我無覺好瞓。日頭正常嘅係兩個nap，但有時死撑唔瞓2nd nap，就會夜晚8點幾就瞓。

牙齒
13個月大終於出左兩隻牙啦～
得兩隻咋，哈哈

語言能力
早過哥哥講野，呢點令媽媽我非常開心！識講媽媽，爸爸，爺爺，嫲嫲，dog dog, 筆筆，洗白白會講白白，工人姐姐佢叫姐，最勁嘅係識講奶咀！好明顯佢成日食奶咀-_- ，但就仲未肯叫哥哥

情感發展
超惡嘅小朋友，成日同哥哥爭玩具。爭唔贏會打哥哥(；一_一)。你鬧佢佢會吖吖吖咁話返你！最鍾意掉野，會講“掉”，同埋收埋啲野喺sofa底(¬_¬)

但另一方面又係個嗲嗲豬，鍾意人抱，痴住大人。媽媽喺度時直情係塊貼身膠布，咩人都唔要！

愛玩愛笑，咩都玩一餐，會擒高擒低，成日指住大門要落樓下玩！真係活躍過哥哥好多！

兄弟感情
兩兄弟一齊玩通常都爭吵::>_<:: 大個啲都唔知點算！
細佬係特別鍾意搞哥哥玩緊嘅野！成日搞到哥哥崩潰-_-# 其實細佬已經好多野玩，可能佢想同哥哥玩呀!

剛一歲唧時候，剪左個靚髮

成日掉野去梳化底，再擺支棒去掃，係學哥哥嘅！

終於見到兩隻牙仔！

兩兄弟最和氣嘅時候就係揸車時！

啲頭髮長得幾快！

扭計樣

食零食最叻

Christmas  is coming! 

有得出街就開心！

超鍾意飲水嘅bb，但唔飲其他野呢

貪玩又愛笑

雖然細佬無哥哥細個生得咁可愛，但就好似好識好多野咁，又好搞笑！

「親‧早‧啟動 ─ 早產嬰幼兒親子支援計劃」

阿包係細個嘅時候，好遲先識講嘢。起初以為佢只係比同年紀嘅小朋友慢啲，但到咗佢兩歲幾嘅時候，發現佢講嘢唔清晰、咬字又唔正，直到佢三歲嘅時候我就決定要正視呢個問題，帶佢去見語言治療師。當時喺網上面搵相關嘅資料，用咗好多時間，但係資料都唔多。喺呢度特別要多謝小檬媽媽，俾咗啲意見我，仲介紹埋治療師俾我！真係好感動！因為及早發現就可以盡早改善問題，如果等健康院轉介就真係太遲喇！

雖然宜家嘅阿包講野都係無同齡小朋友咁好，但慶幸嘅係阿包只係咬字唔正，表達能力無問題，多加練習就可以了。

所以我深深明白，媽媽如果育兒方面有乜嘢問題，即使網上面好多資訊，但真係眼花繚亂！又唔知道應該搵乜嘢人幫手！

之前momo細佬仔嘅媽媽谷裏面有幾個bb都係早產bb，我知道早產媽媽喺尋找育兒資訊時遇到唔少困擾。本地有關早產兒的資訊不足，大多數來自海外網站，好似台灣等等。聽佢地講好多時都好難全面掌握照顧早產兒嘅小貼士，更加難搵到合適的渠道俾早產bb接受訓練！

講起早產bb，每年嘅11月17日定為「世界早產日」，目的係喚起公眾關注早產問題！

原來宜家有個由協康會主辦、美贊臣社區關懷計劃支持嘅「親‧早‧啟動─早產嬰幼兒親子支援計劃」，建立全港首個最全面支援早產兒嘅服務平台，提供資訊最齊全嘅早產兒資訊網給予早產兒的父母。

呢個平台有協康會物理治療師團隊製作嘅家居訓練短片，讓父母可為不同階段嘅早產bb做簡易嘅家居訓練，等早產bb把握黃金時機，盡早接受合適訓練。呢個平台為早產兒父母提供全方位支援，唔洗再依賴海外網站嘅資訊，輕鬆解決以往所遇到嘅困擾！

媽媽要湊bb周身唔得閒，一個全面嘅育兒平台對媽媽真係好重要，方便又快捷！

真心希望將呢個網站推介左俾有需要嘅媽媽朋友！

想了解更多及登記，可瀏覽http://www.heephong.org/webprod/cht/sponsor/about

#親早啟動 #早產兒 #愛相伴 #協康會 #美贊臣社區關懷計劃

十一假期帝景酒店之旅

早前十一黃金週， 難得有公眾假期！因為平時星期六日呀包都要去學嘢，於是我就想搵啲嘢嚟做，但係因為工作好忙，無時間諗，喺放假之前兩日先至決定去搵酒店。啲酒店好快就已經full曬，有錢都book唔到。我心目中想要有沙灘有泳池嘅酒店，會多啲嘢玩，另外就係細佬仔仲未試過去沙灘㗎，第一個諗到嘅就係黃金海岸，好可惜佢已經冇房，跟住就畀我搵到帝景酒店。本來呢間酒店就好平嘅，因為黃金周同埋我太遲到嘅關係，個rate都幾貴㗎！但係咁難得嘅假期，貴就貴啦！只係師奶仔性格，同自己講下次一定要早啲book！

嗰一日 等bb 瞓完覺，我地又食晏，就出發啦！其實由我哋屋企揸車去荃灣帝景酒店只係需要 20分鐘，真係好快呀！

去到攞房，高層海景房! 兩兄弟碌下床先！
呢日仲著左兄弟裝架！

Momo係好鍾意住酒店架，次次佢都好開心！

窗外海景，真係有渡假嘅感覺！

間房都唔細，仲有張bb牀無入鏡

之後我地就去旁邊嘅麗都灣玩！

行過去雖然唔遠，但有條好長好長嘅樓梯！

落樓梯都ok，但上來就……(@_@)

細佬仲細，所以無預佢玩水，只係玩下沙

阿包哥哥係好怕沙嘅，唔到細佬一啲都唔怕，仲好鍾意玩呀！

哥哥一定要坐喺mat上面架 XD

呢日天氣好好呀！坐喺樹蔭下玩沙都好舒服！

細佬自顧自玩，非常投入，

完全無理過我呢個阿媽

哥哥打左盤水

鍾意玩水嘅細佬更加玩到成身濕曬！

哥哥有同爸爸去玩水，但就無影相

爸爸報告話，水都算乾淨，但係水幾深下，沙會拮腳，唔知係垃圾定係貝殼，好彩我地一家都有著沙灘鞋

細佬仲喺沙灘食埋粥仔呢！

但係bb都係好快眼瞓嘅，所以我就同momo細佬上房沖涼瞓覺

另一方面，阿包表弟都黎左沙灘一齊玩，玩到唔願走

Cute baby!

哥哥玩完上來沖涼，細佬又醒了，

兩兄弟咩都玩一餐，有伴真好！

酒店有餐廳，但因為我地有揸車，所以就出返荃灣食飯，食完飯再去supermarket買咗啲零食同宵夜

返房時到媽媽沖涼，痴媽b唯有食星星餅先唔扭計

哥哥就睇電視

酒店有個好細嘅play room，免費嘅，去玩左一陣就上房瞓覺！

（哥哥行動太快唔影佢了）

第二朝就去食早餐，包早餐嘅

都ok多野食，普普通通咁啦

細佬都有食麵包

之後我地就上房換衫去泳池玩水！

二對二，完全無手影相！

借圖一用，泳池同圖中一樣，

嗰日都幾多小朋友！

跟住我又同細佬上房沖涼瞓覺！

哥哥沖完涼，細佬仲瞓緊，又去play room玩一陣，一點左右就check out了！

返屋企都好快！

總結，咁樣玩下都幾好！對於好快眼瞓嘅bb，travelling time真係愈短愈好！有沙灘有泳池有早餐，係地點唔太方便，泊車又要錢。不過如果rate唔高，我都有機會再來！

Momo 1 歲生日 party

Momo嘅第一個生日會，媽媽再唔夠時間都要安排一個！

當日早上還要陪哥哥上英文堂

唔能夠好似阿包以前咁，咁多自製食物

但媽媽都準備左啲佈置

Momo最愛panda, 就以panda做party theme!

蛋糕當然係panda了!因為預左畀momo食少少，愈簡單愈好，唔好太五顏六色

Momo細佬未醒，阿包哥哥做住model先！

前一晚自己整左啲雜果啫哩同鮮果沙律

當日即整嘅菠蘿腸仔，小朋友至愛

Panda蛋糕仔充撐下場面

打扮左嘅益力多 :-)

到會食物，再加啲壽司

全家幅

細佬太可愛啦 ≥^.^≤

Momo好似知道自己係主角，好開心呢！

（不過哥哥都當自己係主角，係都要影埋一份！）

I love you!

Momo 初嘗蛋糕，食唔停！

（生日嘛，食少少唔緊要啦）

睇下我影嘅相幾溫馨！

真係笑得好甜呀！

媽媽感言

話咁快就一年，呢一年感覺上都幾辛苦。細佬比哥哥難湊好多，壓奶，濕疹，瞓覺又瞓得唔好，令到我嚴重缺乏休息，唯獨食方面係好過哥哥。再加上兩個小朋友都痴我，真係令到我有唞唔到氣嘅感覺。同老公之間的感情都差咗，好多爭拗！加上工作上嘅壓力，曾經都有好灰心嘅時候！但唔知邊度來嘅力量，好快又振作起來。

呢一年，momo病左兩次，一次畀哥哥傳染手足口，另一次就玫瑰疹，細bb病真係好慘豬，相比哥哥14個月大先第一次病，見到momo咁細就病真係好心痛…

Momo 11個月大就去左沖繩玩，媽媽挑戰成功，雖然好攰但非常值得！

細佬性格同哥哥好唔同，愛哭愛笑，又活躍過哥哥，為食過哥哥。連樣貌兩兄弟都唔太似。但相同嘅係兩個都愛車！望住兩個仔，有時我真係覺得自己好幸福，有咁可愛嘅仔仔！

我現在希望佢兩個快點長大，相親相愛，健康快樂，就係我最大嘅期望！